انا اشوف الاخوان صبوا نار غضبهم على صاحبة الموضوع بغض النظر عن اللي سووا صح ولا غلط هي نقلت خبر ليتم ادراج الموضوع ضمن المقاطعة وهي قالت في اخر الكلام السنبوك من ضمن قائمة المقاطعة

لا نكون عاطفيين ونطلع عن صلب الموضوع اذا الله منعم عليهم بخير وقايمين بحق الله في اموالهم من زكاة وصدقة مسالة شنهو ياكلون ولا شنهو يشربون او يلبسون المفروض ما تكون محل نقاش
ان الله يحب ان يرى اثر نعنته على عبده

خلونا موضوعيين في طرحنا ونقاشنا وانا اضم صوتي للاخت ( لنقاطع السنبوك )

لا و ابشركم السنبوك راح يفتح فرع جديد في كورنيش الخبر في الجهة اللي مقابل الاسكان المبنى مكلف كثير يعني عشا بــ2500 يسير بــ4000 ريال

ممكن أبغ افهم حاجةأنتي من جدك داخلة موقع المقاطعة عشان غلاء الاسعار ماثر على ميزانية بابا؟؟؟!!عشاكم ب 2500 ريال يعني هذا راتب موظف يعول سبعة أنفار في البيتاتقي الله في نفسك اتقوا الله التبذير حرام حرام حرامماتخافين الله يوم تكتبون هذا الموضوع احسن لك امسح المعرف حقك في الموقع لان هذا مو مكانكحسبنا الله ونعم الوكيل

هههههههههههههههههههه اخيراً طبيتي فيه يابنوته

<<<<<<<<<< شرب المقلب قبلك

انا من رواد السنبوك بس ما عمر فاتورتي تطلع عن الالف واجيه في المناسبات فقط يعني الاعياد ذكرى زواج ذكرى ميلاد احد الاولاد وزي كذا اما المناسبات العادية مشيها في اوشيانا والا كوبر شندني والا الخليج الصيني والا دارين اسعارهم جيدة ومتقاربة.

صحيح الخدمة بالنسبة لمطاعمنا تستاهل بس انا اعرف مطاعم في الخارج افضل من السنبوك من ناحية الخدمة وارقى واطعم مليون مرة والسنبوك ما يجي بوفيه هندي بجنبها وما وصلت اسعارها اسعار السنبوك العالية!!!

الأخوان اللي قاموا بمهاجمة الأخت ... ما اعتقد كلامهم كان عن حسد .. والمسلم يحسن الظن بأخية المسلم ... بالعكس أرجوا الله ان يزيد أختنا وأهلها من فضله.

ولكن هل تعلمين أختي الكريمة أن مبلغ 2500 ريال مصروف عائلة كاملة ( أكل - شرب - إيجار سكن - مواصلات - ملابس ... الخ) لمدة شهر كامل .... يتم انفاقه على وجبه عشاء واحده ؟!!

حتى مبلغ 1500 ريال مبلغ لا يستهان به ...

وانا متأكد ان نص الأكل اترمى في سطل القمامه !

إذا لم يكن هذا هو التبذير والإسراف ... فبماذا نسميه ؟؟؟

مطعم السنبوك في الاساس والهدف منه هو لرجال الاعمال والاجتماعات الرسمية وهالشيء واضح ومعلوم لدى الكثير وانا في نظري هو المكان الامثل والافخم للأجتماعات الرسمية وما اعتقد انه مكان مناسب للتجمعات العائلية لأنه وبصراحة راح تطلع عليهم الفاتورة اربع ارقام بالقليل وخصوصا للعائلة من 6 الى 10 اشخاص في اماكن افضل ومناسبة للعوائل بالخبر وباسعار ممتازة..

بنوته
اللي يدفع 1500 سهل عليه 2500
المشكله فيناوفي ذوي الدخل المقرود المعاش كله 2500

الله المستعان عى الغلاءءءءءءءءءءء الجشع
علماً بأن تكلفة الربيان والأسماك ليست غاليه
بس هم يرفعون السعر بحجة النظافه والخدمه.
بالله عليكم وجبه عشاء بــــ(500) ريال
الله .......................المستعان

بالعافية بس لا تروحون مره ثانية او اعزمونا