ذهب امس انا واحد من الشباب الساعة الثالثة فجرا قلنا نبي نغير ونروج مطعم مارحناه من قبل قال خوي نروح فدركرز بالتحلية بجدة اول ما دخلنا المطعم ما لقينا محل نجلس فية قال لنا القرسون ما فية اكل الابراء المطعم فل يوم شفت المطعم مزحوم قلت اكيد الاكل حلو والطعم حلو
اخترت انا وخوي همبرجر دجاج مع البطاطس والببسي وجبة يعني قال لي المباشر بالمطعم حسابك 96 ريال قلت اكيد غلطان قال لا هذا حسابك . قلت لة انتظر اروح اجيب فلوس من السيارة
حط الطلب وسوف اعود لك قربيا حط عشرين خط تحت قريبا . خرجت ولم اعد ولا اظن نفسي سوف اعود ثاني لهذا المطعم المجنون .
سوال / اللي في المطعم ماهمهم السعر الغالي وماتهمهم الفلوس ؟
سوال/ هل سعر الهمبوجر وصل لهذا الحد من الغلاء اروح اخذ لي نصف تيس اصر ف ؟

قل نفرين اما نصف تيس مره وحده
شكلك مره مقاطع المطاعم

96 ريال بتعشيك انت وخويك نفرين حنيذ لحم من مطبخ ريدان
اللحم فيه زي الزبدة ... يذوب في فمك

همبرجر بـ 96 ريال ؟؟!!!

صدق من قال ... رزق الهبل على المجانين !

نتها

96 ريال على وجبتين !!!!!!!!!!!!!!!

<<<<< تفكر تفتح مطعم ..

والله هبال ..

المشاركة الأصلية كتبت بواسطة ضد الطمع

96 ريال على وجبتين !!!!!!!!!!!!!!!

<<<<< تفكر تفتح مطعم ..

والله هبال ..

ليش لا. بالعكس لو انت طباخة ماهرة و تجهزي الطعام للمطعم بنفسك مع مساعدة من الأهل و الأقارب و الأصحاب. أنا أشجع الشيء هذا و احسبيني أول زبون عندك.

أنا أعرف ان الكلام اللي راح أكتبه راح يزعل كثير. لكن هو رأيي الشخصي.

رأيي الشخصي. انه هذه الطريقة الصحيحة لفتح عمل تجاري شخصي.
أنا ما سافرت للخارج كثير. لكن على حسب ما أقرأ في الجرائد و اللي أشوفه في الأفلام و المسلسلات و البرامج الحوارية و الوثائقية. ان في البلاد الغربية صاحب المحل هو نفسه صاحب الصنعة و اللي يعمل في المحل. و اذا اشتهر و كبرت تجارته, وظف المهرة و المتخصصين من أبناء بلده.

مثلا طباخ ماهر يفتح مطعم و يعمل فيه و يجهز الطعام بنفسه.
مبرمج يكتب برامج بنفسه و يبيعها.
نجار يعمل في منجرته.
ميكانيكي يعمل في ورشته.
مصمم ديكور يعمل في مكتبه.
شخص معه بعض المال فتح بقالة و يعمل فيها هو و أولاده.
و غيرها من المهن و الأعمال الكثيرة.

اللي صاير عندنا حالة من اثنين.

يا انه نفس الكلام اللي ذكرته فوق لكن ينطبق على الأجانب. و السعودي مجرد اسم. يعني تستر.
يعني تلاقي الميكانيكي مثلا هو اللي اختار مكان الورشة و جهزها و يشتغل فيها و يشغل مجموعة من الميكانيكيين من ابناء جنسيته. و تلاقيه أول ما جاء ما يعرف شيء عن الميكانيكا و تعلم في سيارات الناس و صار ينقال له مهندس.

أو انه شخص معه مال و يبغى يكسب. فيفكر في مشروع و يستقدم عمالة أجنبية في الغالب رخيصة و غير مؤهلة يعطيها راتب و تقوم بالعمل بالنيابة عنه. مثل مطعم فدركرز. شخص أو شركة عندها فلوس. أخذت و كالة أو اسم فدركرز و جابت مجموعة من الفلبينيين و شغلتهم. صحيح اني شفت اثنين سعوديين لكن نسبتهم لا تقارن مع الفلبينيين.

نادرا ما تشوف سعودي صاحب مهنه فاتح محل و يعمل فيه.
حتى مكاتب العقار ما سلمت. و هي شغلة على مكتب و في مكان مكيف. قبل فترة كنت أدور على شقة. و مريت على عدة مكاتب عقار. للأسف عدد منها لم أجد فيها صاحب المكتب. بل وجدت عامل يستقبل الزبائن و يتفاوض معاهم و يدلهم على الشقق. و الجنسيتين اللي مرت على هي الجنسية السودانية و البنقالية.

عموما. أنا أشوف اننا بحاجة لمطاعم تدار عن طريق عائلات سعودية يعملوا فيها. تكون منافسة للمطاعم المنتشرة حاليا.

عذرا على الإطالة

و دعواتي بالتوفيق للجميع.

بالعكس كلامك ما يزعل .. والله اللي اشوفه ان هالشغلة تدخل ذهـــــب وخصوصا في وقتنا هذا انواع التعيجز عندنا يالحريم يعني عادي ندفع عشان ما نطبخ خصوصا اذا كان عزيمة الوحدة تبي تفضي نفسها للكشخة .. وهذا الواقع عندنا ..

بس من بيواافق انواع الاعتراضات بتطلع ..

خلنا نخلص من حوسـة الجامعة وبعدين يحلها حلال ..

طباخة بشهادة جامعية يا سلام ..


على فكرة لا أحد يحسب اني اعيب على هالشغلةبالعكس .. الشغل مو عيب .. بس انا اتحسر على واقعنا المريــــــر ..

ايش هذا فكررز هذا والله ما اعرفه ولقد طبيته .

90% من مطاعم التحلية مخصوصة للفئة اللي ما تهمها الفلوس أو الهابقين
وفي مطاعم لودخلتها كان لقيت أسعار أعجب وأغرب

أذا تبغى أسعار معقولة بعد عن شمال التحلية (بعد تقاطع المدينة) و أغلب المطاعم اللي حول طريق الملك(الأندلس) وبالذات المطاعم ذات الأسماء الغريبة (وركز على نوعية السيارات المتوقفة أمام المطعم)

انت عارف انك ضريت المسكين اللي واقف على الكاشير
راح يدفع المبلغ من جيبه
تقدر تمسك المنيو وتشيك على الاسعار قبل تطلب اذا عجبك مو مشكلة ماعجبك اطلع بس ماتضر الناس معك