هل هذا فعلآ حصل او مفبرك
منقول من منتديات شهرزاد
http://shzaad.com/vb/showthread.php?t=13694
على قناة السعودية الأولى بنات ورقص وشات



ايام زمان قبل عشرين سنة تقريبا كان عندنا خرافة تقول ان التلفزيون السعودي اذا صك يعني قال تششششششششششش
يجيبون فلم والا اغنية والا ينقلون من قنوات دول مجاورة مثل الكويت والا البحرين وقطر طبعا هالكلام لاينطبق على اهل الشرقية
لان جميع القنوات كانت تاصلهم حتى ايران خاصة اذا زادت الرطوبة .

سبب هذه الخرافة اشاعة تقول انه اذا ناموا الملتزمين والشيبان تبدأ القناة الاولى ببث كل ماهو ممنوع بس اي يوم ماندري ؟؟
وتلقى الواحد اذا صار سهران يفتح التلفزيون لعل وعسى يطيح بشي .

المهم انه هالخرافة تقول ان القناة السعودية طبعا مافيها غيرها اول الا وهي القناة الاولى انهم راح يخربونها يوما ما .
لان التلفزيون السعودي كان ملك التقطيع واكبر دليل افتتاحات اي بطولة رياضية اتحدى واحد منكم شافها كاملة
نص ساعة صورة ثابتة للاستاد حق البطولة وعشر دقايق دخول الفرق المشاركة مبغوثه مع صورة الاستاد الثابتة .
حتى اذا بدأت البطولة وفيه مباراة وجت الكاميرا على الجمهور وفيه حرمة على طول تطلع صورة الاستاد الثابتة .

طبعا مانقول شيء جزاهم الله خير على حرصهم على عدم ظهور اي دشارة بس عاد يكون عندهم شيء من الاحترافية في التقطيع .
يعني يغيرون صورة الاستاد مثلا ويجيبون صورة كورة والا مناظر من عسير والا يريحوننا ولا ينقلون الافتتاح ===> امحق احترافية .

وكنا ايضا نتابع المسلسلات وخاصة المصرية بعد برنامج نشرة الاخبار الرئيسية ونحلل ام المسلسل في المتابعة
كل البيت كلهم متسدحين عند التلفزيون 21 بوصة والانتل علاقة الثياب .

وطبعا خلال برنامج نشرة الاخبار تبدأ الاستعدادات لمشاهدة المسلسل اللي يروح يجيب خبز ابو يمن 4 بريال للعشاء
ودايم في كل عائلة تلقى واحد متخصص بتصفية التلفزيون وضبط الالوان وياويله لو تبدأ المسلسل ماصفاه .
والا لو يمر واحد بثر ويطيح علاقة الثياب تسمع السب والشتم .

نرجع لموضوع القناة الاولى والتقطيع لو جاء مشهد مثلا تمثلية وجيده وسامح التمثلية الصعيدية
وجت وجيدة مقربه لسامح همن يقطعونها السعوديةفجأة .. كلنا كمتابعين بصوت واحد نقول ..

توقعوا وش نقول ؟؟


نقول : حبها اي بوسها اي قبلها

عموما بعد هالديباجة والمقدمة الطويلة نجي للجد ....

الجد والواقع ان هالخرافة تحققت وفي هذا العيد اعتقد ثاني ايام العيد حسب رواية الشهود
واثناء عرض برنامج مسابقات اللي يقدمه يوسف الجراح قامت وزارة القناة الاولى بقطع البرنامج والانتقال الى ...

طبعا عادي سياسة القطع والانتقال لدينا .

هل الانتقال الى رحاب الله الطاهرة ؟؟؟......لالالالالا خطأ
طيب هل الانتقال الى ملعب رعاية الشباب بالملز؟؟ ...... لا ابدا ماحصلش !!!
اوكي شكلها الانتقال عبرالقناة الثانية لمتابعة ماتبقى من البرنامج ....امبوسبول لا لان فهد الشايع استقال مادري مفصول .


