تبي الصراحة انا اوقف على ورشة عمالها فلبينيين لانهم يعطون العمل حقه، مهو البنغالية والباكستانيين والعرب كلهم نصب في نصب، تشوفه وهو يكلمك كانه ملاك من الطيبة والنصائح واذا طلعت سيارتك بعد فترة قصيرة تشتاق للنصاب كانها صارت صحبة معاهم.

الموضوع له أقسام أتمنى أن أحد يفيدني وخاصة الاخوان بالرياض:
* ماهي أفضل ورشة تصليح سيارات (ميكانيكا+كهرباء) تويوتا كوريلا أو كامري أو ياريس؟؟
* ماهي أفضل ورشة سمكرة سيارات ؟
* ماهو أفضل محل بيع قطع غيار أصلية؟

في الرياض ورشة البريدي على شارع عبدالرحمن بن عوف (شارع المعارض)

صاحب الورشة خبير في السيارات والعمالة فلبين , والورشة مجهزة تجهيز كامل
لمن اراد ان يكشف عن اي سيارة لايتردد , بس المشكلة سعره غالي شوي عن غيره
لكن اذا مريت البريدي مايحتاج تمر غيره

جرب وانت الحكم

ومنكم الدعاء

واحد ف الرياض شارع السويدي العام تركي اسمه مراد

وفي اخوه محمد

تكفون يااخوان مكيف الكابريس ذبحني وديته كل ورشه في الصناعيه ومانفع
دلوني ياربع على ورشه متخصصه على مكيفات الامريكي وتكون في الرياض

المشاركة الأصلية كتبت بواسطة عبدالله بن علي

في الرياض ورشة البريدي على شارع عبدالرحمن بن عوف (شارع المعارض)

صاحب الورشة خبير في السيارات والعمالة فلبين , والورشة مجهزة تجهيز كامل
لمن اراد ان يكشف عن اي سيارة لايتردد , بس المشكلة سعره غالي شوي عن غيره
لكن اذا مريت البريدي مايحتاج تمر غيره

جرب وانت الحكم

ومنكم الدعاء

اخوي البريدي الله يذكره بالخير نصاب بعدين الرجال الحين شغله بس فحص وبكم بـ 300 ريال على مااعتقد مره وديت له جمس قديم كان يقطع سلمت عليه ولا رد السلام وقلته ابيك تشوف سيارتي قال: مافيه عندي الا فحص بـ 300 هذا قبل ثلاث سنوات

افضل ورشة بالمدينة تكفون


اشوف المدينة مالها نصيب

البريدي رجل كبير بالسن ونظامي ولايقبل اي سيارة تدخل الورشة
الابالنظام ولكن لديه خبرة كافيه وينصح بالخير واذكر موقف لي معه انه نصحني بشراء سيارة موديل 2006 اكسنت وقال بالحرف الواحد لاتفوتك وفعلا صدق
والاصلاح عنده اغلى من غيره وهذا مايعترف فيه امام الجميع
ولكن الامانة شعاره الذي لمسته والرجل يصلي وفيه الخير .

الرجاء نبتعد عن بعض الالفاظ مثل نصاب او حرامي ونستبدلها بقول ليس لديه خبرة كافيه او لايجيد التعامل او لايملك المهارة او...................... الخ .

وتحيتي للجميع

موضوع جيد
بالرياض ولمن يسأل عن ورشة سمكرة ودهان ومن واقع تجربه ورشة في الصناعية القديم اسمها جودة حتى الجني اﻻزرق ما يدري انها مسمكرة او مرشوشة هي مقارنة بغيرها تعتبر اسعارهم معقولة مقارنة بغيرهم
طبعا هاالكلام من زمان لكن رجعت لهم بعد كم سنة حصلت المعلم التركي فاتح له ورش مو بعيده ويشتغل لنفسه
شغلهم اختلف بعد ما طلع التركي الله واعلم
من ناحية الكهرباء سيارتي بورشة التقوى طريق ابو بكر مع طريق اﻻمام سعود وان شاء الله رايح استلمها اليوم ونعطيكم خبر عن الورشة لاني سمعت عن شغلهم انه تمام
السيارة انفوي جي ام سي ،المشكلة تفتفة ونفضة بالمكينة عمل تصفية مكينة مع تغيير حساسين وتغيير بواجي وتغيير ثلاث كويلات السعر شامل قطع الغيار مع شغل اليد ١٨٠٠ ريال
نجرب شغلهم ونعطيكم خبر

تحذير فقط من ورشة الوفاء اللي كل الناس طايرين فيها حتى ولو كان شغلهم زين لكن اسعارهم شي ﻻ يصدق
زمان كان عندي فورد٩٥ احترق الوجة كامل بسبب التماس كهربائي ﻻني ركبت بدل الشمعة اﻻصلية انوار زينون والنتيجة اﻻسلاك ما تحملت واحترق الوجه والسيارة واقفه عند البيت
المهم حملت السيارة على سطحى واول ورشة الوفاء جا المصري ولف على السيارة قال بتكلفك ٢٠ الف انا بغيت افرشة بورشته السيارة كلها ما تجيب عشرين الف يقولي شغل ظفيرة ومش عارف ايش طبعا هذا قيمة تصليح كهرب يعني ﻻ قطع وﻻ رش بوية
اخذت السيارة لورشة ثانية نسيت اسمها قالي شغل الظفيرة ١٥٠٠ريال شوف الفرق
المهم السيارة كلت في اﻻخير ١٢ الف
الحذر من ورشة الوفاء بالصناعية القديمة اخذوا سمعة على حساب الفلوس واسعارهم الخيالية