خلوها تصدي ...هذا دليل على سرقة شركة عبداللطيف جميل

**جمرة غضا** · 15-05-2009, 01:43 PM

السلام عليكم ورحمة الله وبركاته

اخواني

اتمنى انكم تقرون موضووعي للاخر

ولله الحمد اشتريت سياره قبل كم يوم من دولة الامارات العربيه المتحده

وهي لكزس GS 430 مديل 2008

وقبل ماارجع للسعوديه

قلت خلني امر على شركة الفطيم الوكيل لسيارات تويوتا ولكزس

علشان اشتري بعض القطع الاستهلاكيه للسياره

من فلاتر و بريكات وغيره

المهم

طبعا انا كلمني واحد من اخوياي

واوصاني بهذي الوصيه

ان اشتري من الامارات لانها الارخص

طبعا انا اعرف

بأن شركة عبداللطيف جميل اذا دخلت سيارتك اللكزس للصيانه

وطلبت تغيير قماشات ( البريك ) ياخذ منك تقريبا 1200 ريال

انا توقعت ان الامارات راح اشتري البريكات ب ب 800 درهم او 600 درهم

اقسم بالله ياشباااب اني ماني مصدق اللي شفته

طبعا انا مستبعد اني راح اشوف القطع نازله عن السعوديه بشكل كبير

فدخلت الوكيل

وقلت له

ابغى بريكات اماميه وخلفيه وجميع الفلاتر وبواجي

المهم

قال لي موضف الاستقبال ان القطع المتوفره حاليا فقط البريكات الاماميه والخلفيه وفلتر البنزين

وقال لي تعال بكره استلم الباقي الان الوكاله كانت راح تقفل

المهم انا قلت له مو مشكله انتا عطني الحين المتوفر والباقي مو لازم

لاني كنت راح ارجع للسعوديه في نفس اليوم

المهم

جاب لي القطع

وبعدها انا اصبت بالذهوووول

والله اني سئلة الموضف

اقول هذا السعر بالدرهم ولا بالدولااار ههههههههههههه

والله من جد انا اتكلم

ماني مصدق اللي شايف

اقسم بالله ياجماعه

بريكات اماميه وخلفيه وفلتر بنزين

480 درهم

اقسم بالله سيارتي القديمه لكزس موديل 98

البريكات الاماميه فقط ب 600ريال في السعودية

وهذا سياره موديل جديد

واماميه وخلفيه وفلتر

فقط ب 480 درهم
البريكات الاماميه والله العظيم ب 150 درهم

ايش رئيكم

هل الامارات لها معامله خاصه ؟؟؟؟؟؟؟؟
مع العلم ان السعوديه من اكبر الدول في بيع سيارات تويوتا

هل ابو جميل لديه حصانه ؟؟؟؟

لماذا لا يحاسب على هذه السرقه

اقسم بالله ياشباااب

هذي قصه اخرى

وحصلت قدامي

واحد من اصحابي يبغى يشتري لكزس مستخدم من شركة عبداللطيف جميل مديل 2007

ولما دخلنا وكلمنا موظف المبيعات المستعمل

وبتحديد في فرع الخبر

طلبنا من الموظف تقرير بسياره وفحصها من جديد

فاخبرنا

بان الصيانه سوف تضع المشكلااات الصغيره
وان الصيانه كذابه

مثلا

البريكات فيها نص العمر

راح يكتب في التقرير تغيير

واذا كان السياره تحتاج ميزان اذرعه سوف يكتب في التقرير تحتاج تغيير اذرعه

فانا

قلت له بكل تعجب معقووووووول

فقال لي اكيـــــــــــد

وبالحرف الواحد كما قال ((( كيف يحقق الهدف المطلوب من المهندس ))

