قصتي مع مماطله التأمين وشيخ المعارض طرفها الثاني - الصفحة 3

**Fresh Prince** · 12-09-2009, 02:15 AM

الله يسمع منكم يا اخوان
تسلموا جميعا على المرور والمطافي والاسعاف خخخخ
بس ان شاءالله راح اخذ حقي منهم
دعواتكم
واي شي جديد راح ابلغكم فيه

**aboweam** · 12-09-2009, 06:20 AM

اقتباس:

المشاركة الأصلية كتبت بواسطة ali3llawi

الله يسمع منكم يا اخوان
تسلموا جميعا على المرور والمطافي والاسعاف خخخخ
بس ان شاءالله راح اخذ حقي منهم
دعواتكم
واي شي جديد راح ابلغكم فيه

كان الله في عونك .........

ولو تبي نصيحي ماعليك من مؤسسة النقد والتامين كلهم نصابين لكن روووح للأماره وقدم
لهم معروض ووضح معاناتك معهم .... وان شاء الله الاماره يوقفون معك

**khallled** · 12-09-2009, 07:43 AM

اقتباس:

المشاركة الأصلية كتبت بواسطة ali3llawi

السؤال يقول

هل سوف استلم حقي كامل من التأمين ام استلمه ناقص كما سعرها شيخ المعارض
هل ستقف مؤسسه النقد معي ام ضدي في القرار

وإلى من سأشتكي او إلى متى سوف انتظر

لاحول ولا قوه إلا بالله

شوف انا اقولك لان عارف ومجرب موقفك

الحين ما راح يعطونك 11 الف كذا

أنا اقولك
مثلا
لو عندك سيارة قيمتها 15 الف ريال
وصدمت فيها وطلع قيمة التثمين ((الاصلاح)) 20 الف

شركة التأمين ما تعتمد مبلغ الاصلاح ألا بعد ما تروح للشيخ المعارض

يسوم السيارة قبل الحادث وبعد الحادث
يعني لو سامو السياره قبل الحادث وطلع 12 الف ريال
وبعد الحادث طلع 4 الاف ريال

يروحون ويعملون هذي المعادلة
قيمة السيارة قبل الحادث(12) - قيمة السيارة بعد الحادث(4) = 8 الاف ريال

ويعطونك 8 الاف ريال وانت عاد روح بيع سيارة تشليح زي ما تجيب

وجمع المبلغ على بعضه وأشترى سيارة جديدة ((أقصد مستعمله ))

طبعا في حالة أن هذا المبلغ طلع أكثر من قيمة الأصلاح الى هي 20 الف
يعنى لو طلع المبلغ من المعادله 30 الف

راح يعطونك مبلغ الاصلاح الى هو 20 الف

((بس لا تنسى تعطي شركة التأمين فواتير الشركة الى كانت تسحب سيارتك
تراهم يدفعونها عنك ))

وبالتوفيق

**Fresh Prince** · 12-09-2009, 06:08 PM

اقتباس:

كان الله في عونك .........

ولو تبي نصيحي ماعليك من مؤسسة النقد والتامين كلهم نصابين لكن روووح للأماره وقدم
لهم معروض ووضح معاناتك معهم .... وان شاء الله الاماره يوقفون معك

تسلم اخوي
بس صدقني كنت مخطط لهذا الشي
بس ابي اعرف ايش النتيجه بعد ثلاث اسابيع
اذا صارت ضدي راح اقدم شكوى في الاماره
وديوان المظالم
واخر شي الملك
ماراح اسكت عن حقي

**Fresh Prince** · 12-09-2009, 06:15 PM

اقتباس:

شوف انا اقولك لان عارف ومجرب موقفك

الحين ما راح يعطونك 11 الف كذا

أنا اقولك
مثلا
لو عندك سيارة قيمتها 15 الف ريال
وصدمت فيها وطلع قيمة التثمين ((الاصلاح)) 20 الف

