بسم الله الرحمن الرحيم

السلام عليكم ورحمه الله وبركاته ... وبعد

قصتي طويله مع التأمين وطرفها الثاني شيخ المعارض

(تم تعديل الموضوع واضافه الردود من الصفحات وجمعها في بدايه الصفحه )

اولا الحمدلله على كل شي
انا تعرضت لحادث الله يبعد عنا الشر وعنكم اجمعين
كنت في شارع رئيسي والطرف الثاني قادم من شارع فرعي
نجم لتخطيط الحوادث قال الطرف الثاني عليه الخطأ 100%
الان سيارتي مع الصدمه من الجنب ضرب الكفر اليسار في الرصيف فصار تلف ودمار
من الجهتين من مقصات وجنبيات واذرعه وغيرها

شركه نجم ارسلتني لورشه معينه فيها مختص فني تابع لشركه نجم وقدر الصدمه حوالي 3000 ريال
وكتب لي اسماء القطع التالفه وتسعيرها من الوكاله
رحت سعرت القطع وطلع سعرها 8600 ريال
قدمت اوراقي لنجم مع التسعيره
وطلع المجموع 11752 ريال
وهذا هو التقرير

ارسلوني للتأمين والتأمين طلب مني معاينه السياره وتصويرها
احضرت السياره بسطحه وعلما ان هذه هي المره الثالثه احمل السياره بسطحه
وبعد تصويرها ومعاينتها من قبلهم مع انه يوجد سي دي في صور من شركه نجم
وقالو لي راجعنا بعد كم يوم واتصل على الرقم المجاني لمتابعه المعامله
المهم راجعتهم وتفاجأت انهم قالو لي لازم ترسلها لشيخ المعارض يعين قيمه السياره
علما انها موديل 2008 كيف اوديها شيخ المعارض
وبعدين هو ماراح يشوف القطع التالفه اللي داخل هو بس راح يشوف اللي في الخارج
المهم وبعد مشاورات قررت اني اوديها له مع اني مش مقتنع
وديتها له وعاينها وقلت له هذه تسعيره القطع بغض النظر عن تسعيره الصدمه
قال لي انا مالي شغل بالقطع انا اسوم السياره بس
قلت له خير
المهم بعد ماكتب الاوراق والفواتير وحطها في ظرف سألته وقلت له كم سعرتها
قال لي فقط 4000 ريال
قلت له ليش قال هذه تسعيرتي
يعني طيح ونزل 8000 ريال عن تصليحها الاصلي اللي يكلف 11752 ريال
المهم انا ماقدمت اوراق شيخ المعارض للتأمين على طول رحت وقدمت شكوى ضدهم عند مؤسسه النقد العربي السعودي
والحمدلله اني عن طريق الصدفه اخذت نسخه من الاواق كله
قبل تسليمها للتأمين لتفادي اي خطأ
والحمدلله استفدت منهم في تقديم الشكوى لأن التأمين
رفض يرجع لي الاوراق اللي سلمتهم اياها مع السي دي
المهم بعد ماقدمت الشكوى لمؤسسه النقد العربي السعودي
وقالو لي هل هم عطوك ورقه تفيد بسبب الرفض
قلت لا
فقط قالو لي ودها شيخ المعارض
المهم صار الحين شهرين على السالفه
يوم كنت اشتكي
وقالو لي احنا جالسين نخاطب الشركه التعاونيه للتأمين
ونعطيك خبر بعد 22 يوم واذا ماوصل قرار راح يكون بعد 10 ايام او اكثر
والحين انا لي 3 شهور متعطل بدون سياره
واعمالي واشغالي كلها طارت
ولا حسيب ولا رقيب على هذه المماطله من شركه التأمين

السؤال يقول
هل سوف استلم حقي كامل من التأمين ام استلمه ناقص كما سعرها شيخ المعارض
هل ستقف مؤسسه النقد معي ام ضدي في القرار

