سوبرماركات العمري في عرعر مرة اخرى واستهجان المواطن

**القوماني** · 28-09-2007, 03:58 PM

لم يكفهم انهم الاعلى سعرا بكل شئ على مستوى المنطقة ,,, واستغرب فعلا بعض الناس المفبلين عليهم

طبعا انا لا اشتري منهم الا نادرا

واليوم بعد الجمعه وصوني الاهل على جبنه سائله ,,, وبعد ان صرفت النظر عن المراعي ولاحظت الاسعار شد انتباهي جبنة البقرة القويه ب 17 ,, قلت بنفسي الدنمارك عرفوا ان الله حق واعتذروا ولاعادوا لسوالفهم وانتهت مقاطعتهم نجرب هالنوعيه خصوصا ان الفرق لايقل عن اربعة ريالات بينها وبين ارخص نوع اخر

الا انني فوجئت بالكاشير يقول هذي ب 19 ,, قلت كيف ب 19 والسعر مكتوب عليها 17 هذا استغلال وانتم شارينها بالسعر القديم ان كنتم تدعون ان الاسعار زادت من المورد ,, اتقوا الله واحترموا عقول الناس ,,, المهم تهاوشت معاه بقوه وبعدين فكرت قلت اخذها اصورها وانشر الموضوع وبعد صلاة العصر ارجعها,,
بعض الناس يقول ماتسوى ريالين ,,, اقول مو مشكله الريالين المشكله استغلالنا من قبل هؤلاء المرتزقه الذين باتوا يرون المواطن شحاذا على ابوابهم

ونحن هنا لفضحهم وارجاع هيبة المستهلك المسلوبه

لاوفقهم الله ولا ربحهم وليهدهم الله ان كان فيهم خيرا

واهيب باخواني بالمشاركة والا سيأتي اليوم الذين تموتون فيه من الجوع وهؤلاء بين ظهرانييكم يأكلون ويشربون

**القوماني** · 15-10-2007, 06:13 AM

وين الردود

وين التفاعل

وين الرجال

ياحيف ياحيف

ياجماعه الظاهر اهل عرعر وبعض المناطق ماهم دارين بالمقاطعه ,,,,, سبق ونزلت موضوع عنها في احد المنتديات الخاصه بالمنطقة وتم حذفه من المشرف الله يعطيه على قد نيته

نبغى رسائل جوالات وايميلات ,,,فكروا معنا

**مقاطع من الجبيل** · 15-10-2007, 12:51 PM

بالعكس يالقوماني

معك قلبا وقالباً

والمحلات اللي رفعت اسعارها بدون مناسبه يجب مقاطعتها

بس المشكله الموضوع الصوره فيه كبيره شوي وتتعب المتصفح

نرجوا من المشرف تضبيطها

وسلمت لنا
واصل

**القوماني** · 16-10-2007, 04:12 AM

اقتباس:

المشاركة الأصلية كتبت بواسطة مقاطع من الجبيل

بالعكس يالقوماني

معك قلبا وقالباً

والمحلات اللي رفعت اسعارها بدون مناسبه يجب مقاطعتها

بس المشكله الموضوع الصوره فيه كبيره شوي وتتعب المتصفح

نرجوا من المشرف تضبيطها

وسلمت لنا
واصل

هلا والله بالجبيل واهله

ههههههههههههههههه والله صدقت ان الصورة كبيرة مرة وللاسف ارفقتها قبل ما اتعلم طريقة التصغير وهاللحين فات الفوت

بارك الله فيك ودمت لنا

الا على الطار ي وش رايك با اسعار الارنب الجائع اشوفه فتح له فرع عندنا من مدة وجيزة ولكن للاسف ماانتبهت لاسعاره

**متى الزياده؟** · 21-01-2008, 12:47 PM

اخوي انا اشتريت منهم كم شغله مفرق طلعت منهم ب300 ريال بنفس اليوم والوقت كنت شاري من محل ثاني بالجمله والله كلفني حول ال700 وهو كراتين وكل شيء للبيت وهم كم علبه من كم نوع طلعوا هالسعر لذلك انا انصح المستثمرين يخافوا الله فينا ويفتحوا محلات زي الناس تنافسهم

**القوماني** · 27-01-2008, 02:30 AM

اقتباس:

المشاركة الأصلية كتبت بواسطة متى الزياده؟

اخوي انا اشتريت منهم كم شغله مفرق طلعت منهم ب300 ريال بنفس اليوم والوقت كنت شاري من محل ثاني بالجمله والله كلفني حول ال700 وهو كراتين وكل شيء للبيت وهم كم علبه من كم نوع طلعوا هالسعر لذلك انا انصح المستثمرين يخافوا الله فينا ويفتحوا محلات زي الناس تنافسهم

هلا اخوي .... صدقت

لاحظ اسعارهم سواءا جملة والا مفرق وقارنها بغيرهم تلاقيها فرق عن غيرهم بالطايح ريال ريالين في اي سلعه تختارها ماعدا بعض السلع الصغيرة جدا

تحياتي وشكرا لمرورك

**محمد ولد الشيوخ** · 27-06-2009, 05:00 PM

اخي سلام الله عليك ورحمه الله وبركاته

والله انها اول مشاركه لي في هذا المنتدى ولن اكل او امل وولدي ماافضحه به المسترزقه في وطني السعوديه وديرتي عرعر الحبيبه .
واصل اخي والله يحميك.

الموضوع كبير والاسم اكبر والقائمه الى ما لا نهايه .