حقوقالمرأة

الدكتورة :ليلى صالح عزوز

‏باللهجه الحجازيه

ما يرفع ضغطيشَي زَي كلمة حقوق المرأة .. وبالذات في السعودية ..وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه مانشارك فيها؟ وليه ما نروح هناك ونرقع بالصوت؟

يا أختي حلالعليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.

طيب قولوالوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوقالمرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ .......لايمكن. لكن هل يمكن يحصل هادا في السعودية؟أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟

قالحقوق المرأة ... قال.

منظرعام

رجالمحترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومةالحقوق) تتقدم للصراف مباشرةولا على بالها من الطراطير اللي واقفين من ساعات ... وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي تردعليه وتقول: لا، معليش. المرأةزَيّ الرجال ..... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .... والأحوال ... والتأمينات .. ويقدر أحد .... يقول إنه من ظهر أبوه ..... يفتح فمُّه؟ .... على طول يسمع العبارة الشهيرة .... ( عيب عليك .... إنت ماتستحي؟ .. هذه حرمة...إنت ماعندك أهل!)) ...ويضطر الراجل إنُّه ينكتم ويسكت ..بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة... هه!

اقتصاديا

شوفالراجل.. السبع.. الغضنفر.. المفتري...له ثوبين أوثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ،الخ. والمرأة بسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرةتساوي قيمةجوال جوزها .. وكمان ازيدك من الشعر قصر ... مو بيت ... من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع . مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.

قالإيه! حقوق المرأة.

نفسيا

الزوج مطالب يكونأربعة وعشرين ساعة رومنسي ومبتسم،ولايبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي مايعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .... ... ومع هادا كُّلو ...لازم يبقى رومانسي.

بينما هي وبكلسهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه مو فاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْأوروبا... يا عيني علينا إللي ما نروح غير يا مصر .... ياسوريا .... والسنة اللي غيَّرنا فيها ... رحنا ماليزيا.

وفي رمضان: تعبت .....أوف ......إنت داري عن حاجه؟أنا أبغى خدامة... أنا خلااااااااص .. ومن ثالث يوم رمضان ......مقاضي العيد من جده ...أختي جابت ملابس لها ولعيالها ... إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقوللُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

لا معليش هذي اخذت عينة من النساء عايشات في عالم وردي .
عايشين مدلعات تصحى الظهر ومكياج ولبس , وتجاهلت من تعاني الكثير من المجتمع .
فالكثير من النساء مهضومة حقوقهن .
المطلقات وهروب المطلق من دفع النفقة لها ولاودها
المعلقات تمر احلى سنين عمرها وهي معلقة لا مطلقة ولا متزوجة
العوانس ولا حلول لهن
الارامل ولا معيل لهن
الخريجات ولا وظائف ولا داعم لمشاريع لهن
حتى مرحلة الطفولة لم تسلم من الظلم
كم خبر ورد هذا الاسبوع من تزويج فتيات قاصرات لم تبلغ 10 سنوات من شياب
مانبي غير الحقوق اللي نص عليها الشرع فقط ,,,,

ههههههههههههههههههههههه


اصحاب الشنبات مظلومين

على سبيل المثال عندما كنت في قسم الباطنة كنا ناخذ الحالات المرضية بالتناوب
وفي احد الايام كان فيه مريض في الطوارئ وكان الدور على احدى الزميلات انها تشوفه

وفجاة وانا قاعد مريح يدق علي الاخصائي ويقل لي معليش انت روح قابل المريض في الطوارئ فرحت وعاينته
وبعدها عرفت ان الزميلة حامل في شهورها الاولى والمريض كان عنده اشتباه عنكز (جدري الماء) فخافوا على جنينها وارسلوني مكانها

طيب حتى لو عندي شنبات وعنكزت قبل كذا , فيه احتمال اعنكز مررررة ثانية <<<<<<يحس انه مظلوم