وإلى من سأشتكي او إلى متى سوف انتظر

لاحول ولا قوه إلا بالله
__________________________

طبعا اليوم 26\7\2009 هو كان الموعد مع مؤسسه النقد انه يوصلني القرار
بس للأسف الموظف المطلوب اني اكلمه مش متواجد
مع اني كنت سهران وانتظرت لين الساعه 9 الصباح
الله يعين بس بنتظر بكره الصباح على الله يكون مدوام ويعطيني القرار
هل هو ضدي او معي ابي بس اعرف القرار مليت الانتظار
الحين ثلاث شهور بدون سياره وبدون عمل
______

بدأ مسلسل مماطلات مؤسسه النقد العربي السعودي
والمسؤول عن الشكوى لا يتواجد ولا يرد على السماعه

وبعد اتصالي للمدير يحولني على اشخاص وكل شخص يحولني لشخص
وكل يوم يعطوني تاريخ وموعد
إلى متى ,,,, الله المستعان والشكوى لله
___________

واخيرا بعد طول انتظار
تاريخ 7\9\2009
احس اني قطعت نص المشوار
بالامس اتصلت فيني مؤسسه النقد تطلب مني الحظور لاستلام ورقه موعد
وبموجب هذه الورقه اكون حاضر على اجتماع في نفس المقر في النقد
ستكون هنالك لجنه وحكم بيني وبين التعاونيه للتأمين
لدي كل الادله والاوراق وانا مستعد للمواجهه والحكم
بعد شهر من الان
مع اني اشك انها راح تكون ضدي
واشك ان الطرف الثاني (التعاونيه للتأمين ) راح يحظر الجلسه اتوقع انه راح يخلف الموعد
وراح تكون جلسات وجلسات إلى ماله نهايه
بس المشكله طالت كثير
واتوقع راح انتظر اكثر واكثر
وسيارتي متعطله وواقفه عند البيت
ولا حسيب ولا رقيب
مين المسؤول عند تعطل السياره اكثر من 4 شهور
وكيف راح اطالب تعويض بهذا الشي
وسلامتكم
واي شي جديد راح يكون مكتوب هنا
والله اكتب الموضوع من القهر

______

وصلني هذا التقرير من مؤسسه النقد منذ فتره
لكن كنت مشغول ولم استطع رفعه لكم
18\9\2009
هذه صوره من التقرير

وهذا هو النص اذا لم يكن واضح

بسم الله الرحمن الرحيم
الأمانه العامه للجان الفصل في المنازعات والمخالفات التأمينيه
المركز الرئيسي

تبليغ بموعد جلسه
المكرم : ؟؟؟؟؟؟؟؟؟؟؟؟؟؟
استناذا إلى قرار مجلس الوزراء رقم 105 وتاريخ 21\03\1428هـ والقاضي بتشكيل اللجنه المنصوص عليها في الماده 20 من نظام مراقبه شركات التأمين التعاوني الصادر بالمرسوم الملكي رقم 23م وتاريخ 2\6\1424هــ فقد ورد للأمانه العامه للجان الفصل في المنازعات والمخالفات التأمينيه الدعوى المرفوعه منكم ضد شركه التعاونيه للتأمين , وسجلت لدى الأمانه العامه للجان برقم 300851 وتحدد لنظرها جلسه يوم ؟؟؟؟؟؟؟؟؟؟؟؟؟؟ الموافق ؟؟؟؟؟؟؟؟؟؟ الساعه 2م وذلك في برج ؟؟؟؟؟؟؟؟ الواقع على طريق ؟؟؟؟؟؟؟؟؟؟؟؟؟؟؟؟؟؟ لذا يتعين حضوركم قبل موعد الجلسه ينصف ساعه على الاقل في الوقت والمكان المحددين أعلاه وفي حاله توكيل الغير يلزم إحضار وكاله شرعيه تنص على حق التقاضي والمرافعه والمدافعه كما نأمل ان يتم تأييدنا بإستلامكم للتبليغ على الفاكس رقم ؟؟؟؟؟؟؟؟؟؟؟؟؟؟؟؟؟ وللاستفسار يمكنكم الاتصال على الرقم ؟؟؟؟؟؟؟؟؟؟؟؟؟؟؟؟؟؟؟؟

