@قصيدة لشاعرنا حلوان في مقاطعة وكلاء السيارات @

**حمر عين** · 19-01-2009, 07:33 AM

قصيدة لشاعرنا حلوان الحلوان في حملة مقاطعة وكلاء السيارات

الوكيل إلى تهادن مع نظــيره #### وإرفعوا سعر المواتر في تحـدي

معلنن تخفيظها في كل ديـره #### وعنـدنا زادوا!!وملــزوم نــــردي

إستغلوا طيب صافين السريره ####"وغرهم"مافيه أحد قدك وقـدي

قاطعوها يعتبـر مثله وغيــره ####عنــدهـم تكفون "خلوهـا تصــدي"

عقبها التاجر يبي يطرد شويره #### ماعطاه الشوروالنصـح الـمقـدي

غرره من شاوره وأقنع خشيره #### وقال له لاق الصياح وصـح تعدي

يحسبون الناس غشم بدون غيره #### قاطعوها خلو الموضوع جدي

وصلــوها كـل أمـير وكـل أمـيره #### وخلو اللـي لايجيـب ولا يـودي

الطمع قالوا طبع يعمي البصيره #### وما عن مقاطعك يالطماع بدي

ياعسى يا احبابنا في الأمر خيره #### خلها تصدي لهم رادع وحدي

اتمنى أن تنال إعجابكم
منقول

**Fe+O2+H2O** · 19-01-2009, 08:30 AM

وحدي الله الله
صح لسان شاعرنا وقواه الله وخلوها تصدي
تقبلو مروري

**جمرة غضا** · 19-01-2009, 08:54 AM

صح لسانه وسلمت على النقل

اقتباس:

الطمع قالوا طبع يعمي البصيره #### وما عن مقاطعك يالطماع بدي

اقتباس:

صدق طمعهم هو اللي يحدنا على مقاطعه

**حمر عين** · 21-01-2009, 04:06 PM

خل المواتر فالمعارض تصدي .... لين الله المعبود يرخص ثمنها
كنا بزمانن الرحوله تـــــــودي .... ماهي صعيبه لو ركبنا ظهرها
تجارنا بموالنا يـــبــي يـفــــدي ... رافـع فـي سـعرالسـيارة دبـلـها
تـراك يـتـاجـر مـنـت قــــــــدي ... لعبتـك مكشوفه و تراي فاهمها

**حمر عين** · 21-01-2009, 09:38 PM

قصيده تحوي جميع المنتجات الدانمركية للمقاطعة

أنصر رسولك واعمل الخيـر لاخـراك
علـك بـأذن اللهْ 0تنـال الشفاعـه

واعلم بان الشرق والغـرب يشنـاك
لابد تعـي وتكـون عنـدك قناعـه

(الدينمر كيين) : صاروا مـن أعـداك
ومن (كوبنهاجن) لا تـورِّد بضاعـه

أجبان (بوك) وزبدة وسمن (لوربـاك)
لاتشتريهـن لـو تعيـش ابمجاعـه

ولا تجلـب ( الدانـو) بتاتـاً لأبنـاك
حتى ولو عنـدك طِفْـل عالرضاعـه

مانتـه بميِّـت قاطـع / الله يهـداك
وحرِّض على التفعيل كـل الجماعـه

بويات (سيبكـو) سيبهـا الله يرعـاك
و(ديروب ) لاتدهن بهـا أي (قاعـه)

