موضوعك رائع ,,,
وللأسف كثير من الناس ما يحس بقيمة الوقت ويضيع عمره على الفاضي
لأن وقت التسوق في هذا الوقت يأخذ وقت أطول مثل ما ذكرت أخوي
وأيضا السعر يكون أعلى بكثير
وافضل وقت للتسوق هو شعبان لأن المحلات تسوي تخفيضات عشان تجيب بضاعه جديدة للعيد

================================================== =

ظاهرة تضييع الوقت في المجتمع لدرجة ان الواحد اللي يحاول ينظم وقته ويرتب حياته
تجد المجتمع حوله ما يساعد
وكثير من الناس تسرق وقتك ويعطيك موعد ولا يوفي بوعده واذا اتصلت عليه بعد ما تأخر عليك يقول لك :
معليش !!

ايش معليش ؟؟
طيب اتصل قبلها بوقت عشان لا انتظرك ويضيع وقتي يا خي !!

سؤالي : ما هي أفضل طريقة للتعامل مع هذي النوعية من الناس ؟

موضوع رااائع جدا
شكرا أخي الكريم / أبورنيم
لكن أتوقع يبغى لنا أجيال وأجيال حتى نتعلم النظام والتخطيط
وكما قيل عنا ((شعب اخر لحظه ))

aboaren0702

ليس في رمضان فحسب بل في كل إمور الحياهـ
على سبيل المثال العودهـ للمدارس يوم 11 شوال
وأذكرك الناس بتروح للمكتبات يوم الجمعه الساعه 11.30 قبل العودهـ للمدارس
هذا إذا ماراحوا الصبح بعد !


أحمد الخزرج

الشكوى لله
في مثل أو حكمه بريطانيه تقول
If you can’t beet them, join them

إذا ما قدرت عليهم صير مثلهم أو خلك معهم

صحيح أن فيها نوع من الإنهزاميه لكن هذا الي حاصل

أنا بصراحه ماني عارف ليش صار مثل بريطاني
المفروض يكون حكمه عربيه !

الوقت يا عزيزي عندنا = صفر
للأسف الشديد ونتمنى الدقائق في الوقت البدل البدل الضائع

samee

ربك كريم إن شاء الله أنا متفائل يتغير الوضع للأحسن
بس متى !!
ما أدري
وبالنسبه للتنظيم الوقت أنا هنا في مجال عملي منذ أن تعينت في وظيفتي الحكوميه
آخر يوم دوام أو آخر ساعه عمل تحصل التلفونات تتراقع و العالم واقفه سرى وزحمه غير معهودهـ ويمغطونك ساعه وساعتين بعد دوامك
وكل واحد يقول تكفى تكفى

طيب ليش ما جيتوا من قبل

يقولون اليوم آخر دوام

طيب هم بلغوكم اليوم ؟!؟

من زمان دارين إن الاجازهـ اليوم وراكم تجون الحين وآخر ساعه عمل

والمشكلة كل سنة يتكرر نفس الموقف ومن أشخاص مختلفين عن العام الي قبلة

شئ يحير بصراحه

شكراً للجميع

المشاركة الأصلية كتبت بواسطة أبو رنيم

غداً رحلتي للدمام لقضاء إجازهـ العيد
كل عام و أنتم بخير
وتقبل الله منا و منكم صالح الأعمال
نشوفكم بإذن الله
11 شوال
موظف حكومي
موظفي القطاع الخاص الله لا يهينهم

يحضرون 4 شوال

الله يسهل أمرك ويردك سالم غانم
وعلى خير نتقابل

المشاركة الأصلية كتبت بواسطة ابو جنــــــى

الله يسهل أمرك ويردك سالم غانم
وعلى خير نتقابل

مشكور حبيبي
تسلم بارك الله فيك

في مدينة الدمام

الحجز على الحلاق بـ 100 ريال

شاملة

للدقن والشعر

والسعر يتفاوت من 100 إلى 200 ريال على حسب الحلاق



وإذا مو عاجبك رح طق لك




وليص فيه




---------------------------

ثمان آلاف صالون تتأهب لرفع أجور الحلاقة في العيد.. والأمانة تتوعد



الرياض - سلطان البقمي:
أكدت أمانة منطقة الرياض استمرار الحملة المكثفة التي تقودها للتأكد من تطبيق 8آلاف صالون حلاقة بالرياض للتنظيمات الجديدة ،وتوعدت المحلات المخالفة بلائحة الغرامات الجزائية.

ووفقا للمهندس سليمان البطحي المدير العام للإدارة العامة لصحة البيئة بأمانة منطقة الرياض فإن "الأمانة" ستطبق العقوبة القصوى بواقع 5آلاف ريال بحق المخالفين.
وفي وقت تتأهب محلات الحلاقة العاملة في السوق المحلية إلى رفع التسعيرة تزامنا مع حلول عيد الفطر ، قال البطحي إن "الأمانة" كلفت فرقا مركزية لضبط المخالفات الصحية في تلك المنشآت والتأكد من تطبيقها للاشتراطات الجديدة التي فرضتها.
ودعا المدير العام للادارة العامة لصحة البيئة بامانة منطقة الرياض الابلاغ عن المخالفين والمخالفات الصحية على طوارئ الامانة (940على مدار الساعة).

وكانت صوالين الحلاقة قد سجلت ارتفاعا ملحوظا في التسعيرة بعد إقرار التشريعات والضوابط الصحية التي فرضتها أمانة منطقة الرياض على 8آلاف صالون حلاقة ،والتي تهدف إلى استخدام أدوات صحية نظيفة وذات استخدام لمرة واحدة ،إضافة إلى الاهتمام بالجودة والمواصفات المحلية فيما يخص المستحضرات التجميلية المستخدمة ،في وقت رفعت فيه تلك المنشآت أجور الأيدي العاملة بواقع 100في المائة بعد إقرار هذه التشريعات

http://www.alriyadh.com/2008/09/28/article377010.html
//////

أنا حلقت دقن بـ 10 ريال ظهر هذا اليوم

وكان الحلاق يكش ذبان

أما الحين

اللهم يا كافي بس

هذا غير محلات بيع الملابس والمغاسل وبيع الأحذيه ووووو

تقول صار شئ بالديرهـ

كل ذول ما يدرون ان الأيام ذي عييييييييييييد

والله انك صادق الناس شكلهم مايتفرغون يشترون الا ليلة العيد انا في هاليوم اللي هوليلة العيد رحت ابشتري شي عادي من سوق اعوذ بالله من الزحمه

جريت مان

يبيلنا وقت لكي نتفادى ذلك

إن شاء الله ما تطول على كذا

شكراً لك وكل عام وأنت بخير

-----------

من مصادر خاصه جداً

موعد بدايه المدارس يوم السبت 12 شوال

لا أحد يستغرب

أو يقول

يعني إلي ودهـ يشترى مستلزمات المدارس يا حبذا قبل 12 شوال

وإلا أقولكم !!
الوعد في المكتبات يوم الجمعه 11 شوال يعني قبل موعد المدرسه بيوم

ويا ريت الساعه 11.30 مساءاً
وإلا نخليها صباح يوم الدراسه أفضل
ترى فيه وقت !
وشوله العجله تو الناس

وش اخبار الشرقية ابو رنيم صدق زحمة ماتنبغى ؟؟

والله زحمه معقوله نوعاً ما

وأنا إلا اليوم الثالث توني اطلع من البيت

كلها كانت زيارات عائلية

بس الجو روعه