بسم الله الرحمن الرحيم

السلام عليكم ورحمة الله

بما ان الديون والمصاريف كلمالها وتزيد علي قررت ان اجدد الحصول على تمويل من البنك والل راتبي ينزل عندهم ولكن عندما عرض علي الموظف المبلغ المخصوم في السداد المبكر والذي لم يصل لعشرة الاف ريال ؟؟؟!!!!!!!!!!!!!!!!!!!فقط

ذهبت للبحث عن بنك آخر يشتري المديونية للتحويل عليه فوجدت عرض حلو ومغري من احد البنوك بالحصول على تمويل ولايبدأ الخصم الا بعد 6 ستة شهور وهي فترة نستفيد منها في التخلص من بعض الديون

وذهبت لهم واخذوا بياناتي وطبعا رقم السجل المدني لكي يكشفوا عليه في نظام سمه

واللي مايعرف هالنظام هذا نظام استبداد وحبس مصالح وحرية لكل شخص يطب في ايديهم حتى لو عليك 200 ريال متأخرة لشركة زين للاتصالات او لشركة الحمراني خلاص قول على مصالحك السلام وحتى لو سددتها في اليوم الثاني لدخول القائمة السوداء في سمه فسوف يبقى اسمك في القائمة السوداء لمدة 60 شهر خمس سنوات........................

ماعلينا نعود لموضوعي المهم ردوا علي بعد كم يوم برفض التعامل معي

طب ليش يابن الحلال انتو مو بنك وتدورون جذب عملاء ليش رافضين؟؟!!!

قال لانك متعثر في سمه قلتله ياخي كيف متعثر في سمه انا ماعلي اي شي ولا عندي متاخرات لاي احد

قال هذا اللي ظهرلنا عند الكشف على تقريرك في نظام سمه

قلت: لاحول ولا قوة الا بالله

رجعت للبنك حقي عشان اكمل اجراءات الحصول على تمويل لأن الظروف الله العالم بها ولا بد من توفير مبلغ باسرع وقت ووجدت ان المبلغ اللي خصموه عند السداد المبكر اقل من السابق

يعني أكثر من نصف التمويل بيروح لهم ’’ حاولت معهم يزيدون المبلغ المخصوم بدون فايده قالوا خلاص البنك اخذ الفوائد من سنوات ماضية ولم يتبق لك سوى ثلاث سنوات والمبلغ المخصوم راح يكون قليل جدا للنسبة

ووافقت مظطر وغصب لان ماراح القى نتية وانصاف من اي جهة مع الاسف

المهم رفع الموظف المعاملة لقسم التمويل وبعد يومين راجعتهم ووجدت الموظف مجهز المعاملة وبس ينتظر توقيعي للحصول على المبلغ وعند مراجعتي وقراءتي للاوراق كانت المفاجأة:

مبلغ التمويل اللي اتفقنا آخذه واللي مايصل ل90 الف بعد خصم حق البنك من التمويل السابق وجدته ناقص تقريبا 12 الف ريال؟؟؟؟؟؟؟؟؟؟؟

سألت الموظف ليش كذا المبلغ نقص؟

قال بسبب مديونيه عليك في سمه

شرحت له الوضع وانه لايوجد علي اي مبالغ او اقساط متأخرة لأي شركة عشان يسجلون علي تعثر في نظامهم

قال راجعهم وارسلنا لهم نموذج استعلام من البنك وبعد يومين ارسلوا لي بيانات الدخول للنظام للاستعلام

ووجدت انهم مسجلين علي تعثر بسبب كفالة لدى شركة الحمراني رغم ان المبلغ مسدد كامل ومنتهي الرجال منهم منذ فترة طويله وكذلك فاتورة لشركة زين للاتصالات بمبلغ 540 ريال فقط ومنتهي منها ومسددها قبل سنة ونصف

