هل تعلم انك اذا ادخلت سيارتك الورشه يشلحونها وانت ماتدري...

هذا ما يقوم به الميكانيكيين الاجانب في الورش

يعني اذا جيت انت تصلح فرامل ورحت ما جلست عنده

يجي واحد بيغير فيوز او لمبه او اسلاك بواجي خاصة اذا من نوع السياره

ياخذ من هاذي ويحط فالثانية بدون ماتدري...

غير شفط البنزين خاصة اذا كانت السياره full

يعني خلك مع سيارتك وفتح عينك عليها

ولا بتقعد رايح جاي عليهم

صحيح كلامك ياغالي


لابد لهم من المتابعة

انا غلطي الوحيد اني وديت سيارتي الكامري الوكالة اتوقع ويش شالوا منها
الكتالوج(manual) اي والله العظيم وانا صادق وصار لي مدة ابغى ارجع ليهم بس الوقت ما يسمح عشان في بعض الاشياء ما سووها عدل
واما باقي الورشات حامض على بوزه اخلي السيارة عنده يسرح ويمرح فيها على كيفه اذكر اني بدلت علبة الكلج فوق وتحت وقماشات طبعا اخوي راح بها ووصيته قلت له كيف قال ابد لا يهمك بدلهم قدامه وهوه طول الوقت واقف على راسه ...
كذا الشغل والا بلاش

اذكر سالفة من زمان علمني بها احد الشباب يقول مرة شاف سيارته طالع بها واحد من الورشة من العمالة وصارت هوشة كبيرة وما اذكر ويش صار بعدين
فانتبهوا مهو كل ورشة تتعامل معاها وخاصة ابو يمن الله يقرفهم ان شاء الله

بس المشكلة اذا كان العطل يتطلب ان السيارة تبقى في الورشة يوم او يومين

وش السواة في هالحالة ؟؟؟؟؟؟؟؟؟

مابقي غير إن الواحد يتبع سياسة العواجيز في تعليم حاجاتهم مثل قدورهم و صحونهم و يجيب المنكير و يحط علامة على كل قطعة في سيارته و قبل ما يأخذ سيارته يشيك عليها و يتأكد من وجود العلامات.

أو إنه يسجل الرقم التسلسلي حق كل قطعة مهمة في ورقة عنده و راجعها بعد كل زيارة للورشة.



ما نقول إلا حسبنا الله و نعم الوكيل في إنعدام الأمانة.