مخالفات على المرور نفسه ..... ( اخر خمس سنوات )


غير اللوحه ....... جدد اللوحة ( في اقل من خمس سنوات )

مع العلم ان اللوحات القديمه افضل وانظر
بس على راحتكم ..... وقلنا ماااااااااااشي


شل الصفر على اليمين .... حط الصفر
قلناااااااااا مااااااااشي ياباشا ( اخر شي ماقمت اعرف لوحات ديرتي من كثر ماهي تتجدد ) ... وين وصل اخر اصدار





بدل الاستمارة ......... صغر الاستمارة ... وحد الاستمارة ..!!! قلنا شي جيد وفيه تطور
بس عاد تحطون اسمتارتين ( شهادتين ) لسيارة وحده ( افشل قرار صراحه *) بس زين استدركوا بداية العام ووحدوا الاستمارة .... كان من الاول ياسعادة المدير


ارفع رسوم الرخصة ...... بعذر عشر سنين ... بزيادة ذكية بالمبلغ

قلنااااااااااااااا ماااااااااااااااااااااشي كله يصب في صندوق الدوله .. وكلنا فداء الدولة



للمسرع : احبس السائق واحجز سيارته ..... وادفع قيمة الونش !!!! ( وليش ماتدفعونه انتم )

قلناااااااااااااا مااااااااااشي يامرور .. من اجل مصلحة نفس المواطن !!! والحفاظ عليها
طيب كان اكتفيتم بحجز السيارة وخليتم الرجال يمشي على رجليه عشان يتعلم ويحس ولا تعطلون اشغال المسلمين


ماعلينا ...

وودنا مانظلم المرور ونذكر بعض حسناته الغير مقصوده طبعا وهي شركات التأمين
طبعا بعد لاباس به من المواطنيين الضحايا لبعض شركات التأمين الوهميه التي اخذت اموال الناس بالباطل وسكرواااااااا مكاتبهم .....

ياحضرة المرور معي تامين من الشركة الفلانية
المرور: لا خلاص خبرك قديم .. الغيت هالشركة @@@!!!!
والحل : ؟؟؟
رح دورهم .... ( تعوض الله وادفع للرجال تصليح سيارته ) وإلا ............ الحبس

قلنااااااااااا ماااااااااااااااشي دام طلع ثلاث شركات جيدة من عشرين شركة مسترزقه ( ام طقه ) العوض ولا القطيعه .. يرجع لمصلة المواطن


بس عاد يامدير المرور تجيب العيد اللي مايرضاه احد
وتقوووووووم وتدبلون المخالفة للي مايسدد في اقل من شهر

هذه صراااااااااااااحه مايرضاااااااااااه احد لامسلم ولا نصراني ولا يهودي حتى

بأي حق تدبل علي المخالفة ؟؟؟؟؟؟؟؟؟؟؟
يعني مخالفتي مية ريال ... والشهر الجاي تصير 200

ليــــــــــــــه ... مروور ربوي ؟؟؟؟؟؟
وإلا قل فلووووس عندكم ؟

اشوف المرور اكبر مستفيد من المواطن ( على قلة سنع )


وين المشايخ ... وين العلماء حقين الافتاءءء عن هالرباء الذي بغير وجه حق



السؤال المهم هو

هل ياترى المرور سيستمر في تعنته وتدبيل المخالفة على المواطن الضعيف
ام كانت القشة التي كسرت ظهرالبعير ؟ وزال الخطر


ونفتك من هالحيل المالية المرورية ؟




دعاء بهذا اليوم المبروووك الجمعه

ياحي ياقيوووم ياحنان يامنان تفكناا من تدبيل المخالفة حتى لايدخل على مرورنا العزيز مال حراااااااااام



مخرج 16

،،،،،،،،،،،،،،،،،، على جنب ياراعي الكامري ،،،،،،،،،،،،،،،،،،،
@ رخصة واستمارة لو سمحت



