حسبي الله ونعم الوكيل

حسبنا الله ونعم الوكيل على مستشفى دله

شوفو كيف قلوب ممرضاتهم ودكاترهم والله قلوب يهود

وش ذنب هالاطفال

تدرون وش يسوون فيهم يحممونهم بمويه بارده يرشون عليهم مويه بااارده وطبعاا كلهم يبكون ويبردون بعد كذا يلفونهم عشان ينامون بسرعه من التعب

وش خلو لسجن ابوغريب

منقول من مصدر موثوق

حسبي الله ونعم الوكيل والله يافراوله ان المستشفى فيه من التجاوزات مايشيب له الرأس عن جد وانا اقول للوزير المانع ليش تكلف نفسك وتسافر عشان تتأكد من مستوى الخدمات الصحيه عندك مستشفيات الرياض الحكوميه والخاصه فيها الشق والبعج ولا بذمتكم فين الرحمه والانسانيه اللي تعلمناها من ديننا الحنيف والكلام لصالح كامل ومن هم على شاكلته امي اصيبت بجلطه دماغيه افقدتها النطق والحركه والنظر ولازالت في مستشفى اخر من ثلاث سنوات بسبب لخبطت الدكتور صلاح فقيه في دله في علاجات الضغط والسكر وتخثر الدم انا وديتها وكان حافظ حالتها من سنين بس خمته هالزول وحاس الوصفه وبعد 48 ساعه جتها الجلطه ولله الحمد احذركم اخواني من دله ايما تحذير

لابد للموضوع من وقفة ودلائل واثباتات وان صدق ذلك فتلك كارثة.

عموماً انا وقفت على حضانة مستشفى بنفسي يوم جاتني اول مولودة (تعرفون اول مولودة من الحرص جالس بجنب الحضانة لين طلعوا بالسلامة) المهم فعلاً كنت اشوف اهمال شديد جداً من الممرضات خصوصاً اني كنت اتلصص من فتحة صغيرة في الستارة من ورى القزاز وشكيت المستشفى وطالبت بوضع كاميرات مراقبة في حضانات الاطفال (وما زلت اطالب بوضع كاميرات في جميع المستشفيات خصوصاً حضانات الاطفال بعد موضة سرقة الاطفال وتبديلهم).

ومن خبرة اقول لكم الممرضات الهنديات افضل واللطف واحرص 100 مرة من الفلبينيات خصوصاً في دور الحضانة.

.

المشاركة الأصلية كتبت بواسطة صرخة مواطن

لابد للموضوع من وقفة ودلائل واثباتات وان صدق ذلك فتلك كارثة.
المهم فعلاً كنت اشوف اهمال شديد جداً من الممرضات خصوصاً اني كنت اتلصص من فتحة صغيرة في الستارة من ورى القزاز وشكيت المستشفى وطالبت بوضع كاميرات مراقبة في حضانات الاطفال
.

بعد اذن صاحبة الموضوع. اخوي صرخة مواطن الدلائل والاثباتات اللي طلبتها انت قلتها وعنوانها الاهمال الشديد جدا!! وهذا بحد ذاته يكفي وتحت هذا الدليل سق الكثير من الكوارث الدلاويه شكرا لك اخوي

المشاركة الأصلية كتبت بواسطة لا تدف

حسبي الله ونعم الوكيل والله يافراوله ان المستشفى فيه من التجاوزات مايشيب له الرأس عن جد وانا اقول للوزير المانع ليش تكلف نفسك وتسافر عشان تتأكد من مستوى الخدمات الصحيه عندك مستشفيات الرياض الحكوميه والخاصه فيها الشق والبعج ولا بذمتكم فين الرحمه والانسانيه اللي تعلمناها من ديننا الحنيف والكلام لصالح كامل ومن هم على شاكلته امي اصيبت بجلطه دماغيه افقدتها النطق والحركه والنظر ولازالت في مستشفى اخر من ثلاث سنوات بسبب لخبطت الدكتور صلاح فقيه في دله في علاجات الضغط والسكر وتخثر الدم انا وديتها وكان حافظ حالتها من سنين بس خمته هالزول وحاس الوصفه وبعد 48 ساعه جتها الجلطه ولله الحمد احذركم اخواني من دله ايما تحذير

الله يشفي ويعافي والدتك ويرفع عنها وماتشوف شر يارب
اللهم اميــــــــــــــــــــــــــن

المشاركة الأصلية كتبت بواسطة صرخة مواطن

لابد للموضوع من وقفة ودلائل واثباتات وان صدق ذلك فتلك كارثة.

