ابي فزتكم يالربع

**كل يوم كذا** · 23-05-2009, 10:52 AM

السلام عليكم ورحمة اللـه وبركاته

كل الي يدخل الموضوع معزوم هو والي يعز عليه

المهم يا جماعة الخير
مطلوب بالمنطقة الشرقية (الدمام) الأماكن الرخيصة لـ أثاث بيت:
4- مكيفات وثلاجة وفرن غسالة
2- تلفزيون
1-غرفة نوم
اثاث مجلس وغرفة نساء

ابي الاسعار الزينة اللـه لا يهينكم جميع
لأن مثلكم خابرين الأسعار ما شاء الله في متناول الجميع

**جمرة غضا** · 23-05-2009, 10:58 AM

على البركة

نصيحة لوجه الله
ممكن تأخذ أي شي يمشي الحال أو متوسط الجودة
إلا الأجهزة الكهربائية نصيحة خذ من أشهر الشركات حتى لو دفعت بها مبلغ ..
لأن الشركات المشهورة تعمرعندك ولا هو خسارة شراها .. بعكس الشركات الجديدة تعتبر إستهلاكية أكثر يعني كم سنة وتنحد على تغيرها وتصير خساراتك أكبر

**كل يوم كذا** · 23-05-2009, 11:04 AM

أخوي جمرة غضا
مشكور التفاعل السريع مع الموضوع
لكن المشكلة في التصنيع (يعني قطع امريكي والتجميع في الصين ولا اندونيسيا ولا تايلند)
والماركات العالمية أحس أنها أندثرت والجودة ما عاد هي نفس أول
الموضوع صار ربحي أكثر
والأسعار من 8000 إلى عليك الحساب
على العموم يعطيك العافية ما قصرت

**starex** · 29-05-2009, 12:27 AM

اقتباس:

المشاركة الأصلية كتبت بواسطة كل يوم كذا

السلام عليكم ورحمة اللـه وبركاته

كل الي يدخل الموضوع معزوم هو والي يعز عليه

المهم يا جماعة الخير
مطلوب بالمنطقة الشرقية (الدمام) الأماكن الرخيصة لـ أثاث بيت:
4- مكيفات وثلاجة وفرن غسالة
راجع الرابط
2- تلفزيون
راجع الرابط
1-غرفة نوم
راجع الرابط
اثاث مجلس وغرفة نساء
راجع الرابط
ابي الاسعار الزينة اللـه لا يهينكم جميع

لأن مثلكم خابرين الأسعار ما شاء الله في متناول الجميع

ان شاء الله اكون افدتك

**TdarkM** · 29-05-2009, 03:16 AM

الف الف الف مبروك .. والله يتمم لك على خير .

مثل ما قالت لك اختي جمرة غضا ... لا تآخذ الشركات من الشركات الاستهلاكيه قليلة المدى ...

واهم شي ابعد عن LG وخصوصا في التكييف ....والشركات الي توها نازله ...

انا من ناحيتي اشوف ان كارير وسامسونج ...
وركز على المكيفات ذات الجوده العاليه والمجربه حتى لو سعرها فرق شوي لكن تكون لك وللزمن ان شاء الله ......

وبالنسبه لغرفه النوم انحش عن الوطني وخذ لك من الخشب الصيني المضغوط ....
الوطني يكون محشي وبعد فتره يتفكك ...

التلفزيون عندك سامسونج وابعد عن KMC وطقتها ... لانها بعد فتره من الزمن العدسه تخرب ...

والباقي مالي خبره فيه ..

وانا طبعا في جميع ما ذكرت اهي وجهة نظر ونصيحه ممكن تكون ما تناسب البعض .. لكن هذي اقتراحات

abuhisham · 09-06-2009, 05:02 PM

ألف مبروك و بالتوفيق بإذن الله.

كما قالت عميدتنا ... الأجهزة الكهربائية خذ الأصلية و الأجود صناعة و لا تستخسر فيها لأن الكهرباء مهي لعبة.

بالنسبة للمكيفات .. سبق أن تحدثت مع صاحب محل مكيفات سبليت و أعطاني نقاط مهمة لإختيار المكيف المناسب .. منها حجم الكمبرسور و نوعية المواسير النحاسية المستخدمة و حجم مروحة الجهاز و قوتها.. لن أستطيع إعطائك مواصفات كاملة لكن بالإمكان مناقشة هذه الأمور مع أصحاب المحلات الذين تزور محلاتهم إلى أن تجد من يعطيك معلومات مفصلة و لا يخفي عنك شيء .. عندها يمكنك منح هذا الشخص ثقتك و تشتري مكيفات من عنده.