هـذي عنيزه مانبيعه بالزهيد لافرعن البيض نحمي جالها < وش دخلها بالقصيم

حياكم الله كلكم

أولاً مبروك عليكم أفتتاح مركز النخبه للحوم العالميه في عنيزة

لاكن ياشين هالطبع فينا كل مافتح محل تناقزو كل أهل الديره

اليوم رحت له ولقيت

شياب + حريم + بزارين مضيعين امهاتهم + شباب

يعني مالك ماطى قدم

المهم

لقيت عندهم تيوس باكستانيه مجمده

والله اسعارها خياليه وبلاش

التيس الواحد بـ130 ريال

وعنده عروض قويه من ناحية المواد الغذائيه مثل الطحنيه على ريال

والشطه الحجم العائلي على ريال

والمكرونه انواع واشكال سباغيتي ولاخواتم ولا الشكل الي تبيه برضوه على ريال

والملوخيه المجمده ثلاث بـ5 ريال

والخضار المشكله ثـلاث بـ5 ريال

وكرتون الدجاج مقاس 800 الكرتون بـ40 ريال

والبط سعر البطه بـ 15 ريال

اكثر شي أعجبني العصير الحجم العائلي جميع النكهات بـ3 ريال للواحد

والبطاطس الكيس الكبير الجاهز للقلي بـ 12 ريال

والي أفضل من هذا كله سعر الفواكه المغلفه

الفرواله 3 أكياس بـ 5 ريال والمانجا ثلاث أكياس بـ11 ريال

المهم فيه عروض أفضل بعد بس ماراح اقولها لكم

لكن بخليها مفاجئه لكم لازرتوه

مابي ألا دعواتكم

خصوصاً الي يدورون الرخص لمقاضي رمضان

أي واحد مايقدر يدعيلي ياخذلي تيس على طريقه

الفواكه المغلفه هج عن المنقا ترى طعمه كانه ليمون
والفراوله ليس بعد عن ذلك
افضلها على الاطلاق الجوافه بالدمغ
اللحوم صراحه ماجربته لكن ماشفت احد مدحها

والله يا ابن الحلال اللحم ماعندك احسن منه

ومامثله للمندي

انا اخذت اثنين والله ماعندك احسن منهم تبي طعم خذ طعم اهم شي مابهن ريحه مثل الاشاعات الي طلعوها بعض الاخوان عشان يقللون تواجد الزبائن المزدحم عليه

تبي نصيحتي جربه واحكم ولاسير علينا بالمزرعه وذقه يالغلا

تسلم يالغالي وان شاء الله نجرب تيوسهم
ولي الشرف ان اسير عليك

تتدعيلي بإذن الله

وحياك الله بأي وقت

يعطيك العافية وعطني وصفه

الله يعافيك

أمام مجمع إبن شيهون للملابس

لاصرت جاي من بريده تلاقيه على يمينك قبل مطعم كنتاكي وتوم توم

الله يعطيك عافيه نبي نمره انشاء الله انعلمكم