وتقبلو تحياتي

____________

تاريخ 6\10\2009
بعد انقطاع عن الموضوع رجعت لكم من جديد
بالامس كنت مع موعد مع جلسه في مؤسسه النقد
وكنت بإنتظار النتائج واصدار الحكم

للأسف وبشده خصمي شركه التعاونيه للتأمين لم يحضر
والقاضي اخذ اقوالي ومتطلباتي لشركه التأمين

وعدني بجلسه اخرى ان لم يحظر سيصدر الحكم بوجوده او بدون
وكما قال لي السكرتير لربما نجبره على الحضور وسنرسل له عسكري يحضره للنقد

هذه صوره من الموعد الجديد

دعواتكم يا مسلمين

______

25\10\2009

انتهت جلستي الثانيه
وقد حضر المدعي عليه في الجلسه وكان رده ان المبلغ مبالغ فيه
وعرض علي دفع مبلغ 5000 ريال فرفضت ذلك بحكم ان المبلغ لايغطي تصليح السياره
انتهت الجلسه والقرار اللي راح تتخده مؤسسه النقد راح يكون بعد 3 اسابيع من الان

انا اقول اذا التأمين متعلق على قراره انه راح يدفع 5000 اكيد النقد ماراح يقدر يسوي شي
هذا رأيي انا
والتماطل ووقوف السياره وتعطلي عن اعمالي احس كل شي خرابيط
يعني انا راح اصلح السياره من جيبي وفكره مؤسسه النقد شي ماله داعي
حسبي الله عليهم

____

يوم الثلاثاء 12\11\2009 تلقيت مكالمه هاتفيه من مؤسسه النقد لفك النزاعات التأمينيه المخالفه
بصدور قرار المؤسسه بحق القضيه المشار إليها
وتم ابلاغي بإستلام الخطاب بأقرب فرصه

_______

12\11\2009

بالامس استلمت خطاب مؤسسه النقد الصادر عن المدعي عليها شركه التعاونيه للتأمين وكان القرار كالأتي:

ملخص القرار

هو ان تسعيره شيخ المعارض غير مقبوله من مؤسسه النقد
التعاونيه للتأمين تطالب إعتماد تقديرات شيخ المعارض الذي قدر الأضرار اللي لحقت بمركبتي بمبلغ 4000 ريال
فترى اللجنه ان هذا الدفع مردود عليه وذلك لأن تكاليف الاضرار التي لحقت بالسياره معتمده من قبل ورش فنيه محايده تم اختيارها من قبل شركه نجم لإعتماد قيمه التلفيات كما ان الاحاله لشيخ المعارض لايمكن الركون إليه إلا في حاله اعتبار السياره تعرضت لتلف تام

فكان القرار إلزام الشركه بدفع كامل المبلغ في حين لم يبد وكيل المدعي عليه القناعه فأفهمته اللجنه بأن له حق التظلم أمام ديوان المظالم خلال ستين يوم من تاريخ العلم بالقرار
وصلى الله على نبينا محمد وعلى أله وصحبه اجمعين

انا اتوقع الشركه ماراح تدفع وراح ترفع دعوى في ديوان المظالم وراح تطول المسأله اكثر
طبعا انا ماراح احظر في ديوان المظالم لأن الشكوى اصلا مرفوعه ضد النقد بسبب إلزامهم التعاونيه دفع الملبغ كامل لي
وسيتم حضور اللجنه في الديوان وبإمكاني متابعه الجلسات عن طريق الهاتف

سأوافيكم بالاحداث نقطه نقطه
انتظروني

______

8 شهور من الانتظار وبلا نتيجه

الله المستعان

انتهت المهله المحدده من مؤسسه النقد العربي
وهي ستون يوما 60 من إلزام التعاونيه للتأمين الحرام بالدفع ولم احصل على جواب لحد الان
لا من المؤسسه ولا من التأمين وكل ما اتصل تماطل من الجهتين
لا حول ولا قوه إلا بالله
_______


