والله يا أخوان أصبحنا مهزلة

ويمكن مكينة صراف،،، الا مكينة الصراف ترفض أحياناً تعطيك فلوس

وحنا ما شاء الله ما نعرف نقول لا

كنا ثلاثة أنا واثنين من الشباب ، ماشاء الله كاشخين ومبسوطين قلنا نروح نتعشى في مطعم كويس

وقع الإختيار على مطعم كوبر شندني اللي بشار البيبسي بالخبر

طبعاً أكثر من نصف ساعة لين يجيبون لك أو صحن (بطاط يابس على بالهم شيبس)

المهم كلها صحنين برياني وصحن كباب وشوربتين و3 بيبسي

المهم ،، قلنا الحمدلله بعد ما شبعنا

كم الحساب يا صديق (المشكلة أنا اللي عازمهم) ولا حسبت إني في وسط الشهر ، يعني باقي اسبوعين على الراتب "رحت فيها"

أيـــــــــــــــــوه: كم الحساب قلت لي؟

عطاني الدفتر اللي في داخله الفاتورة (يعني مستحين هم،، مايبون يحرجونك وياخذون الفلوس قدام الناس) من الذوق تحطها في الدفتر ،،، حركاااااات

وانصدمت الصراحة،،، 260 ريال

آآآآآآآآآآآآآه ياقلبي

والله أن شغالتنا تسوي أحسن من بريانيهم وشوربتهم

وش فيها شواية الخليج أو بخاري على جنب (كلها بتترس بطوننا)

راحت عليك يالذيب !!! من وين تكمل للراتب

على العموم،،، اتخذت قراري

ماكو مطعم بعد الآن حتى لو أول الشهر

الى متى وحنا لعبة

متى راح نصحى يا شعب ياطيب ما يقول الا (آمر وسم)

تحياتي،،،

مشكور اخوي الفهد و تعجبني على طرحك للموضوع

اختيارك للقسم المناسب وخصوصا ان بعض الاعضاء يطرح الموضوع في القسم العام ومن ثم ننقله للقسم

المناسب .

صحنين برياني وصحن كباب وشوربتين و3 بيبسي = 260 ريال

الله المستعان ... بالكثير حسابكم مايوصل خمسين ريال ...

بصراحه العتب ماهو على النصابين اصحاب المطاعم ولا العتب على مراقب البلديه ...

العتب على المواطن اللي يضيع فلوسه في مطاعم حراميه وقطاع طرق

ياليتك ارفقت فاتورة المطعم ...

صحيح نصب والمطعم هذا غالي جدا


لاكن خلونا نحسبها



كيلو الكباب عندنا في السعوديه 60 الي 55 ريال بقول 60 ما شي ماشي

صحنين شربه 20 ريال الواحد بعشره مع امه المفروض خمسه ريال انا احط زياده بمنظور مطاعمن الجشعه

برياني الصحن 35 مع انه المفروض 25 الي 28 ريال
برياني صحن 35 ريال 20% خدمه منزين الخدمه 20 ريال
المجموع 185 ريل سعودي مطلع من عين السعودي الي يدفع ويقول سم يا حبيبي



الحسبه وانا اقول كيلوو كباب والله الذي لا اله الي هو اني اشتري كيلو من قصر المشويات في الرياض لا والحلبي يقطع من الذبيحه ويشوي قدامي 60 ريال 2 بيبسي وخبز تنور يحذفه علينا حذه حار نار يا حبيبي نار 5 ريال حمص ما عمري اكلت مثله في حياتي والله اني اعد الايامعشان اروح هناك واعزم صديقي المخلصين نحن ثلاثه ونتعازم علي اخر سيخ كباب من الشبعه الحمدلله والسلطات فري والتبوله يا هي تبوله فرش فرش فرش وينك يا القصر

مبالغ بالأسعار ...

ماكو مطعم بعد الآن حتى لو أول الشهر الى متى وحنا لعبة

أحسنت

المطاعم أكلها قبل ما يضر جيبك يضر صحتك
ياليت نهتم بهذا الامر

يقطع من الذبيحه ويشوي قدامي

لا تنخدعون بالذبيحة المعلقة قدامك
أغلب المحلات تستخدم الذبائح المكفنه "المستودره "
يطلعونها من الفريزر و إذا فكت من الثلج تعلق
وكأنها ذبيحة محليه

تبوله فرش فرش فرش

حزمة البقدونس 1 ريال واحد لا غير
ميز المقبلات وأنواع الخبز المفروض بكل مطعم تكون مجانًا لانهم
يحسبونها من قيمة الفاتورة

بغض النظر انا كان ودي تتأكد من الاسعار قبل لا تطلب

المشاركة الأصلية كتبت بواسطة جمرة غضا

مبالغ بالأسعار ...

أحسنت

المطاعم أكلها قبل ما يضر جيبك يضر صحتك
ياليت نهتم بهذا الامر

لا تنخدعون بالذبيحة المعلقة قدامك
أغلب المحلات تستخدم الذبائح المكفنه "المستودره "
يطلعونها من الفريزر و إذا فكت من الثلج تعلق
وكأنها ذبيحة محليه

حزمة البقدونس 1 ريال واحد لا غير
ميز المقبلات وأنواع الخبز المفروض بكل مطعم تكون مجانًا لانهم

يحسبونها من قيمة الفاتورة

المطعم هذا انا ما اسويله دعايه ذبايحهم كويسه وكبابهم زين ماهي من الذبايح الي نذبحها با انفسنا ولاكن وجدت ان المكفن ارحم من الكباب الي يجي اصلن مثلج وتم تحنيطه


اتفق معك ان الدعوه ضحك علي جيوبنا ومرض للمعده لاكن اذا وجدت شي طيب وسعره طيب ليش ما اطب طيب والا نسكر مطاعم البلد ونخلص مع انه احسن


با النسبه لي انا اذا ما ابتسم في وجهي راعي المطعم تقفل معي واطلع علي طول واذا كان في كلامه حده كاني جاي اشحد منه بعد اطلع واسئلتي كثيره من وين تجيبون الحم الطبخه هذي متي سويتوها الخبز حق اليوم الرز هم بعد سويتوه في اليل والا حق الظهر اسئلتي واجد



والله ان مطاعمنا تبحث عن الرخيص دائما


مطعم يحطلي سلطه والخبز بلاش وقدامي يسويه والحم قدامي يشويه احسن من الي يحسب 5% خدمه 5% دخول مطعم والخبز اشحده شحاده



دمتي لمن يحبك ويغليك



ابو هذال

انا استغرب من اللي يقول تفاجأت بالفاتورة ..ليه ماكانت الاسعار مكتوبة في المنيو؟؟
مااقول احسبها بالريال بس يعني قدر طلباتك بكم قبل تطلب

أشكر مروركم

الحقيقة ،،، ما طرى لي آخذ الفاتورة الا بعد ما تذكرت منتدى مقاطعة وذلك ليأسي أن لا أحد سيفيدني

الأسعار اللي في المنيو قدرتها تقدير سريع ولم يخطر ببالي أن يكون هذا المجموع ولكن أنا لاحظت الأسعار المكتوبه كانت مرتفعه جداً

الله المستعان،،،