صباح الخير على الجميع
واتمنى ان تقبلوني عضوا جديدا وفاعلا معك ضد الجشع المتفشي في وكالات السيارات وكل ماينقص المواطن السعودي هو الوعي بهذا الجشع وانه مسروق وهو مبسوط للاسف يعني بالعربي ماعندنا احد يحسب قبل مايشتري وش اللي له وش اللي عليه سويت جولة مكوكية على كراعيني بشوف مقدار الضحك اللي يشتغلون عليه الوكلاء وبديت بالشيخ عبداللطيف جميل على قولتهم طبعا مثل مانعرف كلنا ان الشعب السعودي اغلبه ماشي على نظام التأجير المنتهي بالتمليك ( سرقة من تحت الطاولة ) قلت بشوف كيف الالية اللي ماشين عليها وكم يربحون (( كم يسرقون )) من قيمة السيارة الاجمالية
دخلت عند وكالة عبداللطيف وعين الله علي مبسوط والابتسامة من الأذن للأذن جلست اتبطح بالسيارات (( مسوي راح يشتري )) وكل سيارة اتصور جنبها (( للذكرى بس ))
طبعا قمت اسوي قرعة (( اختار سيارة أسأل عنها ))
طاحت عيني على fourtunr على ما اظن هذا اسمه بس هو جيب صغير (( ولد اللاندكروزر )) رحت وكلي أدب وأمشي على استحياء متوجه لموظف خدمات العملاء اللي ماعنده عملاء أصلا غيري (( يكش ذبان من الفضاوه )) طبعا احترمني وجلسني (( مايدري ان ماعندك احد )) طبعا سألت عن سعر السيارة وقالي وهو يبتسم ابتسامة صفراء (( كأنه يقول انك صيدة )) سعرها طال عمرك (( انسدحت على الكرسي من المدح )) - 110000 - بعد هذا الرقم (( صارت حواجبي حرف u )) معقولة ياخي رخيص مرة (( طبعا اتركه يطير في العجه )) -------> على باله اني اتدفا بالفلوس
لما سمع هذي الكلمة صار لسانه طوله وهو ينادي على البنقالي جيب قهوة طبعا البنقالي ((لو انا دورية اخذ مخالفة من السرعة)) اللي وصلت فيها القهوة
طبعا صرت أتداول معه الحديث (( استاهل جائزة على كلمة أتداول )) وصرت اسحبه بالكلام -----> مو هين
وصلنا لنظام التأجير المنتهي بالسرقة طبعا عبداللطيف اللي يخدم المجتمع على قولتهم طبعا بلفوس الشعب اللي يمزمز دمه
شوفوا الحسبه
سعر السيارة كاش 110ألف
سعر السيارة بالتأجير 164 ألف
القسط الشهري لها 2500
طبعا لاتنسوا الدفعة الأولى 14000 وهي تشمل 10000دفعة اولى 2500 قسط مقدم 1500 رسوم على قولتهم
طبعا انا للحين تاجر قدامه ومعي كاش بادلته ابتسامته الخبيثه (( ماتمشي علي ياحلو ))
وعطيته على قد عقله ((ياخي مرة متساعدين مع الشعب انتم )) رد وصدره انتفخ لحد ماوصل جبتهه طبعا وجه ضاع ماعد اشوفه من المدح اللي وصل مني استاذنت منه واخذت كرته وقلت خلاص بكره اسحب كاش واجيكم مايدري ان الحساب فيه ( 65) هلله ومطلوب حيا او ميتا من البنك (( فيه مكافأة )) للي يبلغ -----> لا احد يصدق الا اذا ودك نتقاسم المكافاة
مالكم بطولة السالفه
طبعا بحسبه بسيطة مربح الاخ عبداللطيف في قيمة السيارة يتجاوز 50 % من القيمة الاجمالية للسيارة ولا ننسى انه ياخذها بنص السعر من الشركة الأم
طلعت من الباب بس ما اجر اذيال الهزيمة ولكن رافع راسي انه ما انضحك علي مثل اغلبية الشعب ولا انضربت على (( علباي )) طبعا كلمة (( في المعجم )) هي موخرة الرأس فوق الرقبة شوي ركبت على كراعيني واتجهت لوكالة فورد وهذي راح نكملها لكم بالجزء الثاني والاحداث المثيرة فيها (( مغامرات جزيرة الكنز ))-----> طبعا الكنز جيوبنا للتجار

تحياتي لكم

110 -165 = 55 الف ريال الفرق !!!

طيب ليش ومقابل ماذا ؟؟

55 الف اطلع سياره ثانية ؟؟


مشكور على التوضيح

وبداية قووووووووية والى الامام

أخوي أنا أخذت كامري se 2008 سعرهاكان وقت الكاش 83000 وأنا أخذتها تأجير بـ128500 يعني مكسب45500 غير الرسوم الإدارية يعني أكثر من نص قيمة السيارة.

اشكرك اخي على التعقيب وللأسف المواطن السعودي عيبه الوعي الاستهلاكي وما يعرف يحسب وش له وش عليه

المسكين
انت 45 الف لهفوا منك غيرك اكثر بكثير ليش نايمين حنا ليش ؟

مشكووور اخوي كحيلان وانا قادم اليوم بموضوع التاجير ولكن ارجو منك يا كحيلان اذا طرحت موضووع كبر الخط وهااات المفييييد مع شوية حلويات اي نكهااات لتحميس القاري

اموووووووووووواه كحيلان

هلابك ياحظ
ماورا عاد هذا الخط كبرناه وكبرناه ثم كبرناه وكبرناه -------> المهم راح اكبره المرة الجاية من عيوني ياغالي ابشر

حياك كحيلان
وش الرسوم هذي ؟ ابي اعرف ليه ؟ ومن ياخذها هم وش سببها

رسرقه مواطن عيني عينك

مشكور اخوي على هذا الطرح

جمرة غضا
تشرفت بمرورك وهي سرقة فعلا ولكن بأدب وياغافلين لكم الله !!!!!