اليوم 8\3\2010 قدمت خطاب للأماره
وقالو لي راح يفيدوني خلال عشر ايام

بإنتظار الرد وان الله مع الصابرين

الله يعوضك و يعينك ويفكك من شرهم وتاخذ حقك كاملآ بأذن الله .
و3 شهور تاخير وتعطيل .
وشركات التامين تلعب وتستهر بالمواطن
والدليل ..كلامهم: روح لشيخ المعارض
ليه يروح لشيخ المعارض وشركات التامين كبيره وفيها مهندسين يستطيعون تقدير الحادث

الله يخلف عليك ....
يعني ما تقدر تشتكيهم إلا على مؤسسة النقد ! والداخليه مالها خص بهم "المرور"؟

المشاركة الأصلية كتبت بواسطة خالد 1

الله يعوضك و يعينك ويفكك من شرهم وتاخذ حقك كاملآ بأذن الله .
و3 شهور تاخير وتعطيل .
وشركات التامين تلعب وتستهر بالمواطن
والدليل ..كلامهم: روح لشيخ المعارض
ليه يروح لشيخ المعارض وشركات التامين كبيره وفيها مهندسين يستطيعون تقدير الحادث

الله يعوض على الجميع
والله انا حاسس من البدايه و3 شهور قليل اكيد راح تتطور وتصير 6 شهور
والتلاعب من شركات التأمين ما شفنا له حل لحد الان وشيخ المعارض سلاحهم في تخفيض السعر
وشاكر لك مرورك

المشاركة الأصلية كتبت بواسطة جمرة غضا

الله يخلف عليك ....
يعني ما تقدر تشتكيهم إلا على مؤسسة النقد ! والداخليه مالها خص بهم "المرور"؟

الله يخلف على الجميع
انا ماني ساكت لهم
ومؤسسه النقد هذه البدايه بس
اذا ما اخذت حقي من مؤسسه النقد راح اقدم اوراقي لديوان المظالم
وبعدها في الف مكان ومكان
والمرور خلاص غاسل يده من الحوادث ماله اي دخل نجم هو بس المسؤول
ويعطيك العافيه على المرور

الله يعينك اخوي

والله باين ان شركة التأمين اي كلام حسبي الله عليهم

ومدري ليه طلبوا شيخ المعارض وليه شيخ المعارض قدرها كذا

اذكر قبل 8 سنوات تقريبا
صدم الوالد على سيارته المهم الغلط على الطرف الثاني 100%
طبعاً الثاني جاب تأمينه على التعاونيه
المهم توليت انا المهمه بحكم تعب الوالد عن المراجعه والمشاوير

فمريت المرور وشاف السياره قال ذي قويه روح شيخ المعارض
شلت السياره على سطحه وتوكلنا على الله
طبعا شيخ المعارض شاف السياره ونزل تحتها وشاف كل القطع الميكانيكيه وكل شئ
سامها ب30 الف والسليمه منها تسوى 43 الف تقريبا
طبعا هذا كله بظرف ومختوم ومسكر
طلعت من عنده وانا الى الان ما ادري وش مكتوب لاننا قلنا الحمدلله على السلامه وهذا الاهم والعوض من الله

رحت للمرور فتح الاوراق وراني كل شئ زي ماكتبت لكم
قال الان المبلغ اللي تبي تاخذه هو الفرق بين سعرها نظيفه وبين سعرها الان
قلت يعني كم
قال 13 الف ويعطني ورقه للتأمين
ورحت للتأمين وطلبوا مني فقط وصف للحادث وتقرير المرور وبس حتى اني خليت السياره بدون تصليح احتياطاً بالرغم من ان المرور قالي عادي تقدر تصلحها اذا عندك امكانيه وحقك مضمون ان شاء الله

