ارتفاع حاد في أسعار التمور بمهرجان بريدة

بريده (سبق) صالح الهويمل :
شهد سوق التمور بمهرجان بريده صباح اليوم الثلاثاء ارتفاعا حادا في الأسعار ، تأثرا باقتراب شهر رمضان .

وقال أحد المتسوقين أن هذا الارتفاع كان متوقعا ، لكنه أوضح إلى سبب آخر هو نزول الرواتب في حسابات الموظفين .

ووصل سعر السطل ( حجم 5 كيلو جرام) من التمر السكري إلى 200 ريال ، والسطل فئة 3 كيلو جرام الى 70 ريال .

الصحفي اللي نشر الخبر شكله صاقط بالرياضيات

هالحين سطل 5 كيلو بــ 200 ريال
وسطل 3 كيلو بـ 70


،،
اكيد اشتري سطلين ستة كيلو يطلعن علي بـ 140 او تسعه كيلو بـ 210



مادام نفس النوع حسب كلامه بالاعلان...

،،

نرجع للموضوع

اظن بسوق بريده للتمور العرض اكثر من الطلب فما زالت اللاسعار معقوله نوعا مااااااء

وهناك انواع قبل اسبوع انا شاريها تبداء من 20 ريال الي 70 ريال

طبيعي جدا مع قرب حلول شهر رمضان ان تشهد معظم المواد الغذائية ارتفاعا في اسعارها

فما بالكم بالتمور وهي من اكثر المواد استهلاكا في رمضان ؟؟؟؟

وسوق عنيزة ماقالوا بوه شين

ملاحظة على مايوصل للرياض الا المحفر التمر قلب فنجان قهوة من صغره والسعر الى السماء يرتفع
كنت حاطه في هالمنتدى صورة لمحفر تمر من الموسم الماضي جنبه قوطي ببسي ,,, القوطي اكبر منه !!! وسعره 25 او 30 نسيت عاد

مو مسألة أنه ساقط بالرياضيات

صحيح نفس النوع " سكري " بس حتى السكري درجات

فأتوقع أنها ليست من نفس الدرجه " كبر الحبة " و " من أي مزرعة "

فأتوقع أنها ليست من نفس الدرجه " كبر الحبة " و " من أي مزرعة "

صدقت يختلف السعرعلى حسب المزرعه وشهرتها بين الناس
والاغلبية صاروا يشترون من المزرعه على طول وهم يوصلونها لك لو بديرة ثانية

على كده مهو بطال سعر كرتون السكري الصغير أبو ثلاثة كيلو بـ 70 ريال للوسط و 90 ريال للفاخر.

بصراحة .. برضه أشوفه غالي.

شريت كرتون فيه أكثر من ثمانية كيلو بـ 120 ريال .. مهو تمر خالص و لا رطب خالص .. بين و بين بس أقرب لكونه تمر من رطب.

حبته وسط و أعتبره ممتاز بالنسبة لسعره.

و هذه صورة لعينة منه في المرفقات.

ماشاء الله تبارك الله
بس حركة التمر وجنبه السفن

مهو سفن .. سبرايت.

والحركة عشان تعطي مقياس لحجم الحبة.

بس إيش رأيكم؟؟

قولوا ماشاء الله

المشاركة الأصلية كتبت بواسطة جمرة غضا

وسوق عنيزة ماقالوا بوه شين

ملاحظة على مايوصل للرياض الا المحفر التمر قلب فنجان قهوة من صغره والسعر الى السماء يرتفع
كنت حاطه في هالمنتدى صورة لمحفر تمر من الموسم الماضي جنبه قوطي ببسي ,,, القوطي اكبر منه !!! وسعره 25 او 30 نسيت عاد

وسوق عنيزة ماقالوا بوه شئ..
الا قالوا بوه تغطيه يالبنتاخي..
قناة الجزيره توها ناشره تقرير الساعه 6:45 م عن مهرجان التمور الثالث بعنيزه..الموضوع كان عن الدلالين..يقولك وصلت شهرة بعضهم بان سعر الدقيقه له بين 100-200 دولار..وعلقت المذيعه بان يجب على البعض التفكير في تغيير مهنته..