شركة التأمين ما تعتمد مبلغ الاصلاح ألا بعد ما تروح للشيخ المعارض

يسوم السيارة قبل الحادث وبعد الحادث
يعني لو سامو السياره قبل الحادث وطلع 12 الف ريال
وبعد الحادث طلع 4 الاف ريال

والله هذه المعادله فاشله واللي اخترها افشل منها
ياخي طيب انا ابي اصلح سيارتي ايش الحل
يعني ابيعها تشليح واخسر فيها
وش الفايده طيب من هذه المعادله احس شيخ المعارض ماله مكان اصلا
وشغلته مالها داعي
طيب انا كيف اصلح سيارتي بهذه المعادله التعبانه
لو كل واحد بيصير له حادث باع سيارته تشليح وشرى له سياره يمكن ماتطلع زي سيارته ماشيه مضبوط
وزي ماتعرف السياره جديده من وين اشتري سياره ثانيه مثلها
ما اقول بس الله لايوفق شركات التأمين وشيخ المعارض
الله بياخذ حقي منهم يوم الحساب

اقتباس:

((بس لا تنسى تعطي شركة التأمين فواتير الشركة الى كانت تسحب سيارتك
تراهم يدفعونها عنك ))

والله الفواتير عندي وياكثرها بس
وياكثر ما ازور المكتبه لنسخ الاوراق
الفواتير عندي قيمتها حوالي 750 ريال للسطحات
وغير مواصلاتي بالليموزين
انا اشك اانهم راح يدفعون
وغير تعطيلي عن اشغالي 4 شهور
اللهم اني صائم بس

**جزيرةخضرا** · 13-09-2009, 01:02 AM

السلام عليكم

الله يكون في عونك

**Fresh Prince** · 18-09-2009, 08:40 PM

وصلني هذا التقرير من مؤسسه النقد منذ فتره
لكن كنت مشغول ولم استطع رفعه لكم

هذه صوره من التقرير

وهذا هو النص اذا لم يكن واضح

بسم الله الرحمن الرحيم
الأمانه العامه للجان الفصل في المنازعات والمخالفات التأمينيه
المركز الرئيسي

تبليغ بموعد جلسه
المكرم : ؟؟؟؟؟؟؟؟؟؟؟؟؟؟
استناذا إلى قرار مجلس الوزراء رقم 105 وتاريخ 21\03\1428هـ والقاضي بتشكيل اللجنه المنصوص عليها في الماده 20 من نظام مراقبه شركات التأمين التعاوني الصادر بالمرسوم الملكي رقم 23م وتاريخ 2\6\1424هــ فقد ورد للأمانه العامه للجان الفصل في المنازعات والمخالفات التأمينيه الدعوى المرفوعه منكم ضد شركه التعاونيه للتأمين , وسجلت لدى الأمانه العامه للجان برقم 300851 وتحدد لنظرها جلسه يوم ؟؟؟؟؟؟؟؟؟؟؟؟؟؟ الموافق ؟؟؟؟؟؟؟؟؟؟ الساعه 2م وذلك في برج ؟؟؟؟؟؟؟؟ الواقع على طريق ؟؟؟؟؟؟؟؟؟؟؟؟؟؟؟؟؟؟ لذا يتعين حضوركم قبل موعد الجلسه ينصف ساعه على الاقل في الوقت والمكان المحددين أعلاه وفي حاله توكيل الغير يلزم إحضار وكاله شرعيه تنص على حق التقاضي والمرافعه والمدافعه كما نأمل ان يتم تأييدنا بإستلامكم للتبليغ على الفاكس رقم ؟؟؟؟؟؟؟؟؟؟؟؟؟؟؟؟؟ وللاستفسار يمكنكم الاتصال على الرقم ؟؟؟؟؟؟؟؟؟؟؟؟؟؟؟؟؟؟؟؟

وتقبلو تحياتي