ذهبت للغداء يوم الاربعاء امس لمطعم الرومانسية المحلي و بعد انتظار عشان الزحمة جاء الطلب مدفون لحم واحد نفر و يبدو ان كل قطعة من تيس ما ادري هو محلي ولا افريقي و لا هندي و لا استرالي ( المكفنات ) اللي تنقع في الخل ثم على النار الحقيقة مشي لكن نص اللحم من امس و مسحن و الله الكلب ما يأكله صراحة انسدت نفسي بغيت اشتكي ما لقيت احد كلما اطالع ما اشوف الا مهبل يبي يأكل و يحتري حضرتي اطلع من الجلسة علشان يطفح اللي يجيبه العامل و الله اني حسيت أنه ما دفعت 44 ريال حسيت انه صدقه ! و لازم انطم ! ليش انطم لازم اقول اللي في راسي ياخي حرام اكلت شي انحسب على الطعام الله لا يعيده ! ما لقيت احد يعطيني وجه الا بنقالي حسبته يماني قالي ( تاني مره ما ياكل هنا صديق ) و الله لو اموت جوع ما اكل في الرومانسية و لا عند ابو يمن !!

مطعم الرومانسية فرع الجزيرة بالرياض !

حياك أخوي
ابد أعمل بحث في المنتدى عن هالمطعم وتشوف العحب
وهذا واحد من المواضيع
ما تفهمون يالسعودييين ؟؟؟؟ هذا ما دار بيني وبين صاحب مطاعم الرومانسية @@ ‏( 123 ... الصفحة الأخيرة)

يبدو ان كل قطعة من تيس ما ادري

هم يحطون لنا عظم بشوي لحم تقل شايفينا بساسة
واستغرب إذا أنا ما أكلت اللحم ولا أنت ولا الآخرين اللحم من يأكله
---------------------
هذا القسم للمطاعم اللي تستحق الدعم
أمّا المطاعم اللي تستحق المقاطعة تكون بهذا القسم
اضغط
مطاعم و مخابز رفعت أسعارها

اشكر جمرة غضا على المداخلة و قرأت موضوعك مع ( الله لا يبلانا ) حامل اختام مطعم الرومانسية و الحمدلله إني ما اخطيت نقلت ما حصل لي و اسف على عدم وضع الموضوع في مكانه الصحيح ما صدقت على الله القى كلمة ( مطاعم ) ها ها ها !

أعتقد أن الكلام الذي ذكر كله دعاية للمطعم لأنه فعلا جوده عالية وأفضل من غيرة في كل شيء والدليل الزحمة عليهم رغم ارتفاع الأسعار وأنا ععميل لهم من فترة وبصراحة جربت كثير مطاعم ولاكن ماشفت مثل جودتهم

يااخي هذولا ماعندهم الا قاطعوا المطاعم قاطعوا قاطعوا ياخوي انت يامسوي سعودي وتتكلم باسم السعوديين انت وغيرك اذا ماعجبك اكل مطعم او سعره بغض النظر مين كان
مين حادك تاكل منه ياخوي البطحاء النفر الرز ب 3 ريال
الا تشوهون سمعة المطاعم وتختلق اكاذيب عشان يصدقونك العالم
طيب يالله نقاطع وجبة الرومانسية اللي زاد ريالين على النفر ونروح ناخذ وجبة من هارديز الي زاد 5 ريال وياليت لا تروح مطاعم الله يعينه المطعم الي بتروح فيه
شكلك مسوي تحقيق مع كل وجبة ؟!

الشيء الذي يجب اعلانه بكل تجرد
وجبات الرومانسية غالية جدا ويلاحظ ان كمية اللحم قليلة مقارنة بارتفاع السعر المستمر بداع وبدون داع , تنحرج اذا عزمت ثلاثة اشخاص او اكثر خوفا من قلة الطعام .

اذكر ان قريب لي قدم لأهله يوم عيد الفطر ذبيحة منهم ووجدوا اللحم جزء منه مثلج وجزء حار
وأقسم بالله العلي العظيم أنه ذهب اليهم وهددهم بشكوى البلدية وطالبوه بالتنازل بشرط ان يعوض نقودا وذبيحة أخرى لأهله وفعلا تم تعويضه .

مطاعم الرومانسية بوضعها الحالي تحتاج مراقبة أكثر من قبل في نوعية الوجبات وصحتها وطريقة تقديمها وكماقيل كثر الضغط يولد الانفجار

بالاضافة الى السعر المرتفع الذي اتفق عليه لوبي أصحاب مطاعم المثلوثة وأغلبهم من الجنسية اليمنية ، فإن التيوس المستخدمة هي باكستانية مبردة تباع بالوزن ويدعي أصحاب هذه المطاعم أنها محلية ..
وهذا كذب وغش وتدليس للمستهلك .

مساكين اصحاب المطعم قاموا يشتركون بالمنتدى ويدافعون عنه ؟؟؟؟؟؟؟؟؟؟؟؟؟؟؟؟؟؟؟؟؟
وانا اقول وشفيهم اصحاب المطاعم والملاحم رازين اللاب توب قدامهم عشان كذا
لاوحتى محلات ابو ريالين يتابعون صدق والله منتدى مقاطعه مسبب لهم الرعب