السلام عليكم ورحمه الله وبركاته وبعد

اليوم مريت مغاسل الرهدن بغسل عندهم مثل العاده....
عطيت العامل الملابس واخذت الفاتوره الا الجماعه حاطين سعر غسيل الشماغ 3ريال... بدل2ريال
سالت العامل ليش قال والله الاداره من اول رمضان ...قلت طيب شكرا واطلع الجوال ودق على الغش التجاري -الغرفه التجاريه المهم ويرد الموظف وعلمه بالسالفه قال والله مااقدر افيدك كلم الامانه 940وادق عليهم وعلمهم بالسالفه ونفس الشي رد علي وقال والله مالنا دخل في المغاسل كلم الغرفه التجاريه ليش قال والله احنا عندنا تسعيره الحلاقين والمخابز فقط . قلت يمكن ماعنده خبر هالموظف ولا جديد حولني للمشرف قال ابشر واكلم المشرف .الا ونفس الردواقوله اجل كذا ضاعت الطاسه قال والله ودي افيدك بس هذا اللي عندي؟؟؟

-اذا كان هذا رد الغرفه التجاريه -ورد الامانه كذا ماعلى اي تاجر(جشع)يرفع الاسعار
مادام ماعندك احد... يجب علينا اخذ حقنا بانفسنا (المقاطعه)

والسلام عليكم

الطاسة ضايعة ومافي حد ياخذ لك حقك والكل يتمادى لأنه لارقيب ولاحسيب

شكرا لك
يجب مقاطعة هذه المغاسل فغالبية المغاسل لاتزال على سعر ريالين لغسيل الشماغ
وللاسف حين مناقشتهم قالوا ان الايجارات غالية رغم ان الارض والمغاسل ملك لهم
حسبنا الله ونعم الوكيل على كل جشع يستغل الناس
المقاطعة من قبل الناس هي الحل في ظل تراخي الجهات المسؤلة والله المستعان

ايعقل ان البلدية لا علاقة لها بالمغاسل !
اما غلاء هالمغاسل فان لم نجد جهة تقول" انا لها " فالمستهلكين لها واهلها , اتركوا من يرفع سعره البديل بالانتظار
ياكثر المغاسل اللي بالشوراع ..

وانا اضم صوتي لصوتكم انا شخصيا من اليوم اغسل ملابسي في البيت اضمن واكثر نظافة
الغسيل ماقيه تعب فقط الكوي شوي متعب ممكن اوديه بعد العسيل للكوي فقط واختار المغسلة
النظيفة والتي سعرها مناسب.... وخل مغاسلهم تنشف

ما حولك احد

انت لو شفت تعاملهم مع العملاء . كان ماغسلت عندهم ولا شراب ..........

مسكين فيه واحد مره قدامي قبل العيد غاسلين غترته وطلع فيها صفار من الكوي . عادوا غسيلها ماراح الصفار . طالبهم بتعويض قالوا له خذ عشره ريال وبس . قال لهم وغترتي غاليه قالوا الله يعوض عليك .. والناس تتفرج . والسعودي ( الظاهر صاحي المغسله) قاله ماعندي لك شئ .

من بعدها وانا عايفهم من 6 سنوات

حسبنا الله ونعم الوكيل

يارجل انا دائما اقول ان هذا البلد بدون انظمة وقوانين
وان وجدت فهي لاتطبق فالله المستعان

لا المغاسل ولا الحلاقين انا نفس الشي رحت احدد ليلة 29 (الشعر) حدد وتوه مخلص قمت قال لا اصبر قلت حلو خدمات اضافية ما دريت بيسرق المهم يوم جيت احاسبه قالي حسابك 45


بس الحمدلله انهم حاطين تسعير الحلاقة قلت اللوحة المحطوطة بكم التحديد قال بـ10 قلت طيب بس قال زيادة على كذا السنفرة وبخار

قلت انا طالب تحديد ما طلبت سنفرة وبخار زيادة

قال بكرة عيد قلت لا يقولون الشهر كامل قال خلاص بعشرة والخدمات اضافية

ابو جشع التجار اللي فيهم


وبعدين مافيه اي تنظيم كلها واسطات

عندك واسطة تمشي اموركـ