المشاركة الأصلية كتبت بواسطة الاول

والله شبعنا نصب يا عبد اللطيف جميل
سيارته كلها تايلنديه واستراليه
ونص قطع غيارها ملفق شي صيني وشي سعودي وشي مايعرف هويته
والاغرب من هذا اسعاره خياليه يعني لو هي يابانيه نقول يمكن نتقبل ارتفاع اسعاره
بالنسبه للاخوه المقاطعين والا الي حابين يقاطعون بس يبغون بديل
بدال الكامري
هوندا اكور يابنانيه 100%100
والي يحبون السيارات الحوض
عليهم بالجمس الحوض افضلهم من الشاص
وبالنسبه للجيوب عليكم بجيب نيسان او مستبيشي والله جبار
ولا تتعب حالك وتشتري منه ولا اطلع برى السعوديه اشتري لك سيره من برى وخلو سيارته له لانه مصخه بسراحه
انا بالنسبه لي كنت اقدر الكامري وبعد ماعرفت انها استراليه وقطع غيارها تايلندي
غيرتها واشتريت هوندا اكورد
والي كرهني بالكامري اعزكم الله
غيرت فحمات لها من الضحيان وكيل معتمد لهم واخذت الاصلي
ولمن ركبت الفحمات خلال ثلاث ايام الا الفحمات لها صوت
ورحت للوكاله قلت شكل الضحيان ضحك علي واعطاني تقليد للاصلي
واشتريتها من عبد اللطيف جمبليز وخرط الهوبات قلت ممكن عشاني ماخرطها بالمره الي فاتت وماخذت معاي اسبوع الا وصوت التصفير طالع
الاكيد اني كرهت السياره وبعتها
واستبدلتها بالهودا اكود وريحت راسي وتوني مغير فحماتها من الوكاله 230 بس ياباني اصلي لها شهر معاي ولا صوت ولا شي احسن من فحمات عبد اللطيف جميل تايلنديه
190ريال بالوكاله
وختام كلامي احييكم يا مقاطعة الشركات النصابه والمتلاعبه بجودة المنتج
وارجو منكم وضع لنا بديل لهذا الشركات الغشاشه المتلاعبه بالجوده وبالمواصفات والمقاييس تحياتي لكل مقاطع

حياك اخوي ...
المقاطعة شاملة لكل الوكلاء.. وتشكر على ذكر تجربتك لنا ..
ويطعمك من خير الاكورد ويكفيك شرها

المشاركة الأصلية كتبت بواسطة TdarkM

المشكله رئيس شركة تويوتا اعتذر امام الكونجرس الامريكي عن العيوب المصنعيه اللي وجدوها في السيارات .. وعبداللطيف جميل يكابر بأن السيارات لا توجد بها عيوب نهائيا ...

قمة التبجح والتفاهه والاستهتار بالمواطن لابعد الحدود ..

الرئيس يعتذر ويخنع ويدمع وليس فقط بامريكا بل توجه للصين ودمع هناك ..
وهذا يكابر !
لذا خلوها تصدي حتى يحترم العميل السعودي

المشاركة الأصلية كتبت بواسطة abofaysal

الحمد لله .....................

نعم هذا من فضل ربي على عباده

المشاركة الأصلية كتبت بواسطة Abu_Bader2004

ما قصرتوا والله

وبيض الله وجيه من قام بالعمل

وأنا بالنسبة لي مقاطع لو دامت على سيكل.. صح انه حر في الصيف وبرد بالشتاء لكن اوصل دوامي وبيتي وانا سالم احسن لي من العيوب والغلا الزايد... ههههههههههههه

خلوها تصدي... والله الله بالايميلات يا جماعة الخير .. نسخ ولصق ما تضر شي...

حياك ... وخلوها تصدي فالمكسب لكم
اقلها تبعدون عن سيارات بها عيوب صناعية توصل راكبها للمقبرة !

المشاركة الأصلية كتبت بواسطة نورة

السلام عليكم ورحمة الله وبركاته

اليوم أخويا " وهو فاهم جداً في السيارات ماشاء الله ويعتمدون عليه الأهل والمعارف كمستشار " يقول تويوتا خلاص انتهت من كل النواحي .

ومايشجع شراء تويوتا أو نيسان !!

ورأيي أن الوكلاء هذولا أكلونا والله

الله يعطيهم على قد نيتهم معانا.

حياك نورة .. منورة الموضوع ..
ياليتها على هالشركتين بل ان اغلب الشركات المصنعه انتجت سيارات معيوبه صناعيًا !
وكانهم نسوا الجوده من اجل لم الفلوس !

المشاركة الأصلية كتبت بواسطة صالح الفهيد

بارك الله فيكم على الحث لمقاطعة وخلوها تصدي

حياك الفـــهـــد
وبارك الله بكم يا المقاطعين

المشاركة الأصلية كتبت بواسطة رجل المواقف

كلام جميل جداً تايوتا تعاني من المشاكل في التصنيع ؟؟؟

المضحك شركة نيسان تعاني من سوء ادارة . وسوء صيانه وسوء تصنيع وخذ هذه فوق

البيعه أن الشركة اسم فقط (المالك) (؟) مجهول .

هل تعلم أن شركة نيسان فصلت أكثر من50% من موظفيها (لماذا) ؟؟؟؟؟؟

الى متى التدهور حاصل في الشركات الخاصة ؟ هل يشعر الموظف أنه مستقر في وظيفته

مستحيل .

أنصح الشركات الخاصه الى العودة الى الكادر القديم .. وخاصة نيييييييييييييسسسسسسان

فشل ليس بعدة فشل .

رجل الموقف كما اننا لا نرضى ان تستمرمن الوكالات بممارسة شجعها علينا .. ايضا نحن لن نرضى لابنائنا ان تهضم حقوقهم او تقطع ارزاقهم ....
ياليت تفرد موضوع عن وكالة الحمراني وترسل للادارة مايثبت فصل الموظفين هل كان الفصل تعسفي ام لا ..

المشاركة الأصلية كتبت بواسطة حندوسة

thankssssssssssssssssssssssssssssssssssssssss

حياك

المشاركة الأصلية كتبت بواسطة ابو الليل

بارك الله فيكم وجزاكم الله ألف خير
موفقين إن شاء الله قا طعوهم

اكتبو في النت وعلي الجدران وعلي الكباري والسيارت
الاتصالات معهم حيا ه اصعب فواتير عشوايه

الإتصالات !

ما اقول الا حسبي الله على الاتصالات ان تسانه خلفت مخ السعوديين
يا اخوي انت توحي ؟؟ هنا نحكي عن السيارات ..
شركات الاتصالات لها قسم مستقل

تجاوباً مع هذه الحملة المباركة و الناجحة فقد بدلت سياراتي لهذه السنة الى سيارات فورد بدلاً من تايوتا التي نهبتني على مدى 12 عاماً فقد وجدة الأسعار المناسبة و الخدمات المميزة و لن أعود لسياراتهم حتى يعودوا لرشدهم و سياسة والدهم رحمة الله الذي أوجد لشركتهم سمعة و سوق متواجد في كافة مناطق المملكة.
شكراً لكم توجدكم في الساحة حماتاً للمستهلك المنهوب بدون اي تفاعل من حماية المستهلك عفواً (حماية حرامي المستهلك) اسف لهذا المسمى لكن أين دورهم؟؟؟؟؟؟؟؟