يا الله مكيفات الجزيرة شي مو معقول

**صدى الآهات** · 31-05-2009, 01:33 PM

شي مو معقول عندي مكيف الجزيرة صحراوي نص المهم المكيف كان من الجهة الخلفية كرتون تقريباً 10سم ومن الجوانب ليس فيها لا كرتون ولا قش المهم غيرت النظرية ركبت من جميع الجهات قش هذا الكلام من سنتين.

السنه هذي رحت ابي اغير جميع الجهات بكرتون ذهبت الى الجزيرة بطريق خالد بن الوليد رضي الله عنه (انكاس) سابقاً وذكرت للبائع انني ارغب بماذكرته سابقاً .

فأجابني بالنسبة للكرتون مع الباب 1100 ريال الواحد بدون باب 1050ريال هذا طبعاً كرتون 5سم .

اما الكرتون ابو عشرة 10 سم فا 1500 ريال . وووااااااااااااووووووو.

قلت ليش كذا غالي قال الكرتون فيه ماده ضد التملح وغيرها قلت يجيب الله مطر.

لعب على الذقون وعلى المستهلك حسبنا الله عليهم

لك الله يااااااااوطن

لك الله ياااااامواطن

والى الله المشتكى

**جمرة غضا** · 31-05-2009, 01:45 PM

اقتباس:

قلت ليش كذا غالي قال الكرتون فيه ماده ضد التملح وغيرها قلت يجيب الله مطر.

والله العلي العظيم إنها كذبه .... وأنه مثل القش بــ تجميع ملح
عندي وارد البابطين "امريكي " و البياع يقول ان الكرتون يقعد 3سنوات ماتغيره

**محب البساطه** · 31-05-2009, 05:54 PM

والله ندمت شريت من الجزيره

شريته من سنه ونصف تقريبا ولسه مصلح الدينمو علقت المكره حقته
ماصدقت والله الكهربائي يقول لي انها خربانه

ورحت يم حقين المواطير دورتهم حتى لقيتهم بعد مشقه
وكشفوا على العله الدينمو واكتشف ان الجلبه خربانه ؟
والسبب قال اني ماازيت الدينمو ؟
يقول انه يجب كل سته شهور ازيت المكره
والله ماقريت شئ في الكتالوج ولا عندي ادنى فكره عن عملية التزييت هاذي
ولا بعمري زيت مكيفات ولا شئ !
المهم خمسين ريال وبكره تعال
وغيرت القش
وطرمبة المويه هاذي ما تعوق كل شهرين ثلاثه تخرب
170 ريال تقريبا نقدتها مع بداية الصيف ؟ يعني لا استفدنا من توفير الكهرباء ولا شئ ومتابعه
وهاذا سباك جاي وهاذا كهربائي رايح وحوسه

كلفني كثير والله تقريبا مع الصيانه الآن مع مبلغ الشراء الى الفين
وبعدين قلق يبله مداره وتفقد واذاهبت عليك السموم انس انه يبرد خاصه في الظهريه

لو شريت مكيف شباك كان افضل بعشر مرات بلا اي تردد

**ميراج** · 01-06-2009, 02:07 AM

شريت 3 مكيفات الجزيرة ب 9000 ريال ثلاث ارباع حصان و هذاني طاق اصبع فيهم ابرميها كلها و بشتري العيسي مره ممتاز نصيحه انحاشو من الجزيرة كل ما اكلم اصيانه يقولون مافيها شي و مرة يسبون التسليك المهم ركبت القديم كرافت حق العيسي نص حصان و شف كيف الهواء قوي و بارد خلوكم على العيسي احسن لكم نصيحة لا تتندم زيي

**صدى الآهات** · 01-06-2009, 02:33 PM

والله ثم والله لدي مكيف كرفت من مدة 7 سنوات حتى الآن لم اغير فه الا طرمبة الماء والقش فقط نعم فقط

وتحسفت يوم شريت من مكيفات الجزيرة العام الماضي غيرت الماطور هو ما كمل سنة.

**تايني37** · 02-06-2009, 02:44 PM

يا زين الطراوه ......
منشفه مبلوله ومروحه

**m r . m e** · 02-06-2009, 04:03 PM

الحمد لله ما عندنا مكيفات

اذا حسيت بالحر فك الشباك يجيك احلى هوا بااارد

**عبدالله بن علي** · 28-08-2009, 05:52 PM

اخرجور الصحراوي من بيوتكم

طرمبه سير مروحه عوامه نظف قش انتبه للماء عدل الريشه ........

خرابيط واجد

والنتيجة؟؟؟؟!!!!!!!!!!