عصيرات الأمانه بالمدينة المنوره

**هدهد سليمان** · 12-03-2008, 03:41 AM

السلام عليكم ورحمة الله وبركاته

اسعد الله اوقاتكم

عندنا محل بالمدينه له كذا فرع ،، ماشاء الله زحمه عليه ،، في الصباح والمساء اللهم لا حسد ،، الله يبارك فيه وبرزقه ،،

المحلات هذي تبيع ساندوتشات خفيفه ،، شاورما بالجنبه بالبيض وكل نوع تحته كذا وصفه يعني ساندوتش بالبيض ،، يجيك منه كذا شي ،، مثلا بيض مسلوق بيض عادي بيض يسموه مليس مع البندوره ،، شغلهم ماشي ونظيف وقدام عيونك ،،

والشي الثاني والمقابل هو عصيرات ،،، عصيرات طازجه ،، الصغير بريال او ريالين والجالون بـ 10 ريال او 15 وكنا والله نشتريها للضيوف اذا جونا ،،

اللي حصل والشاهد

بدأ الناس يخفوا من عندهم ولا عاد تشوف زحمه

ارسلت اخويه يجيب لي ساندوتش وعصير وكلها تكلفي 3 ريال على اساس العصير بريالين ، وبعد مارجع قال الحساب خمسه ريال قلت ليش قال كاتب ورقه نظرا لإرتفاع الاسعار قررنا رفع اسعارنا ووو من الكلام الفاضي اللي يتردد بكل مكان

الآن لو تشوفوه ماعاد فيه زحمه زي اول ،،

ياعصيرات الأمانه والله كنتم لقمة للفقير حتى راعي البلديه كنتم لقمه له لأسعاركم المناسبه

الآن وبعد ارتفاع اسعاركم مالذي استفدتموه ؟؟

**جليس الغروب** · 01-06-2008, 05:42 AM

الله يصلحك ياخوي هدهد ههههههه
لا يخفى عليك اللي صار من سلسله المطاعم(عصيرات الامانه) الا عصيرات الخيانه والله
يكفيك يخوي انهم ذابحين ادمي
فرعهم بحي البحر هو اللي صارت فيه الجريمه ونزلت بالجرايد كلها والضحيه معلم (سعودي) متزوج وعنده ابناء
الله يرحمه برحمته
اكل من عندهم (شاورما) وتسمم ووفاه باقل من 24 ساعه
واللي مو مصدق يشوف الطبعات السابقه بجريده عكاظ

يخوي والله لو يقلولي تعال خذ سندوتش (ونعطيك فلوس) ما رحتلهم
هذولي ذبحو الخلق
اقول يازين طبخ البيت عزالله

للعلوميه: انا كنت من اكثر زبائن عصيرات الامانه لكن ما ردني الغلاء قد ما ردني حادثه التسمم

تحياتي

**زحلطن** · 11-06-2008, 09:10 PM

الله المستـــــــــــــعان

**هدهد سليمان** · 13-06-2008, 01:37 AM

هلا بك اخي الكريم جليس الغروب

فرعهم بحي البحر افتكر قصته

وبيني وبينك بطلت منهم

شاكره مرورك

**هدهد سليمان** · 13-06-2008, 01:38 AM

زحلطن

آمين وشكرا لمرورك

**pass2love** · 18-01-2009, 09:51 PM

انا معاك ان السعر اولا

لاكن والله ماا شتري من البوفيات او المطاعم الا الشئ المميز وفي حدود ضيقه

**حنكشة** · 18-01-2009, 10:18 PM

وأنا ايضا بطلت منه

السندوتشات لا طعم ولا مذاق

يعني مش لذيذ بالممممممممممرة

**المدينة المنورة** · 15-06-2009, 03:57 AM

السلام عليكم

الحمد لله

بريال سنتدوتش 6 حبات

طبق بيض ب 3 ريال

جبن سائل ب 5 ريال

وببسي بريال

كلها = 11

لو واحد يقولك تشتري صحه ب 11 ريال ؟؟

ايش راح تسوي والله على طول وبدون تفكير راح تشتريها

ويازين طبخ البيت مع التفنن فيه

**سلمى القدومي** · 24-06-2009, 11:40 AM

والله اللي بيشتغلوا في هالساندويشات ما شاء الله : نظافة خوش وشكل خوش ولا البلور الابيض.
انا ما بعرف كيف الناس بتتقبل كل شئ
يا عم العين اللي بتاكل مو المعدة
الله يعطيكوا العافية على مجهوداتكم