[quote=kemos;58186]قرات في احد المواضيع عن طالبات جامعه ومباراه كرة قدم
https://mqataa.co/vb/showthread.php?t=7186
وكانت في ردود مشجعه وردود تبي تعيدنا الى ايام ( وأد البنات )

وش فيها يلعبن كوره في محيط نسائي بحت مثل الجامعه وداخل اسوارها؟؟؟؟

ترى لاتحسبون في تكسير وانبراشات مثل مباريات الشباب بس هي وسيله ترفيهيه لا اكثر ولا اقل.


ممكن اعترض على طاقم التحكيم الكندي < على بالهم مباراه ديربي وعادي لو خلوا اي بنت تتابع الدوري السعودي تحكم لهم المباراه وتحسب بلنتيات زي بلنتيات الجابر قدام مانشيستر في النهايه الموضوع ترفيهي.

طيب بلاش يلعبوا كوره وش رايكم اذا قاموا بالجري حول القاعات والا التمارين السويديه؟؟؟؟ في الاول والاخير تظل تمارين وشوي يحركون اجسامهم بدل الجلسه والقيل والقال والكروش.

انا مع انشاء نوادي نسائيه رياضيه متخصصه مغلقه لمساعدة البنات على الحركه والرياضه في بيئه خاصه بدل ماهم يمشون في الشوارع وانواع المعاكسات والحركات الفاضيه والغزل سواء من الشباب او البنات ( اجل في وحده ناويه رياضه تحط كيلو مكياج ونظاره شمسيه وعبايه اخر موديل ومزخرفه وطبعا ضيقه ) ورايحه الممشى وماتبي احد يضايقها ( ابد ترى محد تحرش فيها ولا عاكسها ) < واضح انكم فهمتوا وش صار

وياشباب قيادة المرأه للسياره برضه مافيها شي بس بضوابط معينه وترى هالحل افضل من وجود السواقين ومشاكلهم.

المشكله الكبرى في التربيه اذا الواحد ربى بنته واخته وغيرهم على حب الدين والحجاب والتمسك بالاخلاق الاسلاميه فالمجتمع كله بيكون بخير.

اما وحده زي صاحبتنا اللي فوق ( ام مكياج ) وش تقولون عنها بصراحه ماينلام احد لو ضايقها لان اسلوبها مهو اسلوب انسانه محترمه ( مفاتنك وجمالك اللي خلقه الله لكي في اماكن تبرزيهم فيها امام زوجك او في الافراح مثلا ) اما تروحي قدام الناس كلهم بكامل زينتك وتقولي انا محترمه مفروض محد يتعرضلي فهنا بقلك انتي غلطانه.

والله لو الموضوع بيدي اربي الحريم اول شي وامنعهم من دخول الاسواق زياده والبلد كله بينعدل اما نمنع الشباب من مطاردة ( اللي تهين نفسها واهلها ودينها وتتزين وتخرج قدام الناس وفاضحه نفسها بنفسها ) فهالشي غلط اول شي امنعوا الحريم ووقفوهم عند حدودهم بعدين كلموا الشباب.

امنيه حياتي افهم وجهه نظر المراه اللي تروح للسوق وهي متزينه وتجلس تفرفر من محل لمحل وتميلح ومصاخه ولما يجي واحد يعكسها تقله استحي ياقليل الادب ايش؟؟؟ [/quot

عزيزي جد حلول للمراءة وابتعد عن طرح مواظيع ليست لها حلول بعدين تتكلم عن مراهقات لدنيا الحلول عند الشيوخ خلاص قالو حلال وانت قلت حلال الله يخلف علي الامة ما فيها شي خلهم يلعبون وبكرا يطالبون وبعدها الله العالم تقدر تحكمون عليهم ويسمعون ههههههههههههههطبعا لا ليش لئن بداية الامر كان خلهم مافيها شي اذن تقبل منهم كل شيئ وانتظر القادم احلي الله ينور عقلك وقلبك وينورنا معك اكثر واكثر اللهم رحمتك يامن وسعت رحمتك كل شيئ وسترك وعفوك ورظاك علينا يا رب

فعلاً ... الرياضه للحريم مطلب ضروري .. كل أنواع الرياضه ... الكيرم .. الشطرنج .. الظومنه .. وان كان فيه تطوير شوي ... يمارسون رياضة الغميمه ... فيها شي ..

لاتنسى رياضه البلوت وشرب الشيشه في المقاهي النسائيه الخاصه ( شيشه باعشن جراك صافي ) ورياضه شد الحبل والقفز على الحبل والربط بالحبل < مصاله.

اقصد بالمعلقات اللي زوجها يرفض تطليقها تكون عند اهلها لاينفق عليها او يطلقها او حتى يرجعها

الحل سهل وسريع وبيد الحكومه وهي انهم يخلوا القاضي يخلعها منه في مدة اقصاها ثلاث جلسات وتكون مدة الجلسات متقاربه وهالشي مو مستحيل والله انه سهل بس مجلس القضاء يشد حيله شوي وينوي نيه صالحه.

فيه موجود في المستشفيات لكن ما تجرؤ اي سيدة تعاني من التعنيف تقول شي
عارفه لما ترجع للبيت راح تاكل ضرب من جديد و ما فيه تفعيل لقانون يحمي حقوقها

كل شي بيد الله اولا ومن ثم بيد الحكومه .

تصدقوا احيان اتمنى ان عندنا منظمات حقوق انسان فعليه مثل الغرب ولها وزنها وكلمتها في المجتمع.

عزيزي جد حلول للمراءة وابتعد عن طرح مواظيع ليست لها حلول بعدين تتكلم عن مراهقات لدنيا الحلول عند الشيوخ خلاص قالو حلال وانت قلت حلال الله يخلف علي الامة ما فيها شي خلهم يلعبون وبكرا يطالبون وبعدها الله العالم تقدر تحكمون عليهم ويسمعون ههههههههههههههطبعا لا ليش لئن بداية الامر كان خلهم مافيها شي اذن تقبل منهم كل شيئ وانتظر القادم احلي

حلول المواضيع موجوده وسهله وكلنا نعرفها بس مافي تحرك جدي لحل هالمواضيع والاعذار واهيه ولاتقول مراهقات وغيره ياخوي التربيه هي الاساس اذا صلح الراعي صلحت الرعيه في كل اسره اما اب بعيد عن عياله وبيته وام تتنطنط من صالون لصالون وتربية الاولاد على الخدامه ( وش تنتظر منهم ؟؟؟؟؟؟) شوف قضيه البنت اللي طلقوها من زوجها بحجه عدم تكافؤ النسب ( جابوا القصه في طاش ماطاش ) لو انا المسئول اول شي اسويه امسك الشيخ اللي حكم بالطلاق واسفل به واشهر بيه واسحب منه كل الصلاحيات واخوان البنت انزل صورتهم في الجرايد وتحتها تعليق ( اخر الرجال المتخلفيين ) واجيب اربعين واحد يستلموهم حش وذب على الهواء مباشره وانقل الحدث على ام بي سي ( حتى اجبر الناس تتفرجها ) وبعد كذا وريني مين بيتجرأ ويسوي نفس حركتهم مره ثانيه . وربي عصبوني تراهم