المشاركة الأصلية كتبت بواسطة ابوابلي

المفروض ان المرور ومؤسسة النقد يلزمون شركات التامين برصد المبلغ في البنك مقدما ويصرف الشيك فورا عن طريق تحويل من المرور مباشرة مع اشعار الشركة بذالك

والله فكرتك حلوه يا اخوي الغالي
بس قول لي مين اللي راح يطبقها
اكيد النقد والحكومه لهم مصلحه من هذا الموضوع

السلام عليكم ورحمه الله

بعد انقطاع عن الموضوع رجعت لكم من جديد
بالامس كنت مع موعد مع جلسه في مؤسسه النقد
وكنت بإنتظار النتائج واصدار الحكم

للأسف وبشده خصمي شركه التعاونيه للتأمين لم يحضر
والقاضي اخذ اقوالي ومتطلباتي لشركه التأمين

وعدني بجلسه اخرى ان لم يحظر سيصدر الحكم بوجوده او بدون
وكما قال لي السكرتير لربما نجبره على الحضور وسنرسل له عسكري يحضره للنقد

هذه صوره من الموعد الجديد



دعواتكم يا مسلمين

ياناس هاذي شركة يعني لها كيان وموظفين ومسئولين !!!!!!!!!!
كيف يقولوا روح لشيخ المعارض ؟!!!!!!!!!!!
الظاهر انهم عارفين انه بيطيّح السعر ....
اقول الله يعوّض عليك وانا اخوك ولاتترك الموضوع يروح بها الشكل لأنه شركات التأمين شغلهم نصب يأسسون الشركات علشان المساهمات بس !!!!!!

السلام عليكم ورحمه الله وبركاته
بالامس انتهت جلستي الثانيه
وقد حضر المدعي عليه في الجلسه وكان رده ان المبلغ مبالغ فيه
وعرض علي دفع مبلغ 5000 ريال فرفضت ذلك بحكم ان المبلغ لايغطي تصليح السياره
انتهت الجلسه والقرار اللي راح تتخده مؤسسه النقد راح يكون بعد 3 اسابيع من الان

انا اقول اذا التأمين متعلق على قراره انه راح يدفع 5000 اكيد النقد ماراح يقدر يسوي شي
هذا رأيي انا
والتماطل ووقوف السياره وتعطلي عن اعمالي احس كل شي خرابيط
يعني انا راح اصلح السياره من جيبي وفكره مؤسسه النقد شي ماله داعي
حسبي الله عليهم

انتهت الجلسه والقرار اللي راح تتخده مؤسسه النقد راح يكون بعد 3 اسابيع من الان

الله يعينك ويخلف عليك
لها حق الشركات بالمماطله

المفروض ان تأسس محاكم تختص بالأمور التجارية مثل "دولة الإمارات "
تحال القضيه لوزارة التجارة وإذا لم يتم الصلح
تحال مباشرة للمحاكم ويبث بها بدون تأخير

اليوم 21 /11 يعني باقي كم يوم ويمر شهر

الله ينصرك عليهم وتاخذ حقك

المفروض ان تأسس محاكم تختص بالأمور التجارية مثل "دولة الإمارات "
تحال القضيه لوزارة التجارة وإذا لم يتم الصلح
تحال مباشرة للمحاكم ويبث بها بدون تأخير

كلام سليم اختي جمره
إلى متى حكومتنا تستوعب هذا الشي
وشاكر لك على مرورك مره اخرى ^_^

اليوم 21 /11 يعني باقي كم يوم ويمر شهر

الله ينصرك عليهم وتاخذ حقك

اخوي حجازي ماشاءالله عليك كأنك متابع لقصتي من اول
صحيح المفروض اني استلم رد اليوم او بكره
وبكذا يكون مؤسسه النقد توفي بوعدها لي
حدود اسبوعين او ثلاثه سوف نرى المصداقيه في الاسبوع الرابع

اول شيئ الحمد لله على السلامه....
ثاني شيئ انا صار لي حادث قبل فتره وصار لي مثل الي صار لك من تسحيب ومماطله وعدم احترام بشكل لا يوصف
المهم انا ما امدح نفسي بس اني اتخذت قرار من راسي ووالله كنت حاط في بالي انها خربانه خربانه لو يصير الي يصير
طبعآ لما شفت الوضع كله تسحيب ومماطله لمدة شهرين اتصلت على التامينات وطلبت رقم المدير ولما حولوني على المدير قمت اسب فيه واشتم فيه واهدده والله هذا الي صار لانه قهرني الكلب لما قال ان موترك مايسوى المبلغ الي تم وضعه من قبل الورش وكان المبلغ18000 عاد انا قلت له باختصار
شوف انا تعبت معاكم وراح اقبل بالي راح تصرفونه لي لكن والله لو دفعت ريال واحد من جيبي راح تشوف شيئ عمرك ما شفته وانا كنت قدها بكلامي
المهم عاد هو قلبها صلح وقام يهدي فيني وقال خلاص راح اتصل فيك بعد ما اشوف موضوعك
وبعد يوم اتصل وقال قررنا نصرف لك 14500 انا قلت له لو تصرف لي ريال ما عندي مانع اهم شيئ ان المبلغ يسوي الصدمه كااااااامله
وبعدها طلب مني اكتب خطاب بأني اقبل بالمبلغ المذكور وارسله له فاكس على مكتبه تدري ليه كل هذا ؟من التهديد الي جاه تخيل انا الوحيد الي يستلم شيكه بعد خطاب ارسله اكتب فيه اني راضي بالمبلغ
طبعآ انا كتبت اخطاب علشان اخلص من موتري الي جلس شهرين واقف

