السلام عليكم ياحلويــن ..

أبشركـم حصلت رز يحبه قلبكم
وأظمن إن أي شخص يجربه راح يشتري كميات كبيرة منه <-- مثلي

السالفة ومافيها إني رحت للثلاجة العالمية أشتري أغراض للبيت أنا وأهلي
وللمعلومية ترى فيها الأسعار رخيصة شوي ..

المهم ..

أخذت قطمة رز أم 5 كيلو عشان أجربها وقيمتها بـ 20 ريال
وسوينا اليوم الغداء منها ، وطلع أفضل من أبو كاس وطقته ..
ورحت اليوم وشريت 8 قطم أم 10 كيلو قيمة الوحدهـ 40 ريال
وقطمتين قيمة الوحدـ بـ 20 ريال ..

يعني أخذت حق كيسيـن ، لأنه أكبر حجم عندهم هو 10 كيلو ..!

مواصفاته : <-- حشا هاذي سيارة موب رز

1/ حبته طويلة مرة وماعمري شفت من طولها ..
2/ أبيض ..
3/ مايتنفخ (يعني مو مثل الرز المصري) ..
4/ خفيف عـ البطن مثل البيشاور ولكنه ليس بيشاور
وهو بنجابي لكنه نفس الرز العادي ..

بالأخير ..

أتمنى من كل واحد فيكم يروح للثلاجة العالمية ويجرب قطمة وحدهـ بس
وأظمن إنه من بكرى راح يسنتر عندهم من الفجر

وهذي هي صور الأرز اللي شريته :

... ،،، ... ،،، ...

سلمت
شكل الثلاجة العالمية داخلها بقوة لسوق الرز
مافيه منه بيشاور

ما أعتقد ..

بس عندهم على ما أظن بشاور يحمل اسم غير هذا ..

انا ما عندي مشكلة مع الرز

المهم الطباخ اللي يعرف يطبخ

بس المهم اللي في الاستراحة ما يبون الا رز ابو كاس

صدقني اخوي ..
ما فيه فرق بينه وبين أبو كاس ، وأنت اشتر قطمة وحدهـ وجرب وشوف بنفسكـ

وين الثلاجه العالميه ذه في جده

والله ما أعلم ..

لكن ممكن تسألين وأكيد بـ تكون موجودة عندكم ..

حنا ما نشري غير رز الفارس والرشيد هو حولها؟
طيب وين الثلاجة العالمية فيه بالرياض؟
مشكور

المشاركة الأصلية كتبت بواسطة بنت الرجال

حنا ما نشري غير رز الفارس والرشيد هو حولها؟
طيب وين الثلاجة العالمية فيه بالرياض؟
مشكور

احد فروعهم مقابل سوق الخضار بحي الربوة شرق الرياض يعني على صفة مطعم الرابية

وهذه بعض الفروع سبق ان كتبها بعض الأعضاء
في ام الحمام
شارع المدينة في البديعة
في عتيقة

وممكن تعملين بحث بالمنتدى عن المحل وشوفي المواضيع