عموماً انا وقفت على حضانة مستشفى بنفسي يوم جاتني اول مولودة (تعرفون اول مولودة من الحرص جالس بجنب الحضانة لين طلعوا بالسلامة) المهم فعلاً كنت اشوف اهمال شديد جداً من الممرضات خصوصاً اني كنت اتلصص من فتحة صغيرة في الستارة من ورى القزاز وشكيت المستشفى وطالبت بوضع كاميرات مراقبة في حضانات الاطفال (وما زلت اطالب بوضع كاميرات في جميع المستشفيات خصوصاً حضانات الاطفال بعد موضة سرقة الاطفال وتبديلهم).

ومن خبرة اقول لكم الممرضات الهنديات افضل واللطف واحرص 100 مرة من الفلبينيات خصوصاً في دور الحضانة.

.

صاحبة الموضوع كانت والده بمستشفى دله وبنتها كانت من ضمن الاطفال الي في الصوره
وهيا ردت على المشككين بكلامها ابلغ رد
وهدا كلامها بالنص ياريت اي شخص شاكك بالموضوع يقراه

مستشفى دله في تاريخ 11\11

رقم الغرفه 412
الدور الرابع

انا الي مصوره وبنتي معهم حسبي الله عليهم الله لايوفقهم

وش اقول انا الي بنتي بينهم حسبي الله عليهم الله ينتقم منهم ياارب وغير كذا انا الي شفت الموقف انا واختي واحنا المصورين وماشفتي شسوو فيني
كنت عمليه وياله امشي مسكوني الممرضات ودفوني بالقوه عشان ماشوف

والوضع هذا كان الساعه 2 باليل ولما تاخرو ماجابو لي بنتي قلقلت عليها ونزلت انا واختي نشوف وش السالفه وشفنا هالمصيبه

مليان اسره فاضيه بس يرشون عليهم مويه بارده ويبكون لين يتعبون بعد كذا الاطفال يدوخون من التعب وينامون

وفي التحقيق معهم قالو ماسوره مويه انكسرت بس انا خشيت في عينهم وقلت كيف لما انكسرت الماسوره الارض وملابس الممرضات ماجاها مويه والاطفال سبحان الله امتلو مويه

اقسم بالله انا صاحبه هالقضيه وانا واختي الي صورناا وصارت قضيه كبيره بس بقدره قادر تسكر الموضوع

حسبي الله على الي كان السبب

القصه من اولها

انا اطلب بنتي من الساعه 11 باليل ماجابوها يوم جت الساعه تقريبا 2الاربع قلت اكيد بنتي فيها شي لانهم صارو يصكون السماعه في وجهي وياليت مسويه عمليه بس الا عمليه وجلطه بالرجل بس الام وعطفها والله اني صرت امشي من غير رائي واختي تسبقني تخاف اشوف منظر مايسرني يوم فتحنا الباب عليهم لانهم بليل ماتوقعو احد بيجهم
الباب ماقفلوه يوم فتحنا الباب اختي فتحت الباب وانا وراها الا ونشوف هذا المنظر انا قعدت اصرخ يوم شفت هالمنظر اقولهم هاتو بنتي قامو هم دفوني على كنبه سوداء مقابل الحضانه من جوا اذا مو مصدقه روحي شوفي الكنبه
وقامت اختي تصارخ تبي جوال تصور وولدي الله يحفظه عمره 8 سنوات معنا طلع جواله قامت اختي دفت الباب بالقوه اقسم بالله ممرضتين يدفون الباب مايبونها تشوف هي تدف الباب تفتحه وانا صورت بعد كذا نزلت تدور المدير
قالو مافي مناوب قالت والله لاسوي لكم فضيحه بالمستشفى وابدور على غرف الامهات اوريهم الصوره وابتصل بالشرطه الحين اذا ماجا المدير
على طول كلمو المدير المناوب اسمه الدكتور انور وقال ربع ساعه واجيكم
وانا كنت انتظر يطلعون بنتي وجلست ربع ساعه انتظر تدرين ليش
لانهم خالطينهم مع بعض ولازم يدورون في الاساور حقت الرجول وهم 55 طفل العاده يكون على الاسره مكتوب ارقام الغرف
وطلعو علي بنتي وانا الي دفيتها وطلعتها فوق ونامت عندي

غير كذا كانت رئيسه الممرضات ه اسمها ساره هي الي مناوبه يوم وريتها الصوره قالت عادي كل يوم نسوي كذا
ونفس الشي دكتور اطفال الله ينتقم منه كانه حرمه شعره لين كتوفه يوم قلت له قال اهم شي خذتي بنتك وش دخلك في الاطفال الباقين

