طريقتي وطريقة جدتي بالتوفير - الصفحة 2

**سعودي غير** · 28-01-2009, 07:26 AM

اقتباس:

المشاركة الأصلية كتبت بواسطة جمرة غضا

يعني يقتطع بــ كل شهر من راتبة مبلغ 4 الاف و800 ريال

.....................
لي عودة يا سعودي غير بقراءة متمعنه

موضوع يستحق التمعن والتدقيق

حياك الله ومشكوره على الاطراء

**سعودي غير** · 28-01-2009, 07:27 AM

اقتباس:

المشاركة الأصلية كتبت بواسطة alzuhary

الله عليك ، بس هم خلو لنا شي من رواتبنا ، الاسعار زايدة ، والجشع متربص بنا ،
وكملتها الأسهم ، والراجحي مثل الذيب الاعور ورانا ، لا ويحجز المبالغ بعد ..الصراحة صار الراجحي دولة داخل دولة .

خلوها تصدي مستمرة ..

اقتباس:

خلوها تصدي مستمرة

حلووووووووووووه هالطلعه

**سعودي غير** · 28-01-2009, 07:28 AM

اقتباس:

المشاركة الأصلية كتبت بواسطة abuhisham

الله يرحمك ياجدتي ...

ما كان عندها صندوق ... كانت عندها كم بلاطه .. حافرة تحت كل وحدة منها حفرة تحط فيها الفلوس إللي تجيها .. السر في معرفة أي بلاطة هي إللي تحتها الفلوس .. لأننا ما كنا نعرف إلا بلاطه واحده و عادة ما يكون تحتها شيء يذكر .. يمكن إعتبارها محفظة المصرف اليومي.

الله يرحمها ويسكنها الفردوس الاعلى

**سعودي غير** · 28-01-2009, 07:29 AM

اقتباس:

المشاركة الأصلية كتبت بواسطة nas700

الادخار مطلوب وياليت ثقافة الادخار يسوتعبها الناس لان هناك بعض الاخوان لايستطيع او بالاحرى لايعرف كيف يتصرف في راتبه وتجده في ثاني يوم من نزول الرواتب على الحديدة ...
ايضا هناك مسألة تغيب عن اذهان بعض الناس وهي نسيان الصدقة فهي البركة باذن الله في الراتب ومن واقع تجربة اقول هذا الكلام...

نعم الصدقه هي البركه وفعلا محتاجين توعيه بثقافه الادخار

**سعودي غير** · 28-01-2009, 07:32 AM

اقتباس:

المشاركة الأصلية كتبت بواسطة ام العيال

سالفة حساب بنتك حلوة لكن المشكلة اللي في الراجحي لو بسوي حساب ثاني غير الراتب مايخلونه بينط لي كل شهر اذا صار اقل من 5000 خذ منه عمولة ..
وجدتك الله يخلف عليها ..
الجمعيات حلوة انا اسويها لكن اذا جت اصير مخططة على صرفية محترمة لها

تحياتي لك

حساب بنتي احصلهم مرات ماخذين عموله بس ماتذكر وحلال عليهم بحصلها يوم القيامه بتنفعني .
بالنسبه لحساب الادخار ماعليه اي خصميات عموله ابد اسالي مجرب
الاهم من هذا كله عشان ماتدخلين بالحرام والحلال لو فكرتي تفتحين حساب ادخار ارفضي قبول اي فوائد على مبالغ هالادخار لانهم بيغرونك شوي بس طنشي

اقتباس:

الجمعيات حلوة انا اسويها لكن اذا جت اصير مخططة على صرفية محترمة لها

حاولي ما تستهلكينها كلها وفري منها شوي موب على طوول صرف

**سعودي غير** · 28-01-2009, 07:33 AM

اقتباس:

المشاركة الأصلية كتبت بواسطة جمرة غضا

حتى لو كان حساب توفير ياخذ منه ؟ ياليت من يسألهم
..............................

لا مايخذون لانه بيكون له حساب خاص غير الحساب الجاري

**سعودي غير** · 28-01-2009, 07:36 AM

اقتباس:

المشاركة الأصلية كتبت بواسطة ام العيال

انا علي حلف مااكلم الراجحي وخدمة العملاء اذا قدرتي تسالينهم ليت تبلغينا الله يعافيك

يؤؤؤؤ وليش هالحلف ياساتر

عموما لا تسألين ولا شي العلم عندي انهم ماياخذون اي عموله لانه حساب ثاني غير الحساب الجاري اللي ييلهطون منها 2.5 بالميه لو قل عن الف ريال

اقتباس:

سعودي غير والله مهوب شات مع جمرة غضا كله من اجل الصالح العام والله لايحرمك الاجر

لا شات

بس عادي خذو راحتكم ولا خلصتو طفو النور وراكم

**ماجد2002** · 29-01-2009, 01:07 PM

انا جربتها لسفر اوفر كل شهر 2000 او 1800

وبعد 11 شهر اجد مابين 20 و22 الف ريال

وكذلك ادفع الايجار بنفس الطريقة اوفر 1850 ريال شهرياً وادفع كل سته شهور
وحاط خطه توفير بس مشتركه مع 4 اشخاص بحدود 1000 ريال كل سنه تروح لواحد منا كاملة

دمتم بود

**إحساس وطن** · 29-01-2009, 09:17 PM

الله يعوض على جدتك وطرقك بصراحه ممتازه لكن تبي إصرار وإراده

**سعودي غير** · 29-01-2009, 09:26 PM

اقتباس:

المشاركة الأصلية كتبت بواسطة ماجد2002

انا جربتها لسفر اوفر كل شهر 2000 او 1800

وبعد 11 شهر اجد مابين 20 و22 الف ريال

وكذلك ادفع الايجار بنفس الطريقة اوفر 1850 ريال شهرياً وادفع كل سته شهور
وحاط خطه توفير بس مشتركه مع 4 اشخاص بحدود 1000 ريال كل سنه تروح لواحد منا كاملة

دمتم بود

الله يرزقك في مالك
مشكور على هالمشاركة