ساهر ساهر ساهر
الله يكفينى شر ساهر وكاميراته

عندما طبق نظام مراقبة الكاميرات في الدول المتقدمة ,كان ذلك بعد عمل شبكة مواصلات متكاملة من باصات وقطارات وطرق منظمة مزودة بشاشات لتعريف مدى التكتل في الشوارع.
مهوب تجي على طول وتنقز لأخر شي عشان ان الهدف واضح فلوس وبس والله المستعان.
انا أحد ضحايا ساهر بسرعة 84 كيلو في شارع الامير سلمان يوم الجمعة العصر.لا والقهر ان الرسالة جتني من بكرة ان مخالفتي لها 29 يوم .....يعني باقي يوم وتدبل

والله اخوي شعار على حق وصواب يعني ماطبقوا النضام الا بعد اصلاح التالف من جميع الاشياء اهم شي النقل العام بس تكفى ياخوي لاعاد تجيب طاري القطار تلوع نفسي يوم اذكر القطار اللي عندنا في مكه والله فشله

سيارة الجباية الجديدة لساهر
تم وضع
ساهر على سياره افيو بــ 4 كاميرات
والسياره تتجول في انحاء الرياض الان
مو مثل الباص يكون واقف على طول
انهبلوا المرور

المشاركة الأصلية كتبت بواسطة خالد 1

احنا شعب مخالف في كل الانظمة ونكره النظام والطابور والانتظار
وساهر موجود لسلامتك
------------------------
ونسبة الحوادث والوفيات في مدينة الرياض أقل من 50% من العام الماضي بسبب ساهر الله يخليه لنا .
وهذا شي طيب ويبشر بخير .

حياك خالد

من وين تحصلون على هالمعلومااات !!

مع ان ساهر ماكمل سنه بالسوق

شلون تقارنون ؟!!

ياخي هذا كلام المرور النصاب اللي يدبل المخالفة علي وعليك

المشاركة الأصلية كتبت بواسطة شعار

عندما طبق نظام مراقبة الكاميرات في الدول المتقدمة ,كان ذلك بعد عمل شبكة مواصلات متكاملة من باصات وقطارات وطرق منظمة مزودة بشاشات لتعريف مدى التكتل في الشوارع.
مهوب تجي على طول وتنقز لأخر شي عشان ان الهدف واضح فلوس وبس والله المستعان.
انا أحد ضحايا ساهر بسرعة 84 كيلو في شارع الامير سلمان يوم الجمعة العصر.لا والقهر ان الرسالة جتني من بكرة ان مخالفتي لها 29 يوم .....يعني باقي يوم وتدبل

حراااااااااااااااااااميه نصابين

وليش عاد التدبيله ليش باي حق بأي شرع باي قانون ؟؟؟؟؟

حسبي الله ونعم الوكيل

اللوحات فيها شريحة ، تساعد في تحديد موقع السيارة . يعني أي سيارة مسروقة ، يقدرون يحددون موقعها ، لكن الظاهر هذي الميزة مستخدمة فقط لأهداف أمنية ، ارهاب . لأن بلاغات سرقة سيارات المواطنين تشغلهم وتلهيهم عن شغلهم ، في النهاية مواطن تعيس مسروقة سيارته،،،، بالشيطان .

بالنسبة لكاميرا ساهر ، ما تحتاج شرايح ، لأن الكاميرا نفسها تقدر تطلع لك درجة لون الروج اللي على شفايف الحرمة اللي في السيارة اذا كانت متحجبة ، والماركة بعد .

بالنسبة لنظام الجباية (ساهر) أنا معه لتخفيف السرعة والحوادث ، لكن ضده لأنه نظام جباية ظالم، يعني لي 30 سنة أسوق ما قد جاني مخالفة الا مرة وحدة قبل 20 سنة (سواقة شايب) لا أسرع و لا أخالف ، والآن من طبقوا هالنظام الجائر ، هلهلت المخالفات علي ، وش يعني هذا الشئ ؟؟

حتى لو كان النظام يحد من الحوادث لكن طرقة تطبيقه خطأ وكارثة
مخالفات هائلة 500 ريال ونحوه، والادهى والامر التدبيل بعد شهر
بالله وين حصلت هذي؟ دورت الاقي مكان واحد في العالم سوى سواة المرور عندنا ما وجدت
في الامارات لمن جو يطبقون نظام الكاميرات كانت المخالفات معقولة، وثم بعد ما فهمو الناس النظام وابعاده زادو المخالفات او نقصوها حسب دراسات لخطورة المخالفات
في الاردن لما طبقو النظام عملو زي المرور عندنا، وتفاجأو الناس بمخالفات خيالية (لكن بدون تدبيل على فكرة) لكن رجعو المرور الغو المخالفات وعملو نظام جديد ومعقول والرجوع عن الخطأ فضيلة
في البحرين وضعو دراسات احصائية معمقة قبل تطبيق النظام المروري
الا عندنا طلعولنا بالنظام من مخ نايم