السلام عليكم ورحمة الله وبركاته
أولا والله ليس بيني وبين العثيم أي كره أو عداوة ولا أعرفه ولا يعرفني
قرأت موضوع للأخ جيد جدا وكان عنوانه ( أرخص أسواق بالسعودية وصاحبها يخاف اللله )
وعلقت على موضوعه في أحد الردود
ولكنني أردت أن أوضح للإخوان هنا كيفية الاحتيال والنصب التي تمارسها أسواق العثيم
بالأمس ذهبت لأسواق العثيم فرع شارع المدينه بحي البديعة بشوف وش عنده من عروض مناسبة لبعض السلع وطبعا شدني سعر الفيمتو ( التوت ) لقيته عنده 4.95
طبعا سعره في الاسواق الاخرى بـ 9 ريالات تزيد او تنقص
وكاتب عرض خاص لكل مشتري 3 حبات فقط
قلت شي طيب خل الكل يستفيد من العرض
المهم لفيت السوق وأخذت 3 حبات فيمتو ومعها بعض الأغراض تقدر قيمتها بـ 35 ريال وعلى طول رحت للكاشير
انطقيت في الطابو يجي ربع ساعه من كثر الزحمة ويوم وصل دوري تبسم لي الكاشير وقال : مامعك الا هالاغراض بس ؟؟ قلت ايه قال اسف ما يمشي كذا انا اندهشت واستغربت وما رديت عليه بكلمه وحده وتركت الاغراض عنده وطلعت .
اتضح لي بعدين انه يشترط عليك عشان تشتري فيمتو بخمسة ريالات لازم تشتري معه اي اغراض اخرى وليست اي اغراض انما بمبلغ محدد يبدو انه متفق عليه بين الاداره والكاشريات لانهم ما حطوا اشتراط انك لازم تشتري اغراض اخرى عشان نبيعك الفيمتو .
أنا سألت عن هالطريقه احد طلاب العلم فقال لي انها لا تجوز واللي يبي يتأكد من كلامي يروح لقرب فرع للعثيم ويشوف يشتري فيمتو وما معه شي ويشوف .
اسف للإطاله ولكن حبيت اوضح للمخدوعين بأسواق العثيم وأبين لهم حقيقة الضحك على المستهلكين .

وهم يهمهم حلال او حرام يبون رصيد حساباتهم تزيد وبس
*****************
************
الدانوب حاط عرض على فيمتو 4,5 ريال

ياجماعة الخير

اصبرو على الفيمتو والشوربة الى يوم الثلاثاء موعد نزول الرواتب

وراح تحصلون الفيمتو والتونو والشوربة بريال واقل ...!!

هذا ماحصل العام الماضي في جدة

اسواق بن داوود والمخازن الكبرى والدانوب والصواري ..؟؟

فعلا مايهمهم حلال ولا حرام والا كان ما شفنا جشع وطمع هالتجار

بالنسبة للفيمتو فعلا وصل سعره العام الماضي ريال حتى عندنا في الرياض بس المشكلة ليه يجبرونك تشتري سلع اخرى عشان يبيعونك لا وبعض الاسواق حددوا سعر الشراء بـمئة ريال ؟؟؟!!!!!
أشكركم على مشاركتكم

عندك بندة وجيان تقدم عروض افضل بكثير ولا تشترط عليك
بالنسبة للفمتو العام قالوا كل عيله قارورة
صار كل ولد يمسك عربية وفيها قارورة وحدة
مالنا الا كذا ولا ننحرم من التوووووت
يعافيك يا فهد مقصرت التنبيه واجب علينا

ومن قال يسلم اخوي مرقوق
بس نبي نوضح للأعضاء زيف الوطنية اللي يرفعها بعض التجار

ياخوي هذا العثيم انصب ما خلق ربي
نسيتو شعارته المزيفه بالمقاطعه وهو جالس يبيع السلع الدنمركيه وشعارته المزيفه بالارز وهو يبيع الارز بأسعار خياليه

والله من يوم شفته يرز البضائع الدنمركيه بعد المقاطعة الكاذبة الي ماصدقوا بمؤتمر الدوحة يفرج عنهم ، وانا غاسل يدي منه ومن اي خير يجي من تحت يده .

يا نااااااااااااااااااااااااس حنا في المنتدى ونسمع ونكتب عن البضائع وعن الاسواق ومشاكلها ، وفي نفس الوقت ما نقدر نصبر عن بعض السلع مثل الفيمتو .. والله عجيبين اتركوه لهم كا هو شعار مقاطعة الالبان .. لكن الكروش كبرت وما يملاها إلا فمتو طعم اللقاء

ليس القصد الفيمتو أو غيره من السلع لكن المقصود الخداع في عروض السوبر ماركات مثل العثيم يكتبون في نشراتهم عروض خياااااااليه ومدري ايش واذا رحت عندهم لقيت العجب العجاب !!! ليه النصب ؟؟ ليه ما يبينون وويوضحون للمستهلك انك لازم تشتري أغراض أخرى عشان يشملك العرض ؟؟؟ والا الحمد لله والشكر الكل بيته مليان من نعم الله ولكن قلوبنا مع ذوي الدخل المحدود وش بيسون في ظل هذا الغلاء الفاحش !!!

وعليكم السلام ورحمة الله وبركاته


ما هقيتها يالعثيم !!!


مشكور أخوي فهد