تخيلووو ياشباااااب

مطلووووب من موظفين الصيانه

target او الهدف

اقسم بالله هذي الوكاااله حراميه

انتبهو منهم ياشباااااب

اللي يبغى يتاكد من اسعاار القطع

يتصل على 905

ويطلب رقم استعلامات الشارقه او دبي

ويتصل ويطلب رقم الفطيم وكيل تويوتا ولكزس

ويتاكد

الحذر ياشباااب

قاطعووووهم

على فكره

انا الان سيارتي تحتاااج قطعه وهي الكليبر

ولقد فجعة عندما سالت الوكاله واخبروووني بان قيمتها 2400 ريال اليمين واليسار

وكان في احد اصحابي سوف يذهب

للامارات

اقسم بالله شي غير معقووول
لقيت القطعه في الامارات ب

450 درهم
يعني القطعتين ب 900 درهم

واعذروني على الاطاله

وهذي صورة الفاتوره

منقول من
http://www.toyota4arab.com/forum/t62406.html

**panadol** · 15-05-2009, 01:49 PM

يا علك بالسلال يا عبداللطيف جميييييييييييل

ناكر ونكير ينتضرووونك

اخ يا ناس جبدي بتنفقع من ابو جميل

حسبي الله عليك يا جعلك تصرفها على صحتك يا كريم واللي وراي يقول امين

**economy** · 15-05-2009, 01:49 PM

الله يصلح جميل ومن عاونه على الجشع والطمع وماتشوفون شر .

**Al-Fahad** · 15-05-2009, 02:23 PM

حسبي الله ونعم الوكيل

والله لو لنا كلمة من زمان

ما تجرا مصاص الدماء والجيوب هذا على اللي يسويه

**ابو عبدالله 2009** · 15-05-2009, 02:59 PM

حسبي الله ونعم الوكيل ....

استهتار مابعده استهتار بأموال المسلمين ....

على ايش تحرق اموال اخيك المسلم ... بسبب قطعه تضاعف سعرها مرات عديده ...

قاتل الله الاحتكار واهله

Oz · 15-05-2009, 03:27 PM

بعد الموضوع والحقائق هذي

الي يشري او يتعامل مع عبداللطيف جميل يعتبر خائن

**جمرة غضا** · 15-05-2009, 03:28 PM

اقتباس:

المشاركة الأصلية كتبت بواسطة panadol

يا علك بالسلال يا عبداللطيف جميييييييييييل

ناكر ونكير ينتضرووونك

اخ يا ناس جبدي بتنفقع من ابو جميل

حسبي الله عليك يا جعلك تصرفها على صحتك يا كريم واللي وراي يقول امين

آآآمين يجزاك خير على هالدعاء الله يتقبله منك
سبحانه رجل امتلك اموال هائلة ومازال يطمع بالمزيد
جمول نظف ذمتك تراك بتموت وتترك الدنيا وفلوسك..... وتروح أنت وعملك وذنوبك

**جمرة غضا** · 15-05-2009, 03:30 PM

اقتباس:

المشاركة الأصلية كتبت بواسطة economy

الله يصلح جميل ومن عاونه على الجشع والطمع وماتشوفون شر .

هلا بك
الله يهديه او يهده

**جمرة غضا** · 15-05-2009, 03:31 PM

اقتباس:

المشاركة الأصلية كتبت بواسطة Al-Fahad

حسبي الله ونعم الوكيل

والله لو لنا كلمة من زمان

ما تجرا مصاص الدماء والجيوب هذا على اللي يسويه

ما نلوم المجتمع بالسابق كان يتقصه الوعي والمعرفة
الآن علمنا ولا حجة لنا ....

**جمرة غضا** · 15-05-2009, 03:32 PM

اقتباس:

المشاركة الأصلية كتبت بواسطة ابو عبدالله 2009

حسبي الله ونعم الوكيل ....

استهتار مابعده استهتار بأموال المسلمين ....

على ايش تحرق اموال اخيك المسلم ... بسبب قطعه تضاعف سعرها مرات عديده ...

قاتل الله الاحتكار واهله

الإحتكار= استعباد