وبعد كذا جاني في غرفتي د انور والممرضه ساره ودكتور ثاني ماعرف اسمه ونزلني معاه الحضانه وسبهم قدامي وقال بكره تجيك قرارات فصلهم
وفعلا الصباح جاني وقال هاذي اساميهم وقررنا فصلهم بعد كذا راحت اختي تتاكد بعد 15 يوم حصلت الممرضات موجودين وبعدها ابتدت الشكاوي
قصه طويله جداا اذا تبين اكمل لك مستعده
وكانو اهم شي يقولون لي لاتبلغين احد وارامكو سوت تحقيق معهم والصحفي فائق المطيري من جريده الرياض راح لهم وصور الحضانه وكان بينزل تحقيق بس منع ونزل موضوع صغير في جريده الرياض

وانا مانشرته قبل كذا لان القصه اشتهرت والكل عارف انا بنت مين عشان كذا مانزلت الموضوع هنا ولاقلت القصه
بس بعد ماغطو الموضوع رجعت الحين من جديد اقدم شكوى ثانيه وناويه ارفع الامر للاماره

والتاريخ 11\11\2006

واي استفسار مستعده اجاوبك عليه

وزغير كذا انا اقسمت بالله اني صاحبه القصه هل معقول ابقسم كذب وغير كذا مالفائده من قسمي كذب
ومستشفى دله مانكر هالقصه بالعكس جاب حجج واهيه ومنها ان ماصوره المويه انكسرت ولما قالو كذاقلت كيف انكسرت وتملو الاطفال بس والممرضات ماجاهم مويه والارض نفس الشي

وغير كذا طلبتني وحده اسمها عبير المرشد في دله وحققت معي بالقصه بالضبط لان الدكتور انور غطاها عشان خاف على نفسه
وهي طلبتني بناء على طلب من طارق القصبي مدير المستشفى

والله انا كنت ابولد في الحمادي بس حالتي كانت صعبه وعندي جلطه بالرجل وخاف الدكتور احتاج دم قال لي طبيا دله افضل وعندهم بنك دم وعندهم حبوب توضع في الرحم عشان توقف النزيف وهذا الي خلاني اروح لهم الله لايعيدهم
على الاقل الحمادي حضانتهم كلها قزاز مكشوووفه مو دله كانك داخله سجن من باب لباب وكلها مقفله حتى الشباك مسكرين الشتر حقه

يوم سالوني وش مطالبك عشان نرضيك والله ماطالبت لابتعويض ولافلوس وانا ماخذين من 21 الف غير الدكتور لحاله 7 الاف
طلبت منهم يركبون كاميرات مراقبه على الحضانه وتسفير هالممرضات وتكوةن الحضانه مكشوفه بقزاز زي الحمادي
كل الي سووه شالو ستاره شباك نص متر في متر

والقضيه وصلت لوزير الصحه وصار تحقيق من وزاره الصحه معهم وتحقيق من ارامكو لان زوج اختي يشتغل في ارامكو وجا ياخذ اختي وشاف الهواش والدنيا وقدم شكوى

بس قامو يماطلون فينا وفي فصل الممرضات والصحفي مادري شسالفته سكت ليه

تخيلي 55 طفل على اربع ممرضات؟؟؟؟

وش بيقدرون يسوون يرضعون والا يغيرون الله ياخذهم يسحبون منا الفلوس سحب واخر شي هاذي معاملتهم

والله مانسى منظر الاطفال ابدا تخيلو كلهم بصوت واحد يصيحون والي يستفرغ على الثاني والي نايم فوق يد الثاني بلاوي الله ياخذهم
انا ذكروني بسجن ابوغريب

مع الاسف ان الاداره سعوديه وماوقفتهم عند حدهم
اسال الدكتور اقوله لو طفلك بين هالاطفال وش موقفك قال والله لاذبح الممرضات شفتي رده
يحسون باطفالهم بس مايحسون باطفال غيرهم

والله ذيك الساعه ماعاد همني شي وخذت بنتي نومتها عندي ومن بكرا طلعت من المستشفى
وقالو بنجيب لك ممرضه تنام معك بغرفتك تنتبه للبنت قلت لهم اي ممرضه بتدخل علي ابطردها مع الباب
حتى يوم جيت اطلع قالو بناخذ الطفله نشيك عليها قلت يطلع الدكتور يشيك عليها فوق عندي وفعلا طلع من خوفهم لانهم شافوني قويه

والله ياقلبي هذولي ماينفع معهم الا القوه اذا شافو الواحد ضعيف وخايف استقوو عليه واذا شافوه قوي خافو منه واحترموه

اول يوم كنت اخذ هرمونات للحمل اذا جت الممرضه تضربني الابره من خوفي ابتسم لها وشوي اترجاها شوي شوي
وكانو ينافخون علي وتهاوشت مره مع وحده وصارت اذا شافتني تطير فيني من خوفها مني عقبها صرت ادخل عليهم وانا نافخه واذا شفت وحده نفسها خايفه قلت مابيك انتي فصارو يعاملوني بادب ويخافون