بس ايش نسوي ياخي , الشنبات مظلومين في الديرة هذه

طيب خوذي يا دكتور عينة من فئة لاتعرفين بوجودها في السعودية
سيدة عمرها 18سنة معها ولد عمره 40 يوم فقط يتيمة اب وام تطلق ويرميها زوجها بشارع
تعرفين كيف ترمى بشارع يعني تنام بالشارع
وتروح للشؤون الاجتماعية بالرياض ومعها صك الطلاق والولد على يدها يصيح وقالوا لها سكتيه
قالت ما معي حليب له يوم كامل ما شرب !!!! وهي مااكلت ما معها فلوس
والله يجزاها خير موظفة راحت وشرت له حليب والبقية من الموظفات سعوا باستخراج المعاملة واستاجروا لها البيت وتم تاثيثه لها وما تركوها الا وهم متاكدين من وضعها
الفئة هذي من الموظفات هن اللي نفتخر بهن ,,
تكفين مقالاتك خليها حصرية لك ,, ماحنا ناقصين تشويه سمعت السعوديات وانهن عايشات في نعيم
والواقع يقول غير فيه ظلم يطال الكثير منا
***********
الصبان ميخالف يا خوي تعنكز مرتين ثلاث تراه يزيد المناعة في جسمك

بدون تعليق على محتويات الموضوع ومع احترامي الشديد لراي كاتبته وناقله الا انني ارى ان الموضوع برمته ليس مكانه منتدى مقاطعة لكي لا تضيع مواضيع المقاطعة بين المواضيع الاخرى وتصبح هامشية وينحرف المنتدى عن اهدافه التي اسس لأجلها , فهناك اماكن كثيرة لمثل هذه المواضيع . وكل عام وانتم بخير

كلام ...... جميل و ممتع و يغطي شريحة لاباس بها من المجتمع و إن لم تكن زوجة .. لكانت أم و بنت أيضا تتمتع بهذه المزايا من الاب و الابن و الاخ و لا ننكر ذلك !!!! و علاقته بالمقاطعة أنو الست تختصر و تقتصر شوي في احتياجاتها خاصة غير الضرورية منها

المشاركة الأصلية كتبت بواسطة جمرة غضا

طيب خوذي يا دكتور عينة من فئة لاتعرفين بوجودها في السعودية
سيدة عمرها 18سنة معها ولد عمره 40 يوم فقط يتيمة اب وام تطلق ويرميها زوجها بشارع
تعرفين كيف ترمى بشارع يعني تنام بالشارع
وتروح للشؤون الاجتماعية بالرياض ومعها صك الطلاق والولد على يدها يصيح وقالوا لها سكتيه
قالت ما معي حليب له يوم كامل ما شرب !!!! وهي مااكلت ما معها فلوس
والله يجزاها خير موظفة راحت وشرت له حليب والبقية من الموظفات سعوا باستخراج المعاملة واستاجروا لها البيت وتم تاثيثه لها وما تركوها الا وهم متاكدين من وضعها
الفئة هذي من الموظفات هن اللي نفتخر بهن ,,
تكفين مقالاتك خليها حصرية لك ,, ماحنا ناقصين تشويه سمعت السعوديات وانهن عايشات في نعيم
والواقع يقول غير فيه ظلم يطال الكثير منا
***********
الصبان ميخالف يا خوي تعنكز مرتين ثلاث تراه يزيد المناعة في جسمك

المشكلة ياجمرة غضا ان هالعينات اللي تقولين عليها محد يفكر فيها ،اللي يحكون عن حقوق المراة مايحكون عن المطلقة ومرمية لا، يحكون عن اللي تبي سيارة او تبي تسافر بدون احدن من اهلها




الله يرحم الحال

المشاركة الأصلية كتبت بواسطة ام العيال

المشكلة ياجمرة غضا ان هالعينات اللي تقولين عليها محد يفكر فيها ،اللي يحكون عن حقوق المراة مايحكون عن المطلقة ومرمية لا، يحكون عن اللي تبي سيارة او تبي تسافر بدون احدن من اهلها




الله يرحم الحال

صدقت هذي حقوق من تريد الحريةالمزعومة ,,
سيارة وسكن بفندق بدون محرم يعني الانحلال ,,
لهم الله المطلقات والمظلومات