( سدافكـو ) قلـه ترانـا نسيـنـاك
لنصرة رسـول الله سمعـاً وطاعـه

و(سنتوب) ياسنتوب لوإحنا شربنـاك
كناّ شربنـا علقـمْ أو سُـم ساعـه

وأحذية (ecco)كأن وسطهـا أشـواك
وGrundfox ايضاً طوينـا شراعـه

واطفالنـا ياالعـاب (jovo) بتجفـاك
خلاص بعـد اليـوم مافـي صياعـه

و(zeta)و(k.dd) وماجت من ( هناك)
من منتجـاتْ إمعـاد فيهـا طماعـه

7و5 حطـهـم يـــمْ يـســراك
الرقـم هـذا رمـز كـل الصناعـه

أطلـب مـن التجار0هـذا وهــاذاك
يتقبلـون الموقـف إبكـل شجاعـه

الرزق باذن اللي : بقدرتـه الافـلاك
تدور 0 له نرفـع كفـوف الضراعـه

يالله عُوضهـم ومـن فيـض يمنـاك
سهل لكـل تاجـر وزد فـي متاعـه

ويارب من حارب رسولـك وعـاداك
أسألك عجّـل ياصمـد فـي ضياعـه

واجعله تايـه فاقـد الحـس والإدراك
عِذّّبـه يالله قبـل يــوم إقتـلاعـه

إلا رسول الله

**حمر عين** · 24-01-2009, 04:20 PM

السلام عليكم

هذي قصيدة منقوله من شريط حورنيات 1 للمنشد حامد الظبعان :

ياموتري جرتي علي والزمـــــــــن دار صبرك علي لاما تزين الليالـــي

لا تطلبين غيار الأسعار بالنــــــــــــــار منتي كفو للي جديد وغالــــي

حسابي غدا بأسباب تصليحك أصفار راح المعاش لجامعين الريالـــي

أدري كبـيـرتـك وأوجـــاعــك كثــــــــار والخافي أعظم من كثير بدالي

تمشين بالصحـراء ولا ولا مـــع القـــار لك قرقشه وقرقعة واخـــتــلال

الـنـاس تـفـرح بالـرعـد قـبـل الأمـطـار وأنا تضايقت لا لـمـحت الـخيـال

كم مرة ماضـنـي نـرجـع عـلـى الـدار لولا النشاما مجـهـزيـن الـحبـال

لابد من يومين مبدل بـ(في إكس آر) وانتي بعد تلقين مثـلك بـدالـي

مـايـقـبـلـك غـيــري وعـــلام الأسـرار إلا فـــقيـر حـالتـه مـثـل حـالـي

ياموتري جرتي علي والزمـــــــــن دار صبرك علي لاما تزين الليالـــي

يقولون يا بخت المظلوم بالجنه خاصه لماً تنصدم بمخالفات مروريه ذات ارقام فلكيه

ذهبت للمرور لكي اجدد رخصتي يقولون عليك مخالفات 1500 ريال من اين

سدد بعدين نقول لك

شاهدوا كيف تحرر المخالفات ( ياعيني على الروقان تحس انه يكتب قصيدة شعر

)

شختك بختك

YouTube Video ERROR: If you can see this, then YouTube is down or you don't have Flash installed.

مواطن بدون رخصه حتى تاريخه

**حمر عين** · 25-01-2009, 11:07 PM

يعيش الشباب السعودي والله الحملة ناجحه المعارض كلها عرض بدون طلب فيرجى مواصله حملة خولها تصدي

**حمر عين** · 26-01-2009, 12:02 AM

صح لسانك يامواطن1

حلوه والله

طيب خذ هالكسره مني

ياوكيل ياشريطي كفايه نصب *** العالم صارت كلها تدري
خلوها تصدي هي شعار الشعب *** خذها مني ان كنت ماتدري
اليوم وبكره على نفس الدرب *** مقاطعين مقاطعين ماراح نشري

والله مانيب بسيط ابد
خخخخخخخخخ

ياغزه عندنا وعندكم خير

والله مافيه حل غير المقاطعه

شباب لو سمحتم اللي يشوف فيه مواضيع تستحق النقل الى صحيفة الحمله يرسلها لي على الخاص