يعني قوي قلبك وبيخافون هم منك

والله مانشرت الموضوع الا ابي احذر الامهات من مستشفى دله الله ياخذهم وكل من سكت على هالقضيه جعله يشوفه في نفسه

والله اني ادعي عليهم خاصه ان بنتي صار عندها صدر حسبي الله عليهم والله اول ماكملت اربعين يوم رقدت في المستشفى نقص عندهالاالاوكسجين من الربو

رفعت ماقصرت بس الشكوى لله

والله انا ماعندي نيه تصوير بس اختي الي قامت تصرخ تبي جوال بكاميرا وهي الي عطتني الفكره

لا وبعز البرد حسبي الله عليهم ويرشونهم مويه عشان يتعبون من الصياح والبرد وينامون

ولما دخلنا عليهم فجاءه ممرضه في يدها جيك مويه فضي تكب على الاطفال وكلهم يصيحون بصوت واحد ووحده ثانيه تاخذ الاطفال وتلبس وتلف عشان يتعبون وينامون

والله تنومت بنتي في المستشفى صدر ونقص اوكسجين واصلا معرووف اي طفل يطاع من حضانه دله يطلع مريض الله ياخذهم

اول ماصارت المشكله مافي مدير من مستشفى دله ماكلمني والي تبينه بنسويه يبون يسكوتني بس والله ماطالبتهم لا بفلوسي وهم ماخذين مني 21 الف غير الدكتور لحاله 7 طالبت بفصل الممرضات وتركيب كاميرات على الحضانه وفتح شباك كبير على الحضانه الكل يشوف الاطفال من برا زي الحمادي وقالو ابشري بنسوي الي تبلين يوم هدء الموضوع سفهوني ماسوو شي

الله ينتقم منهم ياارب

فراوله اللهم امين جزاك الله خير وشكرا على التوضيح تحياتي لك اختي

المشاركة الأصلية كتبت بواسطة صرخة مواطن

لابد للموضوع من وقفة ودلائل واثباتات وان صدق ذلك فتلك كارثة.

عموماً انا وقفت على حضانة مستشفى بنفسي يوم جاتني اول مولودة (تعرفون اول مولودة من الحرص جالس بجنب الحضانة لين طلعوا بالسلامة) المهم فعلاً كنت اشوف اهمال شديد جداً من الممرضات خصوصاً اني كنت اتلصص من فتحة صغيرة في الستارة من ورى القزاز وشكيت المستشفى وطالبت بوضع كاميرات مراقبة في حضانات الاطفال (وما زلت اطالب بوضع كاميرات في جميع المستشفيات خصوصاً حضانات الاطفال بعد موضة سرقة الاطفال وتبديلهم).

ومن خبرة اقول لكم الممرضات الهنديات افضل واللطف واحرص 100 مرة من الفلبينيات خصوصاً في دور الحضانة.

.

وضعها مستشفى خاص لمراقبة الحضانات
كاميرا خفية لكشف سارقات المواليد



حسين الرديني (جدة)
وضع القائمون على احد المستشفيات الخاصة للنساء والولادة احتياطات أمنية خاصة لحماية الأطفال من اشكاليات التبديل والاختفاء والتي كانت حديث المجالس خلال الفترة الماضية وكان ابرزها تبديل طفلي نجران واختفاء طفل الجوف حيث حرصت ادارة المستشفى على تهيئة اجواء لطمأنة ذوي المواليد وذلك بوضع كاميرات خاصة في الحضانات تربط بين الطفل وامه التي بإمكانها رؤيته على شاشة التلفاز الذي أمامها وهي على سريرها في غرفتها الخاصة وحسب مديرة العلاقات العامة بالمستشفى فانه تم وضع كاميرا خاصة لكل طفل في الحضانة يمكن من خلالها ان تطمئن الام على طفلها من وقت لآخر. مشيرة الى ان هذا الاجراء يعد واحدا من أدق التقنيات المستخدمة لطمأنة الجميع على امور كثيرة تأتي في مقدمتها طريقة معاملة الممرضات للاطفال وعنايتهن بهم وتفادي بعض الاشكاليات التي شهدتها بعض المستشفيات مؤخراً.


------------------------


بداية موفقة اعلنتها جريدة عكاظ اليوم وما زلت اطالب بتعميم هذه التجربة والزام كافة المستشفيات بها وتحديد سقف زمني للأنتهاء من تركيب هذا النظام ومن لا يطبق بعدة يفرض عليه غرامات عالية.

يعطيك العافيه صرخة مواطن......