اولا نحمد الله على كل شي

هذي قصتي مع معرض دار العربة للسيارات الامريكية المستعملة في الرياض الدائري الشرقي بين مخرج 11 و 12

انا شريت منهم موتر امريكي مستعمل قبل سنتين وحاولت اوديه للوكالة للفحص وعيا صاحب المعرض قلت طيب اوديه لورشة الغروب فالنسيم عشان افحصه قال طااايب

فحصته بدي بالجهاز ومكينه وقالي المصري .. كلوا تمام يابيه هات 200 .. عطيته ميتين وانا طاير بالفرحة الموتر فعلا شكله نظيييف زي اي موتر امريكي لكن بعد سنتين انكشفت الفضائح

في يوم من الايام صدمت لي واحد من ورا وانكشفت عيوب الصدام الامامي علطول انشق واكتشفت ان فيه شبك حديدي مركب مكان الشق السابق ومسمكر وطالع شكله اخر حلاوة

الغريب كيف مااكتشفه المصري وحده من اثنين .. اما المصري نصاب او انه نصاب لان الجهاز بعد الكشف على البدي ماطلع اي عيب !!

المهم رحت اسمكر عند فلبيني فالنسيم قالي الجهاز مافيه مشكلة المشكلة في المصري .. عندك الرفرف بعد مسمكر .. قلت كيف؟؟ .. قال سمعتني !!

يعني طلع الموتر مصدوم صدمة بنت كلب طيرت الصدام والرفرف .. حسبنا الله عليك يامعرض دار العربة والمشكلة السوداني يقولي الموتر نزيف واللهي ماهتحصل احسن منو .

طبعا السيارة كاي سيارة امريكية اي حادث يحصل لها يكون مسجل في ادارة المرور في امريكا والسيارة ماكان مسجل عليها اي حادث فيبدو ان الحادث حصل داخل المملكة وهذا يثبت ان صاحب المعرض على علم بالحادثة وغشني .

فالختام اسأل الله القوي العزيز ان كان صاحب معرض دار العربة يعلم بالموضوع او السوداني او المصري والفنيين اللي في ورشة الغروب يعلمون ان لايبارك في مالهم ولا في تجارتهم ويجعل خسارتهم عاجلا غير اجل ..باعوني السيارة بسعر المستعمل النظيف وطلعت مكركبة

حسبي الله عليهم ونعم الوكيل .. اسال الله ان يعوضني بدالها .. ويكفيني شرها للاسف بدا يبان بعض العيوب مثل الصدا

طبعا ماودي اقص عليكم سالفة التامين اللي مجرد ضحك على الذقون

للاسف التجارة عندنا اصبح يميزها الغش .. بل احيانا تجد الغشاش يظهر بمظهر اهل الصلاح ويبيع الناس منتجات تضر بصحتهم وقد تسبب هلاكهم .

لماذا اصبح الناس همهم دنياهم ونسوا الاخرة !!؟؟ عجبي لمن يجمع هذي الاموال بطرق حرام وفالاخير تذهب لورثته لان الله يحرم متعتها عليه ويجعلها عذاب عليه فالاخرة تكوى فيها جباههم وجنوبهم .

الموضوع كتبته لتحذير اخواني من هذا المعرض ومن ورشة الغروب ومن السيارات الامريكية المستعمله افحصوها عند السمكرية فهم لهم نظرتهم الخاصة الجهاز قد يخطيء .. اما ماحدث لي فاني احتسبه عند الله لاني اعلم ان في هذا البلد المظلوم يؤكل حقه عيانا بيانا ولكن الله يعوضه باذن الله ان صبر واحتسب .اما الظالم فهو يحمى ويدافع عنه باسم النظام .

