بسم الله الرحمن الرحيم

سوف اقوم بكتابه قصتي مع الراجحي للمتاجره باللهجه العاميه

واريد منكم توجيهي اين اذهب ولمن اشتكي واسئل الله ان يفرج عن

كل من يوجهني كل هم وغم ....

بالبدايه احذر كل واحد يبي ياخذ سياره من الراجحي ابذكر لكم المواقف

مع بعض وبالاخير انتم الحكم ...

اول ما اشتريت السياره وكان التاريخ 18-8-1429 هــ بعد ما طلعتها

من ساحه الراجحي كان فيها صوت صفير تقريبا من جهه القير المهم

اخوكم بالله غشيم واول مره بحياتي اقود سياره اصفار فا توقعت

الصوت علشان السياره جديده المهم قبل لا توصل السياره 500 كيلو

ركب معي واحد من الزملاء المهم سئلني عن الصوت قلت له هذا

بسبب انها جديده قالي لا فيها شي اتجهت من بكره الا الوكاله

بعد الكشف قالو لي تصليحها 500 ريال قلت يا جماعه السياره جديده

ولسه تحت الضمان قالو نضمن لك قير ومكينه فقط وغيره لا

رجعت للراجحي وقلت له المشكله قال مالي دخل انا بس حوادث وغيره

لا مالي شغل تعوذت من ابليس وصلحت السياره علي حسابي

بعد ما صلحتها اكتشفت ان الكفرات منتهيه اي بمعني اصح محترقه

لان الاخ الراجحي يوقف السياره بالشمس وقالو لي لازم تغيرها ولا

تبي تضرب عليك المهم رحت واشتريت كفرات بمبلغ 1250 ريال

بعدها قلت يا ولد شكل السياره هذي تبي تبهذلني المهم قمت

بالاتصال بموظف الراجحي وقلت له ابي استبدل السياره بالموديل

الجديد الي هو 2009 وكنا برمضان تقريبا في اول رمضان قالي

اوكي مافيه مشكله بس خليها بعد العيد طبعا ما اخفيكم انا بحسن نيه

صدقت ابو الشباب يدري ان بعد رمضان السياره تكمل شهر ونص

تقريبا وبدل ما يكون المبلغ بالبدايه 4000 ابيكون المبلغ تقريبا

7000 ريال المهم تحسبت الله سبحانه ورضيت بالي الله قسمه لي

الموقف الثاني الي ابيكم تقولون لي وين اروح لاني بصراحه انظلمت

بتاريخ 1-7-1431 هــ عند الخروج من احدي الاسواق تفاجائت

بسيارتي مصدومه من الخلف طبعا مالقيت لا ورقه ولا غيره قمت

بالاتصال بمسؤال التامين بشركه الراجحي وهو فلسطيني الجنسيه

قلت له اول ما رد علي بالجوال طبعا رد علي بعد تقريبا خمس اتصالات

او اكثر قلت له انا صدمت سيارتي قالي وش تبي اسويلك قلت له وش

اسوي الحين وش المطلوب قالي تحصلها بالعقد وقفل الخط المهم

العسكري جزاه الله خير رسم الكروكي وقالي راجع المرور بكره

رحت للمرور اعطوني اوراق تقييم السياره من الورش وتقييم

القطع من محلات تويوتا المهم رحت لثلاث ورشات وكل ورشه اخذت

مني 30 ريال وبعدها رحت لمحل قطع الغيار واخذ مني خمسين ريال

المهم رجعت مره ثانيه للمرور اعطوني ورقه موجهه للراجحي

للمتاجره بعد ما وصلت لهم طلعت لدور الثاني حصلت الموظف

الفلسطيني قالي تبي تجدد التامين قلت له لا عندي حادث المهم

كان عنده واحد باين عليهم انه من معارفه المهم بعد تقريبا 25 دقيقه

قالي انزل للدور الاول ورح لمكتب رقم 2 هذا بعد مسؤال عن التامين

المهم نزلت لقيت بنقالي جالس فيه توقعت انه يتكلم انقليزي طلع

البنغالي هو عامل الشاهي والقهوه قالي الموظف مو موجود قلت متي

