البارح عقب صلاة العشاء رحت للسوق ومعي نشرة الأغراض .. ويما أن أكثرها خضرة قلت اجل اروح لبساتين القصيم !اخذت الخضرة والأسعار لك عليها ومن قرادتي رحت للرز وأخذت كيس رز المهيدب ( بسمتي ) 20 ك طبعا ما حطوا السعر لكن حظي قال خذ كيس هالرز رغم أني سوف اذهب للعثيم بعدهم على طول.جيت لجبن كرافت كاسات سايل لقيت السعر 21.5 قلت هذا غالي خله عنك ..ورحت للسكر لقيته بـ 23 قلت اتركه .. العثيم قدامك !!المهم يوم جيبت احاسب تفاجأت أن سعر الرز 20 ك بـ 112 ريال !!!!قلت يمكن كل السوق كذا مانيب مهون لو ايش .وحاسبت ومشيت للعثيم ..واول شي سويته رحت للرز لقيت ابو عشره ك وما لقيت ابو عشرين وكان سعر العشرة كيلو بـ 52.5 !!يعني العشرين تطلع بمية وخمسة بس !!!!يعني فرق 7 ريال عن نصابين القصيم يعني بساتين القصيم وما بينهم إلآ خمسين متر !! رحت للجبن لقيته بعشرين وكسر ( نسيت كم ) لكنه أقل من البساتبن ..ورحت للسكر لقيته بـ 21 وكسر يعني اقل كذلك من البساتين حسبي الله عليهم ..المهم ضفيت اغراضي ومشيت ..وزير التجارة يقول ان الزيادة من بلد المصدر والتجار مالهم شغل اجل كيف يكون الفرق بين البساتين والعثيم 7 ريال في نصف الكيس وما بينهم الآ خمسين متر!عموما نصيحة بساتين القصيم خذ منهم الخضرة واللبن اما المواد الغذائية فدور غيرهم ..للمعلومية كان هذا ليل الثلاثاء 8/8/1428هـ بعد صلاة العشاء ..وآسف للإطالة

تمت المقاطعة

من حينهم بساتين القصيم غالين حتى الخضره والفاكهه وبنسبه للعثيم الشهير بكذاب يا خيشه من زمان مقاطعينه بعد ما ضحك علينا بلعبه مقاطعه الدنمرك وهواول من رجع يبيع لهم وفرحان

بساتين القصيم نصابين مع مرتبة القرف !
وعشان تتأكد من كلامي رح لهم وخذ معك ورقة وقلم وسجل بعض الأسعار ورح للعثيم وقارن ! بتلقى فرق كبير
حتى الخضار والفاكهة فيها زيادة كبيرة عن سوق الخضار
,,,,,,,,,,,بساتين القصيم مقاطعة شاملة ...
((((((((((((((( أبو زياد )))))

من شريت منهم أول مرة عرفت أنهم حرامية أقل شي يزيدون 10 % على أسعار غيرهم

الله لايربحهم

سوق الخضار جنبهم ومثل بضاعتهم وأحسن في بعض الأشياء وأرخص

لا املك الا الدعاء عليهم
حسبي الله عليهم

اللهم اني اسألك بقل هو الله احد الله الصمد لم يلد ولم يولد ولم يكن له كفوا احد انك ترينا فيهم عجائب قدرتك
اللهم دمر من رفع الاسعار ووافقهم عليها وايدهم يارب

ايام ارتفاع الخضار شريت منهم خضار بحوالي 500 ريال وقلت اكيييد الخلل من ارتفاع الخضار
لكن رحت بنده ولقيت كيلو الكوسة ب10 ريال وانا شاريه سطل صغييييييير ب24 ويغيت اموت من القهر ومن بعدها كنسلت عليه

بساتين القصيم حراميه من جد انتبهوا

نصابين جنب بيتي ماآخذ منهم

صالح
انتم يا شمال الرياض كاش ما يهم
بس بصراحه عندهم كوسه (تزرطها) يعني تاكلها وهي نيه .
نصيحتي لك لا تشتري منه الا الخضار حتى الفاكهه لا تشتريها منهم . دائما اسعارهم نار
تحياتي لك ...القاصي