((هذا رد لواحد من الاعضاء في احد المنتديات الله يجزاه خير واعجبني رده قلت بنقله هنا




انت الله يهديك كأنك تقول الحمله انها فشلت او تحاول تهبط من معنويات من يدمعها


اخوي عبداللطيف جميل او غيره من الوكلاء يعاني من ازمه ماليه وخسائر بسبب الخسائر الفادحه خلنا نسميها , للشركات الام وهالشى عكس بشكل كبير على الوكلاء اللي عندنا او عند غيرهم بالعالم ...الكساد اللي يواجه العالم يواجه كل القطاعات وكل مكان بالعالم ولاتعتقد ان اي شركه بتحقق ارباح في هالروف اللي يعيشها العالم سواء بقطاع السيارات او الصناعه بشكل عام..


نحن يكفينا مقاطعه 50% من الشعب فقط ولو اني متأكد انهم اكثر من هالرقم بكثير بس الـ50% قادره لتحويل سياسات الوكلاء 180 درجه بس المسأله يبيلها وقت يعني ربع العام او ربعين بالكثير بتشوف كل شى متغيير ..


طبعا لاتعتقد ان الوكلاء الحين يواجهون مقاطعه الشعب فقط بل انهم يواجهون التكدس اللي صار من نهايه عام 2008 ثم العقود المؤجلة اللي دفعت قيمتها كامله للدفعات موديلات 2009 بأسعار اغلى من 2008 بنسب تجاوزت الـ10% بوقتها كان البترول سعره في حدود الـ140 دولار وكان الكل متخوف يرتفع اكثر, والكثير من الوكلاء سجلوا هالعقود وزيادة في تصدير الشراء ((ماعندي اي معلومه عن نسبه الزياده في كمية السيارات اللي صارت لكن اتوقعها في حدود الـ15% تقريبا عن المعتاد)) للتفادي ارتفاع موجه الاسعار اللي تعودوا ودعودنا عليها وغير هذا المكسب اللي بيكون لو زدات الاسعار اكثر بحققون دبلات الدبلات لانهم اشتروا باقل الاسعار وباعوا باعلى الاسعار باختصار كانت مطامع لكن الله ماحقق لهم اللي كانوا ينشدون له ... طبعا بعد هالعقود ماصار اللي في بالهم ونزل البترول الى مادون 40 % وهذه صارت صدمه عليهم وخسرت الوكلاء وصار هالتكدس اللي نسمع عنه في مستودعات السيارات في كل مكان طبعا اللي ماسجل العقود المؤجلة مثل امريكا او فيرها من الدول الاوربيه قدرت تواكب هالمشكله ونزلت الاسعار لانهم اشتروا من الشركات برخيص لكن بقيت المشكله الاخرى وهي ان الشعب الاوربي قلة السيوله عنده وصار يبيع سيارته المستعمله علشان يوفي ديونه وهذا اللي اكثر من العرض وقل الطلب ونزلت الاسعار في حدود الـ40% واكثر ......



فالوكلاء عندنا مشكلتهم انهم اشتروا السيارات غاليه ورؤسهم يابسه ماودهم يستعجلون ينزلون ثم يخسرون بعدها اتفقوا انهم يرفعوا الاسعار اللي مثل ماالكل يعرف انها زايده عن الـ2008 اكثر من 10% خصوصا اليابانيه وحطوا لنا هالاعذار لتوهيم المواطن من ارتفاع الين او غيره من اللي الكل يسمعه ومع هذا هم خايفين جدا من التكدس اللي الى الحين في بدايته ولسا باقي دفعات بتجي في الاشهر القادمه وهم مابين نارين نار التكدس ونار المقاطعه ...




ومتأكد مثل ماانا متأكد الحين اني قاعد اكتب في ذا المنتدى ان الاسعار بتتغيير والمعامله اللي تعودنا عليها بتتغير لان هالاتفاق اللي صار بين الوكلاء مصيره بنلغي والكل بينزل حتى يصير اللي الكل يتمناه ويحلم به من الشعب ....






وخلوها تصدي






موطف سابق بشركه عبداللطيف جميل _جدة
كــاتم العبرات))


منقووووووووووول

مشكور اخوي على النقل

وبصراحه انا اعتبرها غباء من الوكلاء
وهذا اكبر دليل ان عقلياتهم لاهي تجاريه ولا عندهم ذرة معرفه عن التجاره

وبالفعل هم الان يتكبدون خسائر فوق خسائرهم


طيب يالوكلاء انتم صرفوا اللي عندكم وخفضوا عليه وبإذن الله راح تتعدل في السنوات القادمه


ولكن هالتعنت راح يكسبهم خسائر ايجارات ورواتب موظفين وبالاخير تكدس للسيارات اللي كل يوم تنقص قيمتها بالوقفه لان 2010 قرب فعلا وما اظن ان فيه احد بيشتري 2009 و2010 على الابواب

نصيحة اخ اقدمها للوكلاء

سنين طويله وانتم تكسبون ومن ظهورنا

مافيه شئ لو اشتغلتوا براس مالكم او خسرتوا لان انتم سبب في هالخساره لان الطمع اعماكم والعياذ بالله
اجل ناوين تشرونها رخيصه وترفعونها على بالكم ان السوق بيطير فوق بعد
لاحول ولا قوة الا بالله وربكم يمهل ولا يهمل

وترى 2010 مابقى عنه الا 5 اشهر تقريبا

فالوكلاء عندنا مشكلتهم انهم اشتروا السيارات غاليه ورؤسهم يابسه
مصير رؤسهم تلين وغصبن عنهم
بالكثر 3 شهور فقط

بالنسبه لعبداللطيف جميل ترااااام مشتري السيارات بسعرر رخيييص جدآآآ

وما نقوووووووووووووووول الا خلووووووووووووووووووووووهم يحتفظو بسياراتهم!!
الدراجات اصرررف ههههههههههههه

السيارات بترخص بس بعد مايخلصون السيارات التي قاموا بشرائها وتورطوا فيها

لا السيارات بترخص بعد والى قبل والخساره عليهم وكل ماتاخروا تزيد الخساير وانت ماشي
ويا حض الدراجات بالحراج هاليومين سعرها مرتفع مايبالها حمله ـههههههههههههههههههههههـ

بكيفهم ، حنا مواصلين في المقاطعة إلى أن نقتنع بالاسعار ونرضا بها

خلوها تصدي مستمرة ..

الوكلاء الان في ورطة

وفي سبيل الخروج منها على الاقل بأقل الخسائر

يبذلون محاولات اخيرة ومستميتة لاقناع المستهلكين بأن الاسعار لن تنخفض

الصبر فقط بعد توفيق الله سيوصلنا الى المطلوب

وقريبا جدا بإذن الله سنصل

وفق الله الجميع لما يحب ويرضى

الوكلاء مكابرين شوي بس شويه وقت وينهارون واحد ورا الثاني

الوكلاء الان في ورطة

وفي سبيل الخروج منها على الاقل بأقل الخسائر

يبذلون محاولات اخيرة ومستميتة لاقناع المستهلكين بأن الاسعار لن تنخفض

الصبر فقط بعد توفيق الله سيوصلنا الى المطلوب

وقريبا جدا بإذن الله سنصل

وفق الله الجميع لما يحب ويرضى