،،،،،،
! سم


،،،
@ ليش مسرع تمشي 121
@ ليش مغيم ؟
@ ليش مغبر السيارة ؟ مسافر ؟ وإلا تبي تغير ملامحها ؟ اعترف ؟
@ ليش ماجددت الاستمارة ؟

@ تبي قسيمة وإلا اوديك الحجز

!! لا تكفااااااااا ابي الحجز ا ولاتعطيني قسيمة لانه راح تتضاعف علي وانا اموري على قدي يادوبك ادفع اجار الشقة واقساط السيارة وفواتير الكهرب والهاتف والتأمين ...الخ


(خيارين ... احلاهما مرووووو)

لحظه بعدل البنطلوووون مممممممم تدري شلون

@خلاص ابي ارحمك واحجزك ولاتعودهاااااا وشيل التغييمة والتغبيرة

! الحمدلله .... الحمدلله

! يعيش المرور يعيش يعيش المروووووووور في قلــــوبنـــــــــــا




،،،،،،،،،،،
،،،،،،،
( خاص لمنتدى مقاطعه )
،،،،،
،،،
،،
،

كلها مهزلة في مهزلة

قرارات ارتجالية غير مدروسة ابداً

وكل واحد يغير يبي يثبت روحه وينزل له كم قرار ..

تدري المرور مثل وزارة التربية ... بالسرقه خذ ابطال واسود ..

قرارات نافعه لمصلحة المواطن ..لا .. او إعطاء الحقوق .. لا

وحقك ضائع وليس لك مقابل ولا تعرف من تطالب ؟

المشكله وش هي يبون يسيطرون على سياقه الشعب ما عرفو كيف فقامو ينزلون قرارات ارتجاليه وغير مدروسه والمبرر الوحيد لتدبيل المخالفه يقولون لكل مخالفه حد ادنى وحد اقصى اذا ماسددتها خلال شهر توصل للحد الاقصى واذا سدتها في اقل من الشهر تسدد الحد الادنى

سلم قلمك يا مقاطع من الجيبل
الله يصلح حال مرورنا ... هوالمواطن ناقص يتنتف حتى يرابون بالمخالفات
يكفي الغلا اللي ذابحنا

تسلم .. مقاطع من الجبيل
وقرار يدل على المهزله والفوضى اللي عايش فيها المرور .....

وين المشايخ ... وين العلماء حقين الافتاءءء عن هالرباء الذي بغير وجه حق

حـــــــــــــــــــــــــــــــــرام في حــــــــــــــــــــــــرام الاموال الــتي يأخذها المــــرور
من المـــــــواطن لــماذا هذا التدبيل للاموال المتعمد من المرور انا عطوني مخالفة
سرعة وكانت السرعه 125 وما نزلت في الحاسب الا بعد شهر ونصف وكانت مدبوله
الى 300ريال وللعلم اني قد سددت مخالفه قبلها سرعه قيمتها900ريال بعد التدبيل
ســــؤال لمدير المرور المحترم هل تحولت ادارة المــرور من ادارة تخدم المــواطن
الى بــنك ربوي هم الوحيد تحصيل المال الحــــــــرام؟

هدهد
مجوووود


تسلموووووووون على الاضافه وماقول الا الله يعين

المشاركة الأصلية كتبت بواسطة جمرة غضا

سلم قلمك يا مقاطع من الجيبل
الله يصلح حال مرورنا ... هوالمواطن ناقص يتنتف حتى يرابون بالمخالفات
يكفي الغلا اللي ذابحنا