وفعلا اسبوعين وانا مستلم الشيك
علما بأن التصليح كلف 8000 ريال وقطع اصلي لكن فعلا السياره ماهي مثل الاول وانا اشوف ان الانسب هو دفع الفرق واللي يبي يبيع بهالقيمه يقدر يستفيد من الفرق ويعوضها بسياره ثانيه نظيفه
لكن الغريبه اذا فعلا شيخ المعارض كان هذا رده واذا انت تشوف انها ظلمها حسبي الله عليه

على فكره انا ذهبت لشيخ المعارض بالنسيم لقربه اولا من السكن وبعد صاحب السطحه يقول انه افضل من البقيه ويقدر بدون ظلم

حاول تواصل بشكواك والله يعينك لان شركات التأمين عندنا انواع اللعب وصاروا الناس يدورون الرخيص ومايفكرون بأنهم يغلطون على الناس والتأمين يتحملها لكنه بعد ماينشف ريق صاحب السياره اللي ماله ذنب بس عشان يوفرون فتلقاه يسترخص ويبهذل خصمه اللي ماله ذنب
واذا كانت السياره مؤجره وعليها تأمين سلمها للوكاله وهي تعرف كيف تاخذ حقها واشتر راحة بالك لو يصلحونها ب1000 ريال وياكلون 3000 ريال بس اهم شئ تشتري راحتك
والله يعينك

ملاحظه اخيره
ارفع شكوى لمدير المرور لان له سلطه عليهم فهو قادر على عدم الاعتراف بهم اذا كانت مشاكله كثيره ولا يخلص الناس
وبكذا تلقى الشركه راح تحرص على خدمة الناس عشان ماتتعطل مصالحها

وبالتوفيق يارب

اخوي مقاطع بقووووه
يعطيك العافيه على الرد
شكلنا ماراح نخلص من ظلم شركات التأمين ومافي من يوقف مماطلاتهم وتلاعبهم علينا
اخوي الله عوضك بالسياره واستلمت حقك وزياده لكن انا بستلمه ناقص وهذا غير المكانيكي قال لي اذا فتحنا السياره وصلحناها يمكن نشوف داخل قطع ثانيه متظرره ويمكن يكون العكس والهوبات والبريكات وغيرها
وهي طبعا مش مسجله ضمن التعويض
طبعا زي ماقلت لك المرور ماله اي علاقه بالحوادث المسؤول الحين هو نجم
وهو الي يخطط ويخلص الاوراق ويرسلك للتأمين مباشره
ويحدد اذا كانت صليح وكاله او ورشه او تسعيره ثلاث ورش او شيخ المعارض اللي مايفم شي في عالم السيارات
طبعا نجم حدد لي ورشه وحده بس وفني مختص من نجم يسعر السياره
وشيخ المعارض المفروض ماله اي علاقه بالموضوع لأن السياره مش قديمه
ومو على كيفه يطيح قيمه السياره كذا
والي قاهرني اني وريته اوراق الوكاله وقيمه القطع الغيار وقال لي انا ماتهمني هذه الاوراق
انا متأكد انه ياخذ نصيبه من التأمينات ويدفونه بكم ريال لأنه يساعدهم شوي بتكسير قيمه التسعيره
الله يعين بس مالنا نشتكي غير الله
واذا مؤسسه النقد مانفعت مالنا غير ديوان المظالم واذا مانفع اخلي السياره واقفه او امسك بنزين واحرقها من القهر

شوف اشكي الجميع بداية من شيخ المعارض لانه نفسه مايعرف قيمة قطع الغيار

تلاقيه **** من زمان ماغير0000000000000 فكره

ههههههههههه
والله ياخوي بطران ضحكتني
والله ابتلينا بهذه الاشكال
وكل واحد يقول انا شيخ وهو ****
شكله متخرج من جامعه **** ***

اشوفكم قلبتوا على *** البطران متأكد أنه *** ولا رميت الكلمة تنفيس عن روحك
ali3llawi *** متخرج من جامعة الصحراء قسم الكفاح والصبر والرجوله
وإن صار لكم مشكله طالبوا بحقكم لكن ياليت ما تغلطون على أحد