يجي قال لي ما ادري المهم رجعت مره ثانيه لدور الثاني قلت لموظف

الفلسطيني الموظف مو موجود المهم سكت وكمل كلام مع الاخ الي

عنده بعدها بشوي قالي امسك هذا رقم الموظف دق عليه واسئله متي

بيكون بالدوام قلت له انا اتصل عليه قال ايه قلت طيب خلص شغلي

قال انا مالي شغل المهم نزلت لمدير وقلت له ابي موظف التامين

رجع بكرسيه وعطاني ورقه فيها رقم موظف التامين قالي اتصل عليه

وشوف متي بيكون بالدوام قلت ياخي هذا شغلكم انت دق عليه انت

مديره قال لا انت دق المهم تعوذت من ابليس وطلعت ودقيت علي

الموظف قالي ابكون بعد صلاه الظهر بصاله الراجحي قلت له طيب

الله لايهينك دق علي جوال علشان ادري ان وصلت واجيك قالي طيب

المهم اخينا بالله ما اتصل علي الا الساعه 1 ونص الظهر مدري انا

يقصد اي توقيت لصلاه الظهر المهم بعد ما وصل موظف التامين

قالي وين الاوراق المهم اعطيته الاوراق شافهم بعدين قالي خلاص

روح لورشه الفراج وحنا نتفاهم معهم قلت له كيف ورشه السياره

جديده وكل شي فيها وكاله والا الان ما كلمت معاي سنتين والتامين

ما يكون بورش قالي كم لها السياره معك قلت له تقريبا سنه وعشر

شهور قالي ايوه كذا اكيد يشملك الوكاله قلت طيب عطني خطاب

للوكاله قالي لا امسك اوراقك انت اوارسلها لشركه الراجحي عن

طريق فيديكس وتابع معهم وبعدين خذ سيارتك وروح لوكاله وخلهم

يحددون السعر وبعدين ترسله لمقر الشركه بالرياض قلت له هذا

شغلك انت مو شغلي انا ارسل وما ارسل واتابع طيب انت وش شغلتك

هنا قالي تدري اننا فاتحين هنا غصب علينا ولا حنا ما نبي نفتح

طبعا يتكلم بصياغه انه الراجحي قلت يا اخي مافيه شي اسمه غصب

اذا الراجحي مو قد الشغله لا يدخلها قالي المهم تبي تسويها وكاله

ارسل اوراقك انت بنفسك قلت طيب يمكن يردون ويقولون ان الوكاله

ما تشمل تصليح السياره قالي ممكن قلت طيب ابيك تشوف لي

البرتكول عندكم وش هي المواد الي فيه يعني كم الفتره علشان

اقدر اصلح السياره وكاله او اصلحها ورشه قال ما عندي برتكول

واذا تبي شوفها بالعقد قلت طيب تفضل هذا العقد وفيه كل الاوراق

حتي شهاده التامين وريني النظام وشو قال مو من حقي اطلع عليه

قلت له انا سامح لك تشوفه انا ابي اشوفه المهم اخذ وفتش ولا حصل

شي قالي سوي الي قلت لك عليه .. قلت هذا ظلم وانا بنزل كل الي

صار بالنت وباذن الله اخذ حقي قالي عاد انا خفت ولا الراجحي

بينهار اذا نزلت شي بالنت المهم تعوذت من ابليس وطلعت قمت

بالاتصال برقم الراجحي المخصص للتامين وقدمت شكوي واليوم كملت

اسبوع ولا حس ولا خبر ولا حتي احد كلمني وسالني عن شي

وامس قمت بالاتصال بمدير الراجحي الاقليمي بالقصيم وحايل وقلت

له القصه كامله وقلت ابي شي واحد اذا انا لي حق ابي اخذه

قالي كلمني الصباح وتفائلت خير واستبشرت المهم اليوم كلمته

واعطاني رقم فاكس وقالي ارسل عليه الشكوي قلت انا اشتكيت قبل

ولا احد رد علي ومصير الشكوي هذي مثل الي قبلها قالي لا المهم

قفلت منه ... والا الله المشتكي ...

