السلام عليكم

بصراحه اني كنت من رواد د.كيف

و اللي خلاني اصير من رواده هو اني مقاطع فيد اسرائيل اللي هو انت يا ستار بكس

عاد اني مدمن قهوه امريكيه و يوميا اذا ما شربت الا 3 ماقز << كوب كبير

ماش احسني مانيب مضبوط

المهم اني كيفت نفسي على د.كيف اللي في مخرج 15 بالرياض

و سويت اشتراك عن طريق الكرت مدفوع الثمن يعني تدفع و تشحن كرتك و تضمن فلوس بمخباتك دااايم للقهوه

و بدات قهوته تخرب و يرفع الاسعار عاد اني قعدت اسال نفسي

طيب انا مواطن و احب السعوديين و ودي اربحهم لانهم اهلنا

و طلعت بمحصله بعد تفنيد الموضوع من جميع الجوانب تقريبا

اني خسران الجوده و خسران الكشخه ( يعني لا صار معك كوب من ستار بكس غير لا صار معك كوب من د.كيف )

و خسران فلوسي بجميع الحالات

ايييييييه عاد اني خلصا الباقي من الفلوس اللي بالكرت لانك الظاهر ما تقدر تسترجعها

و عقبها

قررت اشتري لي مكينه لقهوة الصباح و الحمدلله نجحت فيها نجاح باهر لاني انا اللي اسوي اللي ابيه بمزاجي من جهه و من جهه ثانيه افتكيت من طلعة الصبح اروح اخذ القهوه

و خليت المحلات اللي برى مثل ساعة القهوه و بارنيز و روما للاوقات اللي اكون خارج البيت

عموما اكتشفت اني وفرت فلوس اكثر من 60% و من جهه ثانيه صارت قهوتي على مزاجي

و من جهه ثالثه على ما قالوا

ما اخس من قديد الا عسفان -- بالنسبه للتجار

مشكلة تجارنا انك اذا دعمته اخذ مقلب بنفسه و قال ان العالم ما يقدر يستغني عني ..

لا يا بوي حنا نساعدك و اذا مالقينا منك معامله حسنه بقريح اللي يطير بك انت و منشاتك

يا اما نعتمد على انفسنا او نروح للجوده الامريكيه و خل شركتك لك

يعطيكم العافيه و اسف على الاطاله