للفااااااااضين فقط

جمعني ليلة البارحة اتصال مع احد اعز اصدقائي ذوي الخبرة في هذه الحياة وبالاخص في العقار
وبعد السوال عن الاخبار والاحوال قلتلة يا ابو محمد وش اخبار العقار زي منت عارف برجع بعد كم سنة للديرتي ومعي الشهادة انشاللة و اول ما افكر فية هو البيت والاستقرار؟؟؟؟؟
سكت قليلا ابا محمد كعادتة قبل ان يجاوب على اي سوال ثم بدأ اجابتة بتنهيدة وقال:
مدري وش اقولك وانا اخوك لكن ترى العقار طار وماهو على خبرك قبل كم سنة
قلتلة طيب لية وش الي حصل
قالي اسمع انت راعي اسهم ولا تفهم بهالامور لكن انا بافهمك بالطريقة الي تناسبك

قالي: تذكر ايام كنت ما تلقى مكان تجلس فية في صالات البنوك ترى كتابة العدل في الرياض اليوم مثل هذيك الفترة و اردى
قلت له ما فهمت
قالي:تذكر يوم تروح للبنك تبي تفتح محفظة يتشرطون و يقولك لازم حسابك فية مبلغ محترم والا اقضب الباب وزحمة و طوابير وتقعد ايام تنتظر الا ما تتفعل المحفظة ترى كتابة العدل اذا ما رحت قبل الساعة تسع الصبح تاخذ رقم والا قضبوك الباب
قلتلة يا خوي وش علاقة هذي بذيك ترى ما فهمت

قال تذكر يوم اسسو هيئة سوق المال وبدو يسوقون للتنظيمات والقوانين الي بتنظم سوق الاسهم وقلتو بس واللة الي زان السوق الحين وصار اكثر امانا وكانت البنوك تعطيك دبل فلوسك بضمان محفضتك ترى هذا الي يصير الي الحين في العقار تنظيمات و قوانين جديده وتمويل ورهن عقاري

قالي: تذكر يوم بيشة و الباحة تقفل نسب فوق باليوم واليومين احيانا بالاسبوع وهي خسرانة ودمرانة والناس تشتري وتربح ولا تدري كيف ربحت ترى العقار هذا الي صاير فية
فقاطعته مباشرة قائلا له:
ابومحمد انهبلت انت تقارن بيشة والباحة بالعقار هذا عقااااااااااااار
فضحك ابا محمد
قالي اسمع يالمطفوق اراضي عريض و نمار كنا نطقطق فيها بحوالي العشرين الف ونترزق اللة الحين بقل من مية الف ما تحصل
قلت لة هذا العقار هذا الولد البار
قال لا تقاطعني يا الخبل واسمع هالاراضي اراضي منح يعني ببلاااااااااش وتبعد عن مركز المدينة من ثلاثين كيلو وطالع ونصها في بطون اودية والا على روس الجبال
ولا كهرب و لا ماء ولا ازفلت و لا خدمات هذي حنا يا حقين العقار نطقطق و نضارب فيها فقط
نشري و نبيع الارض ولا ندري هي وين ولا شفناها
يعني كل الي صار مضاربة في مضاربة لكن الي صار خلال السنة الماضية شي جنوني ويروع
عرفت الحين ليش قارنتها ببيشتكم وباحتكم يا راعي الاسهم؟
قلت لة يعني يعني ان هالاراضي الخشاشية بتطيح اسعارها عاجلا ام اجلا لكن الاماكن والمخططات الزينة والمحترمة بتمسك اسعارها
ضحك ابا محمد وقال
وش صار في اسهمكم المحترمة لما طاح خشاشكم
قلتلة تراك تقارن العقار بالاسهم مرة ثانية
قالي بعطيك اياها على بلاطة المضاربة مضاربة سواء كانت اسهم او عقار او حتى رز و سكر
والي نشوفه من ارتفاع صاروخي ماهو الا مضاربة ولا يغرك التقارير الي تتكلم عن الحاجة للوحدات السكنية وارتفاع حجم الطلب ولا يحتاج اذكرك يالتقارير و بتقيمات اسهمكم قبل لا تتطيح وبعدين وش دخل ارتفاع الطلب والحاجة الى سكن في اراضي ما تنفع تحطها حوش بعاريين من بعدها وقل خدماتها
قلتله الزبدة وش تشوف
قالي تركد لين نشوف وش تاليها
قلت لة يا خوفي اتركد ثم تطير الاسعار و اتندم
قال الشكوى للة انا قلتلك بلي حاصل على ارض الواقع ولا ندرى وش يصير

خاطرة:
الواقع يقول ان العقار مازال صامد في وجة كل التحديات الاقتصادية والسياسية المحيطة بنا
و لكن المنطق يقول ان الاسعار وصلت الا حد لا يكمن لاغلب شرائح المجتمع مجاراتها

اخوكم محمد

منقوووووووووووووووووووووووووول

اخوي المملوح الله يسمع منك ومن رفيقك ابومحمد وينزل العقار ويقدر كل منا يشتري له ارض ويبني عليه بيت له ولعياله .

المقال لازم يكون للمهتمين وهم كثر يهمهم العقار ليس كمضاربة بل كحاجة للسكن وهو هم الجميع

كلامه منطقي جداااااا

والي صاير الحين كله مضاربات

ويقولي واحد يطقطق في العقار لاما يبيعك تقوله وين ارضي يقول هي هنا ويشر بيده ولا حتى يعرفها ولا شي وحظك نصيبك