القناة الاولى خربوها ... هوه هوه.... من جد خربوها ....هوه هوه



انتقلوا الى قناة غنوة
رقص وغناء وشريط تشات ياحلاوة ..ام الدشارة







السؤال اللي يدربي نفسه ؟؟

هل كان هذا خطأ أو مقصوده

ولو كان خطأ ليه بالذات قناة غنوة معناتها القناة الاولى مركبين دش

ليه ما أخطاوا بالسودان والا ارتيريا قصدي قناة عصابة ارتيريا ==>انواع لطش افلام الدي في دي الامريكية

لو كان مقصوده هالحركة وش الهدف؟ وليه بهالزمن ؟ اللي تعج البيوت بالدشوش .

ليه ماأخطاوا يوم حنا نقول قطعوه حبها ..والا يوم حنا ننتظر الخرافة تتحقق بعد منتصف الليول .
ليه ما أخطأوا ايام الجفاف والمشق يوم كان ما عندنا الا قناة وحدة
وكلها انتقالات وتقطيع وفلم كرتون بوزو وطقته .

حسبنا الله ونعم الوكيل

مفبركة

فيه من اخواننا العرب من يتربص ببلدنا واهلها ولا تستغرب اى شئ في المستقبل فإيديهم نجسة

اظن مفبركه
مااعتقد يوصلوا لهدا الشي

وبعدين ليش نكدب على نفسنا ؟؟!!
اتحدى لو احد فيكم يتابعها ويتابع برامجها

يعني تلات ارباع السعوديين عندهم ستالايت وشايلينها من القائمه تماما
حتى الملتزمين ماصاروا يحطوها واستبدلوها بقنوات المجد

وانا مستحيل اتابعها حتى لو ماعندي قنوات تانيه غيرها
لان برامجها ممله جدا ومافيها شي مهم الا اللهم البرامج الدينيه والفتاوي غير كدا مافيها شي حلو ابدا

بس الكلام ع القناه التانيه
انا فعلا مره شفت بعيني وانا جالسه اقلب في القنوات مناظر مش ولابد في الافلام الاجنبيه الي بيعرضوها
وكمان الاغاني الاجنبيه الي يحطوها مستواها هابط جدا

اها وشي تاني كمان الي يلفت النظر فيها المذيعات السعوديات الي بيجوا فيها
احيانا بتكون ملابسهم فاضحه وطبعا حدث ولا حرج عن حجابهم .....

ربما حدث عن طريق الخطأ بالنقل من محطه اخرى فشعار غنوه و القناه الاولى طالع بالشاشه..فالتلفزيون يتابع تغطيةجميع قنوات العالم وخاصه المواضيع التى تخص السعوديه..

ياليتهم غلطوا وشبكوا على المجد احسن من هالفضيحة

لا غلطه ولا شئ
انا بسراحه ما شفتها ولكن لا استبعد ذلك في عصر معالي الوزير اياد مدني توقعو اي شئ

اولا مسالفل

ثانيا حبيبي انت تقصد بتوقيت العرض ثاني ايام عيد الاضحى

طيب خلينا حبايب

منذ مبطي تعاقدت القنوات السعودية مع 6 شركات لتطوير القناة

الان تقول وش دخل ذي في ذي اقولك

طيب التعاقد هذا ظهرت بوادره بشكل بسيط اولها شعار القنوات

كيف اصبح

صار كذا

ولو تتكرم وتروح تشيك عالقناة هذا لو هي موجوده عندك بالستلايت يكون كويس بتلاحظ ان شعار القناه اصبح باليمين يعني من ملاحظة بعض الردود اللي يقول مؤامرة واللي يقول الوزير حرام تتهمون هالمساكين

يعني بالبلدي قول للي نقل الكلام هذا غير صحيح

ثانيها وبالعقل

الاستديوهات اصلا لو عندهم دش ماكان القناه بلهاء كان تعلمو عالاقل تغيير المذيعين

كان صرفو لمحمد خيري ومزيد السبيعي والقائمة طويله شهادات تفوق ودخلوهم غينيس للارقام لمحافظتهم على المناصب لفتره قياسية ونفس الشكل والديزاين

ارجو ان يكون ردي صحيح ما اكون غلطت بشي واكون اهذي لاني مواصل وتعبان وربوع ومدري اسهر والا انام

محمد العدواني
مكه

خخخخخخخخخخخخخخخخخخخخخ النجراني من يتربص بهالتلفزيون الله يرحم لي والديك

الشعار دليل انه مفبرك لان الشعار قديم

والجديد كما وضحه أخينا العدواني