والله يا أخوي صارت لي و القهر أني شاري السيارة في رمضان في العشر الأواخر
من معرض ثمرة الهفوف في الصناعيه
كنت شاري منهم كامري موديل 98
اللي صار قلت له نبي نفحصها عند البراهيم قال لي لا يارجال تدور البعيد .!
ورحنا معه وكان هو اللي يسوق لورشة الشامي !.
وقال لنا انا بنزل علشان يدخلونها الفحص
اللي صار أن الورشه قالوا لنا السيارة نظيفه و أنها مافيها صقعه ولا شي
أنا فرحت
وبعد كم شهر بدت التصليحات فيها وبدت المعاناه وقطعها غاليه لأنها 6 سرندل << كنت ما أعرف خخخ >>
وبعدها وديتها لورشه في الصناعيه قالي السياره مصقوعه وحالتها حاله @_@
أنا تفاجأة بس ما نقول إلا حسبي الله عليهم و أنا ماراح أحلله في أي هلله نهبها منا بالغش
هو والشامي أنا متأكد دف لهم رشوة على الطاير
السيارة بعتها قبل سنه و الحمدلله خذت هونداي جديده
ومرتاح معها
لك خالص تقديري

حياك أخوي ...

اذا واجهت غش فلا تترك حقك ابد ... توجه لوزارة التجارة (مكافحة الغش التجاري ) واشكيهم ..

مركز الغروب اكبر نصاب وراعيه اسمه الدريبي راعي معرض بالنسيم اسمه معرض الغروب نفس الاسم وفتح ورشه جديده اسمه كارتك بنفس شارع المعارض بجنب البريدي يبي يكسر سوق البريدي لانه فضحهم النصابين
اذا بغيت تفحص افحص عند البريدي
وحسب علمي ان اصحاب الصالات الحرامية يجيبون السيارات الامريكية مصدومه من الامارات ويصحلونها هناك لانها ممنوع تستخدم بالامارات ويبيعونها عندنا هنا ويكسبون 50% اقل شي

اخوي ما تتوقع إنه فيه اتفاق بين المعرض والورشة للفحص

المعرض يتصل على الورشة
ويقول لهم :فيه راعي سيارة امريكي جاي من طرفنا اعمل للسيارة فحص بطريقتنا .

الدعاء عليهم في كل صلاة
دعوة المظلوم مستجابة

خذ تقرير كتابي من الورشة ومختوم عشان تقدر تدينهم وتشتكيهم فيما بعد ...

حسبي الله ونعم الوكيل هذا اللي تقدر تقوله

90% من السيارات الامريكية فيها صدوم ومسمكرة ومصلحة


نادر نادر نادر تلقى النظيف فعلا

حسبي الله ونعم الوكيل ..

والله وانا أخوك مشكلتك تشبة مشكلتي أنا شريت من البــــيان والسيارة جديدة وسليمة

وتقرير الكارفكس والاوتوشيك سليمة 100% >>><<< تقرير فااااااشل


وعلى فكرة أنصب ورشة + فحص في العالم الغروووووووووووووووووووب وأبرز النصابين السوداني والمصري


متفقيييين مع اغلب الصالات .. المهم يوم فحصو السيارة قالو سليمة وقلت لهم أكيد أكيد قالو ما يحتاج


المهم بعد ما أخذت السيارة أكتشف ان الكبوت و والشنطة مرشوشة ومغيريييييين الجنوووط كمان أبو كلب

حسبي الله عليهم بعد أسبوع من التجربة اكتشفت ان المثبت السرعة خربااااااااااااااااااااااااااااااااااااااااااااااا اااااااااان

تتصورون يا ناااااااااس مثبت فورد يخرب أنا معي 97 والى الحين ما خرب أجل كيف 2007 خربااااااااااااااان واسمع

الفلسفة اللي ما لها داعي وبعد 4 أيام رايح جاي للورشة صرت أداوم معهم وبعدين قالو لي الكمبيوتر خربااان

مع نفسهم كمبيوتر بخرب بعدين قلت أوكي صلحوه قالو لي مافيه موجود قطة خايفين اذا صلحوه اسحب عليهم لكن قالو

ما يشمل الضمان--- المهم كلمت المسؤؤل على الضمان وبعد نقاش قالي بالحرف الواحد روح اشتكنا لوزارة التجارة ...

وش رايكم بالله ينطبق عليهم المثل من أممن العقوبة أساء الأدب .. وسلامتكم وأنا بروح أفحص المثبت عند الوكالة

وأوكل أمري الى الله ..


أعتذر على الاطالة ...

دمتم بــــــــــــــــــــــود..