العقار نار وصرنا نكد طول الشهر عشان حضرت المالك اللي رفع الايجار لعمارته اللي عمرها 20 سنة 43% في سنة واحده ويقول ملكي بكيفي وين الاسلام ما عاد في رحمة ويش الحل يا اخوان تكفووووووووووووووووون ودورت كل الشقق بحول هالاسعار؟؟؟؟؟؟؟؟!

حسبنا عليهم الله ونعم الوكيل

المصيبه انهم شبعانين
يعني يبون يناشبون الفقارى بارزاقهم

الحل برايي اننا نرجع خيام وبيوت شعر وصنادق ، بس البلدية ماتوافق وتسوي ازالة وترتفع اسعار وايت الموية لان الكل لم تصلهم الموية واتجهوا للوايتات. حسبي الله على كل صاحب عقار رفع سعره

ان الله يزع بالسلطان ما لا يزع بالقرآن
يجب تدخل الجهات الرسمية لكبح جشع اصحاب القعار عماره عمرها 20 سنة يرفع الايجار ويقول بكيفي و يتحجج بالرتفاع مواد البناء بالله عليكم هذا كلام يقتنع بها عاقل الحل بتصنيف العقارات حسب عمر المبنى ونظافته يعني عمارة عمرها 20سنة الى 15 سنه الشقه ام 2 غرفتين ومجلس وحمامين تبدا من 12 الف الى 15 الف بحسب نظافة المبنى وهلم جرى ويلزم اصحاب مكاتب العقار بها التسعيره واي مخالف يشهر به و يغرم ويقفل مكتبه واذا هذا ما هو معقول اجل المعقول عماره عمره 20 سنة و مرجع راسه ماله دبل و يبي دبل ثاني في خمس سنوات و نقول سوق مفتوح ؟؟؟؟؟ّ!

لاحول ولا قوة إلا بالله...

الواحد يلقاها من فين و إلا من فين.

الله يعين كل المستأجرين (أمثالي).

والله انك صادق انا اللي مستأجر عنده رافع الاجار بمبلغ خيالي

يقول تبي والله بكيفك(اظهر)يعني اطلع لا واللي قاهرني انه مطوع

قلت اجل لو انت مسكسكها والا يعني ايش بيسوي

واحنا بين يد هالتجار والحراميه واحد يثبت والثاني يشووت

وحق الايجار يحلف وراعي المكتب يستغفر ويالله

كله محصل بعضه انا ابي اعرف متى يصير لنا اقل الحقوق

ككائنات حية من لحم ودم........قال ايش قال انتم محسودين على النعمة

وافضل من باقي الدول(بوركينا فاسو_موزمبيق_سريلنكا_جزر براطم الناقة)

تحياتي لك اخوي.........................

آآآآآه تكفى