**حمر عين** · 03-02-2009, 11:14 PM

السلام عليكم ورحمة الله وبركاته:
يعاني الكثير من المواطنين من خدمات هذا البنك الفاشل مع ان اكثر الشعب السعودي لديهم حسابات جاريه وحسابات استثمارية مع ان البنك هو المستفيد الأول فهو يطبق عليهم انضمه كثيره وغير موجوده بالبنوك الاخرى مع ان اكثر العملاء لايعلم مايؤخذ عليه من رسوم والبنك لديه الخبر بأن اكثر العملاء لايعلمون ذلك ويعلم بأن اكثر عملاءه من الأميين الذين لايعرفون القراءه والكتابه وهذه تكون من صالحه وشعاره (نعتز بقيمنا)
وكذلك عبارة(احتياجاتك على اختلافها حل وحيد لتحقيقها)
وهو البنك الذي تمكن من كسب ثلاثه ارباع الشعب السعودي بهذه العبارات وكسبهم بغنيمه قرض 10 سنوات وانا احد المتورطين بهذا القرض
وقد وصلت رساله من هذا البنك على جوالات الكثير من العملاء وقد وصلتني انا كذلك بخصم بطلب دفع رسوم سنويه مقابل رسائل الجوال للعميل بواقع 50 ريال فبأي حق مع ان اغلب البنوك الاخرى هذه الخدمه اقل مايقدم للعميل وغيرها خصم مبلغ 2.5 على الحسابات التي تقل عن 1000 ريال فالكثير الكثير من الناس اخر الشهر قد تسلف اكثر من 1000 ريال وكذلك رسوم البطاقه الذي يقل مبلغها عن 5000 الآف ريال وكذلك البطاقه الائتمانية فبهذا الشأن كتب هذا الموضوع بالاضافه الى ابيات شعريه للحذر من عملى هذا البنك الجشع
===الابيات===
الراجحي بنـك يبـي ياكل الـناس** لكـن نبـي حـمله وصـمله نخلـيه

حملة عواقـبها على البنـك الافـلاس ** الحملة اللي بالتكاتـف اتصـفـيه

بنـك ومـنه النـاس توجسلها اوجاس ** من عـهد الاسهم والبـشر ماتدانيه

بنـك على احسابه رسـوم بـلا سـاس ** تمشي على ناس وعن ناس نافـيه

علـى ضعيف الارصـده رافـع الفــاس** ولا علـى التجار تضفي حسانيه

اليا متـى يالـراجحي جمـع الاكياس ** واشارة السالب على احسابنا ليـه

ودايم على احساب المساكـين عساس** لكــن لـفانــا عــلم نـجهل خـوافيه

خمسـين نـاوي خصمها علم حساس ** وش الـذي يالراجحـي كنـت ناويه

كلـن مـن اقـروضك يعاني ومحتاس ** لاراس مال ولا لقـى بيـت يؤيـه

كلـن مـن ديـونـه شـكى هـم وعـماس ** وان شـاف لوحاتك تـزايد طـواريه

مالـي فـي عـملـتـك مكسـب ونومـاس** وحـسابـي ابجيـك وابغـاك تلغيـه

ونـبي نــروح لسـامـبا بنــك لاباس** اللي الـيا جـالـه عمـيله يقهـويه

بنك على خـدمة عـمـيله له احساس** وموظــفه باخـلاق تاخذ وتعـطـيه

والـبلاد بـنـك عـملـته مابـها بـاس ** بنـك نبـي نفـتح احسـباتنــا فــيه

ماشـي نضامـة دون زحـمه وحـراس** وحـتى المـوضف فـيه كلـن ينـاديه

وان جـيتـهم قالو على العيـن والـراس ** ويـروح مشـوار التـعب ماتـعانــيه

الشاعر/الهبـــــيري
================================================== ===

**Fe+O2+H2O** · 03-02-2009, 11:46 PM

صح لسانك يالشاعر والله انا حسابي ماشي حاله في سامبا وانا لا لي في القروض ولا لي في الاسهم والحمد لله