انا الان ابي منكم يا اخوان تقولون لي وش اسوي وين اروح ولا

ابي اشتكي بالراجحي لاني اشتكيت قبل ولا فاد شي ابي جهه حكوميه

تنصفني من الراجحي علما بان صاله الراجحي المذكوره هي الي

بالقصيم بريده

تعال رح جب
من أمن العقوبة اساء الادب
اذا مؤمن عليها ليش ماجي موظف التأمين والواحد يروح ينام وبعد اسبوع على الاكثر مخلصه سيارته

دائما ونصيحة للكل إسال عن نوع التأمين ومن أي شركة أو تقوم بالتالي و هو الصواب تاخذ التأمين من برا وهاذي ممكنة لكن الكل يجهلها حتى لو وكالة تاخذ التأمين من برا
والتأمين انواع وكل شئ واضح ومن ضمن الانواع يعطون سيارة أثناء التصليح وهي حسب الاتفاق مائة ريال والا مائتين

وانصحك اذا لسه التقسيط ساري انك تنقل راتبك الى بنك ثاني وقلهم ماني دافع الا اذا حليتوا المشكلة وحط الاول والتالي فيهم ,, لكن حط في بالك لن تاخذ تقسيط او قرض او بطاقة فيزا الى ان تسدد حق الراجحي هذا في البنوك فقط والا تقدر تاخذ من شركة او وكالة
ان شاء الله يفيدونك الاخوة

الاخ الكريمfaris11
اشكرك علي الرد السريع والتفاعل اخي شركه التامين هي شركه الراجحي للتامين يعني هو الكل بالكل

وثانيا الراجحي يخصم القسط من راتبي اول ما ينزل يعني مستحيل اخذ اخلاء طرف من البنك الين اسدد سيارتي

وثالثا انا طرقت كل ابواب الراجحي وتصدق ما شفت الا التطنيش قسم بالله كني اشحذهم وكل ما قلت شي

يقولون رح اشتك وارسل فاكس وكله كلام فاضي شكواي الان تجاوزت 8 ايام ومازلت انتظر وصدقني

بنتظر الين اتعب واصلحها علي حسابي حسبي الله علي الراجحي وشركاته وبنوكه كانه اكبر حرامي مر علي

التاريخ

اخوك لاتغرك ضحكتي

الله يكون معاك.
اذا فيك صبر وجلد"
1- قدم على ديوان المظالم وارفق مع الشكوى جميع الأوراق أو ابرق برقية.واعتقد فيه فرع بالقصيم.
2- شف لك مستشار قانوني وأطلب استشارته بالعقد طبعاً بفلوس ولا شف السكرتير حقه أكيد عنده علم أرخص لك (مصري أو سوداني).
3- شكوى على الشرطة وبعدين اطلب المحكمة.
والله معاك.
وعليك بهذه الدعوة فلها مفعول عجيب (اللهم سخر لي جنداً من جندك وعبداً من عبيدك).
شكراً

مرمطهم بالاقساط

ما ادري الواحد ايش يقول او يسوي بعد ما يشوف الفرق بين اللي قاعد يصير بالبلد وبين دول ثانية. انا راح اقول لكم قصة صارت لي بخصوص التأمين بأمريكا وقارنوا وشوفوا الفرق بيننا وبينهم. والله الواحد يزعل لما يشوف دولة اسلامية ويصير فيها هذي المواقف ودولة مو اسلامية تلاقي كل واحد منهم يشتغل بضمير ويعطونك حقك اذا عندك حق. مع ان المفروض اننا نكون قدوة ونوريهم كيف المعاملة الاسلامية حتى هم يعتبرونا قدرة. والله الواحد احيانا يتكلم من الحرقة لما الشوف الحال اللي احنا عليه.

المهم، قبل حوالي سنة كنت بمحطة بنزين وتوي طالع من الموقف الا وحدة عجوز قاعدة ترجع ولفت علي وصدمتني. المهم كلمنا الشرطة كلها 5 او عشر دقائق والدورية جاية. المهم الشرطي قال ان الغلط عليها 100% والحادث بسيط وقال كل واحد ياخذ معلومات تأمين حق الثاني واتصلوا بشركات التأمين واحنا راح نرسل التقرير لهم. كانت الساعة حوالي 9 الصباح وكنت ناوي اروح لهم بعد الظهر. المهم حوالي الساعة 11 الصباح اتصلت علي شركة التأمين تبعها وقالوا احنا عندنا كم سؤال عن الحادث وكيف صار واذا ما عندك مانع ممكن نسجل المكالمة. قلت لهم اوكيه.

المهم سألوا كيف صار الحادث وانت كيف كنت واقف وهي وين كانت واقفة. المهم بعد ما خلصوا قلت ايش راح يصير بعد كذا. قالوا اننا نتتظر تقرير الشرطة ولما يجي راح نتصل عليك.