(تم تحرير هذا الجزء من النص من قبلي abuhisham .. أولا .. الحمدلله على سلامتك و معوض خير .. ثانيا .. مهما حصل أخي الكريم لا يصح أن تأخذ القانون في يدك و تقوم بمثل ما ذكرت)

وكنت قد كلمتي وترى المدير اسمه امجد الخالد في التعاونيه للتامين ومسوي ذكي مكتبه في حي السفارات على باله محد يقدر يوصل له بس اذا حطيت شيئ في بالي سويته الزمن ذا والله مالك الا تاخذ حقك بيدك وسلاااااااامتك

المشاركة الأصلية كتبت بواسطة hmooodeasiri

اول شيئ الحمد لله على السلامه....
ثاني شيئ انا صار لي حادث قبل فتره وصار لي مثل الي صار لك من تسحيب ومماطله وعدم احترام بشكل لا يوصف
المهم انا ما امدح نفسي بس اني اتخذت قرار من راسي ووالله كنت حاط في بالي انها خربانه خربانه لو يصير الي يصير
طبعآ لما شفت الوضع كله تسحيب ومماطله لمدة شهرين اتصلت على التامينات وطلبت رقم المدير ولما حولوني على المدير قمت اسب فيه واشتم فيه واهدده والله هذا الي صار لانه قهرني الكلب لما قال ان موترك مايسوى المبلغ الي تم وضعه من قبل الورش وكان المبلغ18000 عاد انا قلت له باختصار
شوف انا تعبت معاكم وراح اقبل بالي راح تصرفونه لي لكن والله لو دفعت ريال واحد من جيبي راح تشوف شيئ عمرك ما شفته وانا كنت قدها بكلامي
المهم عاد هو قلبها صلح وقام يهدي فيني وقال خلاص راح اتصل فيك بعد ما اشوف موضوعك
وبعد يوم اتصل وقال قررنا نصرف لك 14500 انا قلت له لو تصرف لي ريال ما عندي مانع اهم شيئ ان المبلغ يسوي الصدمه كااااااامله
وبعدها طلب مني اكتب خطاب بأني اقبل بالمبلغ المذكور وارسله له فاكس على مكتبه تدري ليه كل هذا ؟من التهديد الي جاه تخيل انا الوحيد الي يستلم شيكه بعد خطاب ارسله اكتب فيه اني راضي بالمبلغ
طبعآ انا كتبت اخطاب علشان اخلص من موتري الي جلس شهرين واقف
بس صدقني بعدها تربصت للمدير وصدمته على موتره البانوراما وحطيت رجولي بالموتر لان موتري كان جيب قديم كله حديد في حديد والله كسرت موتره من جهة الابواب ومع الشنطه ورقيت الرصيف ونحشته وخليته الضعيف على باله اني راح اخليه لاني دفعت 2000 ريال فوق المبلغ الي صرفوه لي
وكنت قد كلمتي وترى المدير اسمه امجد الخالد في التعاونيه للتامين ومسوي ذكي مكتبه في حي السفارات على باله محد يقدر يوصل له بس اذا حطيت شيئ في بالي سويته الزمن ذا والله مالك الا تاخذ حقك بيدك وسلاااااااامتك

هذا كذب واضح

لان الشخص اللي ذكرته مبتعث خارج المملكة منذ اكثر من سنة والشئ الاخر هو ليس مدير ولا حتى مشرف والاهم ان سيارته مو مرسيدس

خاف ربك وخل عنك الهياط واستغرب ليه الادارة ما حررت ردك

اول شيئ الحمد لله على السلامه....
ثاني شيئ انا صار لي حادث قبل فتره وصار لي مثل الي صار لك من تسحيب ومماطله وعدم احترام بشكل لا يوصف

اول شي الحمدلله على السلامه اخوي
ماتشوف شر
وكل شي معوض
والتماطل واللي حصل لك شي طبيعي من شركات التأمين
الله يكون في عوننا بس