السلام عليكم ورحمة الله وبركاته
أشكر كل من رد على الموضوع أو مر عليه

يا إخوان لازم ندور على اللي صالحنا ولا نترك البنقال يضحكون علينا والأجانب .

تصدقون واحد عرض علي قبل كم يوم ساعة فخمة ( شكلاً ) وبدأ السعر من ثلاثمائة ريال ووصلته إلى خمسة وعشرون ريال وآخر شي قلتله ماني مشتري لأنك كذاب تصوروا حلف إنها عليه بميتين وخمسين ريال ، وطلعت في الأخير من اللي يشترونها بالكيلو من البلد .

يعني بالبلدي لازم نصحى
القماش في البلد بثلاثين وبأربعين ريال وواحد من الشباب أخذ القطعة بـ 150 ريال والله قماش البلد أفضل منها بكثير لكن مشكلتنا إذا دخلنا مكان ديكوراته فخمة ولمباته كثيرة تخدرنا وندفع واحنا مغمضين .

ليتني شفت موضوعك من اول لاني قبل اسبوع فصلت 6 ثياب عند الفاخرة

والاسعار كالتالي

3 ثياب على 310 الواحد
2 ثياب على 760 الواحد
1 ثوب 400 ريال

هذا وهو مسويلي سعر خاص لاني زبون دايم عندهم وشهرياُ لازم ثوبين او 3

بالنسبة للابيض انا افصل عنده عادة الثوب من 180 الى 350 ريال على حسب القماش اما الملون بصراحة اسعارة عاليه شوي وعلى حسب القماش ... كل مرة اقول بجرب غيرة بس للأسف من تقريباً 10 سنين واكثر وانا ما افصل الا عندهم سواء فرع الخبر مول عند متين الله يذكرة بالخير مدري هو باقي حي والا مات والا فرع الحياة بلازا عند احسان (يا كثر بربرته) وكل ما احاول اروح لغير الفاخرة اروح له غصب عني اخاف والله يكون مسوي لي دنبوشي الله يستر.

بصراحة تفصيلة جيد نسبياً بس اسعارة غالية نسبياً برضو

وشكلي بجرب بلان مع انهم ما يمدحونة

ومن المرة الجاية باخذ القماش من الجديعي او غيرة وافصل عنده ب 100 ريال تفصيل بدون قماش.

الي يقهرني والله احياناً تشوف ثياب على ناس خياطها ممتاز وقماشها جيد ولما تسألهم يقول لك ب 90 ريال في الثقبة خياط يماني (انا بصراحة ما اصدق ولا اثق في الخياطين ذولا من واقع تجارب)


الي يعرف خياط جيد من ذولا الي في الثقبة يذكر اسمة ونبغى تصويت عليه.

ال 1000 والا ال 1500 الي اعطيها الفاخرة كل شهر عيالي اولى فيها.

فكره ممتازه

السلام عليكم ورحمة الله وبركاته

اخواني الكرام الخياطين على قفا من يشيل بس لاتروح لهم في المواسم روح قبل أو بعد وطب وتخير بس أحسن تشتري القماش بنفسك .
أما الفاخرة فهو ماخذ سمعة ماهو قدها بسمعة شمسان زمان واليوم مايفهمون .
أما بلان من أسوأ الخياطين إلا إذا كنت من الزباين كبيرين الكروش ( $$$ ) .

لأهل جدة القماش بأرخص الأثمان في باب شريف وبمختلف درجات الجودة .

خياطين البطحاء التفصيل مع القماش ب70ريال واذا صار القماش من عندك ب35ريال والقماش الرخيص تجده في المحلات التي غرب المعيقلية مباشرة سعر الطاقة يتراوح بين 100و200ريال ولاتصدق ان هناك قماش ياباني الموجود بالسوق اندونيسي وكوري