حوالي الساعة 1 الظهر اتصلوا علي شركة التأمين وقالوا انه التقرير وصلهم وانها الغلط عليها 100% واحنا راح نصلج سيارتك. قالوا لي عندنا مجموعة ورش وخيروني اذا عندي وحدة معينة. قلت ما لا قالوا طيب راح نختار اقرب وحدة لك. قالوا لي بعد ساعة كلمهم او مرهم واتفق معهم.

بعد حوالي ساعتين مريتهم. بصراحة لما شفتها قلت هذي معقول شكلها ورشة عادية. هذي شكلها ورشة وكالة. المهم، قالوا لي راح راح نعطيك موعد بكرة الصباح حتى نقيم السيارة (لو اتصلت كانوا اعطوني الموعد علي التلفون) جيتهم ثاني يوم وقيمها وبعد دقائق قال ليمتى يمديك تجيب السيارة؟ قلت له كم يبيلها تصليح قال لي 3 ايام. قلت له طيب اعطيني كم يوم ادبر لي سيارة. قال لي بالورشة في مكتب تاجير وراح يعطونك سيارة حتى تتصلح!!! قلت له وانا مو مصدق ببلاش؟ قال لي ايه هذا من قوانين الولاية!! قلت خلاص اجيبها لك يوم الاثنين (كان اليوم يوم الخميس). جيتهم الاثنين واعطيتهم السيارة ورحت مكتب التأجير واعطاني سيارة مؤقتة

الاربعاء اخر النهار كلموني وقالوا السيارة جاهزة اذا تبي تستلمها اليوم او بكرة الصباح. قلت لهم ثاني يوم الصباح. رحت وسلمت السيارة البديلة واستلمت السيارة وقالوا لي الشغل اللي سوينه عليه ضمان واذا لاحظت اي شي مو مضبوط تعال على طول.

ايش رايكم باللي صار لي. خلال يومين السيارة كانت جاهزة تدخل الورشة. لا رحت اجيب ورقة تصليح ولا تسعيرات ولا مطامرات من مكتب لمكتب او ساعات على التلفون تدور على حقك بس. اذا عندي شغلة او معاملة عند اي جهة ولما اتصل عليهم غالبا تلقى احد يرد عليك واذا ما احد رد تقدر تترك رسالة فيها تلفونك وخلال اليوم يتصلون عليك. ما انكر في بعض الملاحظات لكن بشكل عام اتمنى اننا نوصل بس لنص مستوى الخدمات اللي بدول ثانية زي أمريكا.

الله يعينك ويعوضك افضل منها

حقيقة كان بودي انصحك بالتوجه لجمعية حماية المستهلك لكن !!! الجمعية الى الان مشغولة بالتوعية والتوعية والتوعية والتوعية , وكلمة التوعية اصبحت حجة من لا عمل له !!!

في الدول المتقدمة عادة يلجا المتضرر الى محامي والمحامي يتولى القضية على اساس ان له نسبة من التعويض

وبالنسبة للنشر , لو تحاول مخاطبة الصحف المحلية لان النشر فيها فيه نوع من الضغط

%%%
%%%

خارج الموضوع نتمنى ان يسفر الحرالك في جمعية حماية المستهلك عن ادارة جديدة عملية

واركز على كلمة عملية بعيدا عن التنظير والاستتار وراء التوعية نحن بحاجة الى اناس لديهم صنعة - على سبيل المثال محامين يتولون الشكاوي وتصعيدها بطريقة احترافية
لان المتابع لدينا يعرف ان المواطن ليس لديه خبرة في الشكاوى ومتابعة قضيته

اعانك الله اخي الكريم

الي استغربه من البعض يقول شلون يصير وحنا في مجتمع اسلامي



هههههههههههههههههههه


فعلا لن نصبح قدوه


لان الدين المعامله

الله يكون بعونك
اعرف احد الاخوة انصدمت سيارته وبعد انتظار من شركة التامين تجاوز السنه وهو كل شهر يقولون اللي بعد اخيرا الرجال نزل ( العجرا) وجلس في مكتب الشركة وكل مادخل زبون حذه من هالشركة وانهم مجموعة حراميه وبعد عشر دقائق طلع الموظف شيك بالمبلغ المطلوب وقال يالله تفضل وفكنا من شرك
فاعتقد لو وريتهم العين الحمراء يعطونك حقك