السلام عليكم ورحمة الله و بركاته


تنبيه: تحذير من خدمة Dsl شامل مع المودم (لا للاحتكار و الخداع)
انتبهو يا اخوان من ان تشتركو مع الاتصالات في خدمة Dsl شامل الكامل و التي تشمل المودم الخاص بالاتصالات، صراحه تراها نصبه كبييييييييييره و توني متوهق معاهم

توني مشترك مع الاتصالات في خدمة شامل لمنزلي الجديد (كنت في السابق مشترك مع Dsl شامل قبل الانتقال للمنزل الجديد)، لما كلمت على 907 و طلبت الخدمه سألني قال بما انك مشترك بسرعه عاليه ترى عندنا خدمه شامل الكامل الآن و التي تشمل المودم الخاص بالاتصالات و تركيبه مقابل 240 ريال.

قلت في نفسي مودم خاص بالاتصالات و ب 240 ريال مع التركيب، اكيد المودم بكون نوع جيد من احد الشركات المعروفه ، سألته قلت له طيب هل يعمل المودم مع شركات الانترنت الاخرى مثل اول نت و نسمى قال ايييييه طبعا ،
قلت زين نتوكل على الله!!!!!

المهم جاني بعد كم يوم مسؤل التركيب مع المودم(مودم صيني تحس انه رخيص و من شركه تعبانه لما تمسكه و من غبر اسم شركه عالميه، مكتوب عليه الاتصالات السعوديه ) قلت يالله ركبه (همانا شريناه خلاص) ، قعد يحوس عندي ساعتين و بعدين قال في مشكله عندك ارجع لك بعدين، رجع بعد يومين ثمن قال اسلاك البيت عندك فيها مشكله، المهم عرفت ان ماعنده ماعند جدتي وقلت له شكرا خلاص انا اسويها ، جبت فني من الحراج و ظبطها لي في ربع ساعه!!!!

المشكله موب هنا، المشكله ان زوجتي بغت تطردني انا و المودم من البيت بعد ما اشتغل ، البيت عندنا صارت ريحته مخيييييييسه!!!! المودم لما تشبكه في الكهرب لانه من النوع الصيني التعبان تطلع منه ريحة بلاستك محترق قويييييييييه ، كلمت الاتصالات قلت اخاف انه محترق، قالو لي لا عادي هو كذا ( شوي ويقول :البس كمامه وما حتشم شي ، أي خدمه اخرى ؟ شكرا لاتصالك بالاتصالات السعوديه ).

المهم حطيت المودم في غرفه منعزله عشان الريحه، قبل كم يوم خرب علي ال Adsl شامل كلمت الاتصالات قالو في مشكله حاليا و بنصلحها انشاء الله خلال يومين ، قلت زين ابجيب اشتراك اخر من مكتبة جرير لين مايصلحون الانترنت عندهم، جبت اشتراك اول نت وجيت ابرمجه في المودم!!!!! ما يتبرمج الاشتراك (الجهاز ما يقبل أي اشتراك اخر غير Dsl شامل من الاتصالات )، كلمت الاتصالات وسألتهم قالو لي لا المودم مايشتغل الا مع Dsl شامل!!!!!!!!!!!
قلت بس انا سائلكم قبل ما اشتريه!!!!!!! قلتو يشتغل ،قال لا يمكن الي قالك ماكان يعرف!!!!!!!

طيب يا اخي انا ما اخذته ببلاش، انا شاريه ب 240 ريال!!!! المفروض يشتغل ، لو اني داري كان شريت مودم من السوق افضل و بدون ريحه و من شركه معروفه و افضل في التغطيه الاسلكيه و..... و ........ و ....... !!!!!!!!

و الله حرام صدق انهم غشوني اغروني بمودم ارخص بـ 20 – 30 ريال (فرق ما يستاهل ابد) من السوق عشان تاخذ منهم مودم مايشتغل الامعهم و تتورط وياهم!!!!! على الاقل المفرض اذا بسون له اغلاق على خدمتهم المفروض يكون مجاني، او يكون مفتوح لجميع الاشتراكات الاخرى. بس هي شركه متعوده على الاحتكار و تبحث دائما عن الاحتكار.

