سعر نصف دجاجة شواية بـ 10 ريال <---------- المطاعم الأخرى بـ 12

نصف دجاجة على الفحم بـ 11 ريال <---------- المطاعم الآخرى بـ 13



الحمد لله

وين موقعهم يا أبو غلا ؟
مطعم يرجع أسعاره الآن .... تعرف أنه مارفع السعر إلا منحد و كان يواجه أزمة الغلاء .... لأن بعضهم رفع السعر كثير كي يحقق أرباح أكثر ...
صدق يستحق الدعم

مشكور اخوي
لكن مشكله الرياض كبيره وصعب انك تروح لاي مطعم اذا هو خارج نطاق التغطيه

ومع الزحــــــــــــــــام في الريــــــــــــــــــاض اللـــــــــــــــــــــــــــــــــه يعين

وين مكانه هالمطعم ؟؟

طريق الحجاز القديم ( حي اليمامة )
شارع الابراج ( البديعة )
طريق ديراب ( الشفا )

هذي الفروع اللي اعرفها , واذا رحت للمطعم ان شاء الله راح اسأل عن باقي الفروع
مع اني سألت الموظف قلت له كل الفروع نزلت الاسعار
قال نعم

ولكني نسيت اسأل عن بقية الفروع

الفرع الرابع في الثمامة

يعني اللي بيطلع يتمشى هناك لازم يمر عليهم

اللي قريب منه أي فرع من هذه الفروع لازم يشتري منه عشان بقية المطاعم تنزل الاسعار

أمس رحت لمطعم سمرقندي فرع الشفا ,,,

وجدت اثنين من الشباب السعوديين على الكاشير يبدو أنهم أصحاب الحلال .
وقبل ما أطلب دخل شايب ومعه السواق الهندي
ويقول للكاشير انت غلطان في الحساب !!
حاول يقنعه والشايب ما اقتنع ,,, في الأخير قاله الكاشير كم باقي لك يا عم ؟
قال 6 ريال ,,,, قام الكاشير واعطاه 6 ريال وقال معليش احنا غلطانين .
بعدها إلتفت للكاشير الثاني وهو يقوله أنا متأكد من حسابي والسواق غلطان
دخلت معهم في السالفة وقلت جزاك الله خير الله يعوض عليك .
قال : ترى عشان الشايب وجيته تسوى شي كثير .
قلت له : أنا بقولك قصة قديمة يقولونها الأولين يقولون :

مره واحد حط أمانه عند صاحب محل في السوق وقال احفظ هذي الأمانه لين أرجع من السفر ,
وبعد سنة رجع للسوق وراح لمحل ثاني غير اللي حط عنده الأمانه , وقاله رد لي الأمانه
قال البايع : وش هي الأمانه , قاله كيس فيه 100 درهم .

قام البايع وطلع له كيس فيه 100 درهم واعطاه اياه
( مع العلم ان البايع ما اخذ منه الامانه ولكن صاحب الامانه نسي المحل )

وبعد ما طلع صاحب الأمانه من المحل مر على المحل اللي حط عنده الأمانه وتذكر
وقام طلب من صاحب المحل الامانه وردها له .

ثم رجع لصاحب المحل الأول واعتذر منه وقاله انه نسي وتشابهة عليه المحلات
ولكنه سأل : طالما انا ما اعطيتك شي ليه تعطيني 100 درهم وبكل سهولة !!
قال البايع : انا هنا في السوق وراس مالي أمانتي ولو سمع الناس اني رفضت أعطيك الأمانة
راح أخسر ثقة الناس فيني , وانا اشتريت سمعتي ب 100 درهم .

فهمتوا شي ؟
أتمنى ذلك , طبعا القصة قصيرة ولكن كتابتها تبدو كأنها طويلة

طبعا الوقت كان بعد صلاة العصر والمطعم فاضي
وقلت للكاشير ترى سويت لك دعاية مجانية على الانترنت لأنكم خفضتوا الأسعار
قالي في أي موقع قلت له في منتدى مقاطعة
واحد عرفه والثاني قال اكتب لي اسم الموقع .

قالي في أي موقع قلت له في منتدى مقاطعة
واحد عرفه والثاني قال اكتب لي اسم الموقع .

فيه اقتراح قديم لأحد الأخوان كودك تذكّر الإدارة بوه ...
بودنا أن نمنح شهاده شكر لكل منشأة سواء مطعم محل مستوصف .... يحافظ على سعره أويكون سعره معقول
شهادة بإسم المنتدى والأكيد ان المحل سيضعها عند الكاشير ترى منها دعاية لنا .. واثبات لوجودنا ولف أكبر عدد من المستهلكين حولنا

سلمت والف عافية ونتمنى من المطاعم ان تحذوا حذوا هذا المطعم وانا متأكد بأن المطعم النظيف الذي يخفض السعر سوف يكون من الرابحين وهذا المهم ربح التجار هو كثرة الزبائن من المواطنين . وشكرا

المشاركة الأصلية كتبت بواسطة جمرة غضا

فيه اقتراح قديم لأحد الأخوان كودك تذكّر الإدارة بوه ...
بودنا أن نمنح شهاده شكر لكل منشأة سواء مطعم محل مستوصف .... يحافظ على سعره أويكون سعره معقول
شهادة بإسم المنتدى والأكيد ان المحل سيضعها عند الكاشير ترى منها دعاية لنا .. واثبات لوجودنا ولف أكبر عدد من المستهلكين حولنا

ان شاء الله