وبعد الاستفسار ومراجعة شركة الحمراني وشركة زين افادوا انهم ارسلوا لسمه المخالصات منذ ذلك الوقت ولكن شركة سمه لها نظام حيث يبقى العميل متعثر ولايحدثون بيانات العميل المسجل عندهم الا بعد مضي خمس سنوات

شفتوا كيف اننا مرتاحين وماخذين حقوقنا وماحد يقدر يظلمنا ابد وامورنا ماشية تمام التمام وانظمتنا الكل يحسدنا عليها

لاحول ولا قوة الا بالله وحسبي الله ونعم الوكيل

والله انك صادق هذا نظام يهودي متلبس بالانظمة الوضعية لاستعباد الناس والمفروض من الشيخ ال الشيخ ابلاغ الملك عنه

وين جابو ذا النظام خمس سنوات انتظار .... بعد التسديد ...... مو معقول ابدا ..... !!!!!؟؟؟؟؟؟ لو ماسدد
ومرت خمس سنوات ولم يقيم صاحب الدين قضية يسقط الدين حتى لو لم يسدد هذا نظام دولي ويبعد اسمه من القائمة لسوداء هذا هو النظام الدولي المتعارف عليه اما اذا سدد فيبعد اسمه من القائمة فورا

تتكلمون من جد أنتم؟؟؟؟؟؟


لالا أكيد فيه لبس أو خطأ مو معقول يا جماعه


خمس سنوات تأكل تبن عشان مديونيه للاتصالات ما تقدر تمشي امورك بالبنك او اي مكان



5 سنوات


تأكدوا خمس سنوات والا خمس دقائق الله يهديكم اخاف استعجلتم



متأكدين والا


بكم سعر التبن يا شباب

غريبة؟؟

و الأغرب إن البنك اللي تسدد مديونيته و تخلص من همه ما تكمل شهرين الا و مندوبين البنك هاكينك اتصالات و عروض للحصول على تمويل جديد.

امس ارسلت لهم عبر البريد المسجل في موقعهم رسالتين اطالبهم بتحديث بياناتي وانزال اسمي من القائمة السوداء لكي استطيع الحصول على تمويل وهذا من حقوقي بما انه ليس علي متأخرات او تعثر حاليا

ولم يأتي رد او اتصال للان!!!!!!!!!!!!!!!!؟؟؟؟

www.simah.com

المساندة والدعم > اشتراكات الاعضاء: هاتف: 966920000046 + تحويلة 1 فاكس: 96612188787 فاكس: 96612188787 البريد الإلكتروني: membership@simah.com البريد الإلكتروني: support@simah.com العنوان البريدي: صندوق بريد 8859 منطقة العليا - البرج الجنوبي - خلف برج المملكة - الطابق الخامس الرياض 11492 المملكة العربية السعودية

هاذي من بنات افكار الجهبذ الخارق حكيم زمانه وصانع الاقتصاد الاول ابراهيم العساف
في صيف العام الماضي كنت ناوي اسافر غرب الارض المهم قدمت على فيزه من سامبا وحسابي وراتبي عندهم بدت الاجراءات وتفاجأت انني في البلاك لست رغم ماعلي لاقروض ولاغيره قلت لهم ليش قالوا ماندري فيه شركة اسمها سمه (اول مره اسمع عنها) عندها الموضوع راجعهم وخلهم يرفعون عنك الحظر
سألت يمين يسار عرفت مكانهم وتعالوا شوفوا المواطن لمن يسلب المواطن
المهم طلبت اقابل مديرها وقابلته وسفري قرب المهم باختصار اتضح انه فيه تلفون ثابت موقفه في بيت الوالده الله يرحمها وتراكمت مبالغ رسوم الاشتراك حتى وصلت 790 ريال وكنت ناسي بالاصل الموضوع ببساطه رحت سددت وارسلت بالفاكس لهم ورفعوا الحظر
الصراحة الموضوع اقل مايقال عنه ملعنه في ملعنه في ديرتنا المبليه في هالبشر