ومن قال سالم يالعميدة

اللهم امين الله يصلحه

على قولتك هو ناقص تنتيف؟


مممممممممممم

مشكوووره على اضافة الكركتير اللي اضاف للموضوع نقطه مضيئة

https://www.mqataa.co/vb/showthread.php?t=17166

سعادة اللواء : المرور تركتك ثقيلة! فقد تفنن سلفك في اضطهادنا !! هل تنصفنا انت ؟؟
نتمني لسعادة اللواء التوفيق والانصاف في مهمته وان يجعل الله علي يديه خيرا للمواطن فالمرور جهاز حساس وخطير ويحتك بحياة المواطن وتحركاته اليومية .
كان الله في عون من يكلف بالمسئولية والمناصب الكبري فمن لا يعمل لا يخطئ هذه قاعدة وسنة في الحياة المشكلة اذا اخطا المسئول ولم يعلم او يعلمه احد انه اخطا !! ما اسهل ان يرفع المظلوم يده الي السماء فيدعو علي من ظلمه وما اخطرها من دعوة ليس بينها وبين الله عز وجل حجاب بل تعهد المولي عز وجل بالنصرة والايجاب ولو بعد حين ..العاقل من يفتح قلبه وباب مكتبه ويتواضع ويتجاوب مع شكاوي ومظالم الناس فهذا هو السبيل الوحيد لمعرفة الخطا والتراجع عنه بشجاعة ورجولة وبالتالي تجنب دعاوي المظلومين . القرارات العجيبة التي الزم بها المدير السابق البشر وتدخل فيما لا يحق له من حرية تصرف الانسان فيما يملك ومنع صاحب ومالك السيارة ان يوكل من يشاء بقيادة سيارته المؤمنة المجددة المفحوصة بل وتمادي وتجبر علينا ومنع توكيل الابن لسائق ابيه وتوكيل الاب لسائق ابنه والاخ لسائق اخيه الخ.... وهذا اعتداء علي حرية تصرف الانسان فيما يملكه بحر ماله !!!.. وتمادي اكثر وتدخل في عمل كتابة العدل ومنع الكتاب من ذكر التوكيل بقيادة السيارة في الوكالات الشرعية حتي وان كان للقيادة خارج المملكة !!!! سعادته ظن ان سلطان ادارته يمتد خارج الحدود .... نرجو من سعادة اللواء المدير القادم بعد ان ندعو له بالسداد والتوفيق وان يجنبه الله ظلم العباد فالظلم ظلمات يوم الحساب نرجو سعادته ونطالبه مايلي :
1- الالتزام بتوجيهات مليكنا الحبيب الغالي بالتيسير علي المواطنين ومكرمته بتخفيض العديد من الرسوم الا ان سلفكم شذ عن ذلك ورفع رسوم رخصة ال5 سنوات من 75 ريال الي 400 ريال لعشر سنوات اي زادت القيمه 350% تقريبا !!!!.....
2- اعادة النظر في شروط التوكيل بقيادة السيارة فهذه حرية شخصية ان اوكل من اشاء طالما لديه رخصة سارية وطالما كانت سيارتي مؤمنة ومجددة ومفحوصة والتدخل فيها تعدي علي حق الانسان بالتصرف فيما يملكه بحر ماله ..
3- التاكيد والالزام لرجال المرور بالتعامل المحترم اللائق الجيد مع المواطن وتدريبهم ورفع مستواهم .
4- الزام بعض الظباط بالتعامل اللائق وعدم العجرفة والعنجهية مع المراجعين وقد رايت بعيني نماذج عجيبة فمدير مرور المعارض باحدي المدن الرئيسية حرم الابتسامة علي نفسه ودائما احد جوالاته الاربعة بيده مشغول عن المراجعين هذا ان تواجد اصلا في مكتبه !!!..
5- الغاء قرار مضاعفة المخالفات فكم من شاب او رجل تحسبه غنيا قادرا من تعففه والله اعلم بحاله وماعنده من هموم ومصائب والتزامات ولا ينقصه مضاعفة المخالفات . علما بان الكثير من المخالفات فيه ظلم وتعنت وجبروت من افراد المرور .
6- ظوابط صارمة للمخالفات وعقاب شديد لمن يتكرر منه الخطا في تسجيل مخالفات او يثبت تعنته وسوء استغلاله لوظيفته .


سعادة المدير اعترف بانني احد من دعوا الله وبصحن الكعبة علي العديد من رجالك ممن رايته بام عيني يظلم غيري .. احذر احذرررر دعاء المظلوم ........