و كل ما قلت لهم شي قالو ترى حنا حاطين برنامج الفاحص مجاني !!!! احلفوا!! على فكرة هذا البرنامج مثله موجود في معظم اجهزة المودم و احسن منه بعد، انا شايفه في ال نيتجير و السبيدتتش، تبون تبيعونه بعد !!! و على فكرة ما منه فايده اظاهر لو بشغله بقول حول 15 ريال للاتصالات اول

المهم يا اخوان احذروا ان تقعوا في غلطتي وتاخذو المودم من الاتصالات، يبيعونه عليك و يظمنون انك لاتستطيع ان تشترك مع شركه اخرى، انا ارفض الاحتكار و ارفض الخداع. شي يفشل صدق شركه بحجم الاتصالات و تضع اسمها على مودم بهذا الشكل!!

و اليوم اشوف الاتصالات قامت تعلن عن هذه الخدمه لجميع السرعات في الشوارع فكان علي التنبيه (طبعا لعبوا علينا الشهر الماضي و ما انباع عندهم – تورطو فيه- قالو يلا الحين نلعب على المشتركين في جميع السرعات الشهر هذا!!!! كود نورطهم فيه)

منقول

أنا مشترك في الdsl شامل بس المودم قلت لهم خلوه عندكم صوروا بجنبه للذكرى

وإشتريت مودم سبيد تتش والكلام هذا له حوالي السنة أو أكثر

حقيقة إتصال زبالة السرعة 256 لكن ماهي السرعة الحقيقية وخصوصا عند التحميل

تجد سرعة النقل من 15 إلى 20 كيلو بايت في الثانية وأحيانا تنخفض إلى 11 كيلو بايت في الثانية

أنا مشترك شامل بدون مودم
السرعة 1 ميقا وكأنها 512

نصابيين الله لا يوفقهم

خدمة شامل نصابه لا نختلف لكنها ممكن نقول انهم اهون شوي من البقية
مشتركة 4 ميقا اوقات يوصل التحميل 500 كيلو واوقات يقطع
وان كلمناهم يردون ان سوء الخدمة من اجهزة المودم حقتكم ! بدلوها بجهاز مودم الاتصالات
بدون جهازكم النت ردي أجل لو اخذنا جهازكم وش يصير

تصدقون اول مره ادري ان مودم الاتصالات شامل مايشتغل عليه اشتراكات ثانيه !!!

ونصيحة ابعدو عن شامل ,, لانه ضغط رهيب على الشركة مقدمة الخدمة

انا مشترك DSL من الاتصالات واشتراك اول نت اخذه من موقعهم على الانترنت

وممتاز جدآ لي اكثر من سبع سنوات وانا على هذا الوضع والحمد لله

اشتركنا بالشامل ولكـــــــــــــــــــــــــــــن السرعة بطيئة والاتصال يقطع


14 مليون مشترك معهم واذا فكرنا بعذيب او موبايلي قالوا ماتغطي

حراميـة وبس ؟؟ الكلمة هذي قليلة فيهم هههههه ..
انا استاجرت لي شقـة وطلـبت دي اس شامل بالمودم على ان يكون اتصالي 4 ميقـا .. ويوم جاء الفني يركب الدي اس ال قال ترى السرعـة 256 ؟ لان المقسم ما يدعم 4 ميقا .
قلت خويكم الدلخ ليه ما قال لي .والا بس تبون تسرقون الخلــق
المهم مسكته مع يده هو والمودم وطردته
قلت تضحكون علي انـتم ؟؟ ما بقى الا هي
واليوم الثاني رحت وفصلت التلفون
وقالوا لي لازم تسدد قيمـة المودم . قلت لا ياشيـخ ، المودم خذاه الفني وفلوس ماني بدافـع . ويـا انا او انتم اليوم . الزبـده انهم ما ينفع معهم الا العين الحمراء .
يازين موبايلي ، خاصتا اذا كان البرج قريب منك

بأختصار يااخواني الافاضل كله نصب في نصب حسبي الله عليهم

خفضت الاتصالات وهي ازين من موبايلي

والله انه مافيه احسن من الكونكت سرعة تمام 7,2 ميقا ولا احلى منها

احس اللي ماعنده كونكت ماعنده انترنت