المشاركة الأصلية كتبت بواسطة النعيمي

أنا عكسكم يا إخوان ...أنا مع العثيم قلباً و قالباً و ضد جيان و المخازن الكبرى و بندة و كارفور

أولاً العثيم بالنسبة لي غير مرتب و محلاته غير نظيفة و تتعب رجولك و إنت تدور على المنتج اللي تبيه
ثانياً المحاسبين عنده أخلاقهم تجارية و على طول قرفانين و معصبين
ثالثاً أسعاره في يعض المنتجات غالية و المنتجات اللي أبيها ما عليها عروض ...يعني أنا أفضل مازولا مثلاً ... أحصل عرض على العربي أو عافية و لا أحصل عرض على مازولا ! و بالتالي أشتري مازولا و لكن يفوتني العرض...

رغم كل شيء ...انا متمشكل مع أم العيال لأنها تبي هايبر بندة اللي في المروج و انا أب العثيم اللي في المروج و بما إني قبضاي رسمي كل مقاضينا من الهايبر لما تكون أم العيال معي بس لما تتصل علي و تقول جب معاك و أنت جاي ( كل الشباب متضامنين معي في قصة جب معاك و أنت جاي ...ههههه) أروح طوالي على العثيم لأسباب كثيرة منها حملات العثيم الخيرية و التي لا أرى أي شركة متفاعلة مع مجتمعها مثل ما يسوي العثيم ....يا جماعة حملة بر الوالدين و اللي كانت لوحتها على الدائري الشرقي مخرج 14 بطول واجهة العثيم مول خطيييييرة مرة .... الله يجزاه كل خير ...كل ما مريت جنبها أدق تلفون على الوالدة - الله يحفظها - أو على الوالد - الله يحفظه - و أكسب أجر و يكسب معي - إن شاء الله - العثيم أجر ... حملة تبرع للمحتاج بما يحتاج - بطاقات مشتريات للمحتاجين - حملة أكثر من روعة و فكرتها مبتكرة ... حملة دعم جمعية إنسان ...حملة دعم جمعية متلازمة داون (ديسكا) ...حملة دعم جمعية الامير سلمان للإعاقة ... حملة دعم جمعية البر ... و ما أدري كم عدد الحملات الخيرية و الإجتماعية اللي سواها ...

كل هذي الحملات ..أعتقد أن مافي شركة دعمت المجتمع و الأعمال الخيرية كثر العثيم ... أنا متأكد أن جزء و لو بسيط من فلوسي راح تكون مساهمة - ولو بسيطة - في إحدى هذه الحملات الخيرية و الإجتماعية ... و بالتالي أنا مستعد أدفع أزود و أتحمل أخلاق المحاسبين و قلة الإهتمام و غياب التنظيم لدى العثيم بسبب قناعاتي الشخصية بهذه الشركة ...

رسالة إلى صاحب شركات العثيم .... يرحم والديك ...فكنا من اللون الوردي اللي داخل محلاتك ...يا شيخ و الله يجيبلي صداع

لافض فوك
والله ياجماعه ان العثيم يستاهل انا نوقف معه حملاته الخيريه اكبر دليل على مخافته من الله

ايضا يا اخوان المهرجان اللي ينزله كل اسبوع تخفيض اسعار حقيقي مومثل بعض المراكز النصابه

شكرأً لك يا كويكر ...تقبل مودة أخيك

ربك كررررررررررريم

المشاركة الأصلية كتبت بواسطة عايش حياته

غريبه ما يفعله العثيم

انا شخصيا اقطن في منطقه لا يوجد فيها مراكز للعثيم ولكن وقوف العثيم في وجه الدنماركيين وكان من السباقين في ذلك بعدها احترم هذا الرجل جل احترام بعد هذه الوقفه

اما ما اقرأه منكم الان قد يغير نظرتي بهذا الرجل

صحيح وقف في وجه الدنمركيين وايضا ارجع المنتوجات الدنمركيه ولم يكتف بل يستفز مشاعرنا بوضع لوحه دعايه للمنتوجات الدنمركيه (بوك)فوق محلاته ولوحتها تقول للعمى شفني من كبرها
الناس تدورالستره وهو راز اللوحه وزد عليها سالفه رز

للتنبيه من حركات العثيم خاصة اللي ما يتنبة
للفاتورة .ذهبت للتسوق كالعاده من اسواق
العثيم بحفرالباطن وعندما انتهيت ووصلت الى
الكاشير طلب من مبلغ 1200 ريال وانا اعلم
ان حسابي لن يتعدا 700 وعندما دفعت المبلغ
(طبعاً بعد ارجاع بعض الاغراض وخاصة حليب الطفل)
وعندما صعدت السيارة ودققت في الفاتورة تبين
لي ان اغلب الاغراض المحسوبه ليست موجوده من ضمن
اغراضي واذكر منها 2 كرتون دجاج فقيه وسطل لبنه
مادري من وين جابوها !!!!
عدت اليهم وانا كلي حنق على ماجرى واعدت جميــــع
اشيائهم عليهم ....!! هذا ماحصل لي من العثيم لذا
اخوي ركز على فاتورتك جيدً(زين)

ياخواني .. قبل فترة كان صديق والدي ذهب الى سوق العثيم يتبضع ويشتري
لفت انتباه سلة قمامه وبسعر 21 ريال ولكن صاحبنا هذا ذكي يعرف ان قيمة تلك البضاعه ليس بالقيمة تلك تركها وبعد يوم او يومين ذهب سوق اخر ووجد نفس المنتج طبق الاصل ولكن السعر
يختلف كم تتوقعون كان سعره ؟؟؟؟ كان سعره 5 ريال !!!! ...اقسم بالله العظيم
وبعدها صاحبنا اتصل على رقم الشكاوي تبع العثيم والذي مقر الشكاوي الرياض وعند سرد القصه الى المسئول قال غريبه هذا الخبر سوف نتحقق اليوم من الخبر ....
وبعد مرور اسبوع كامل ذهب صاحبنا للعثيم وتفاجا جدأ بان المنتج الذي اشتكى من غلا سعره
موجود وبنفس السعر !!!

طبيعي ياغالي في كل محلات الهايبرماركت انزل اغراض بنصف قيمتمها واعوض في اعراض اخرى للي ماينتبه


وانا حصل معي موقف غريب من سوق العثيم بعد تبضعي اشتريت لي منتج مارس وكان على الرف السعر ريالين !!! .... وبعد ان دفعت للكاشير وذهابي الى المنزل لم الاحظ الورقة الى بعد حين عندما شاهدت الورقه مكتوب سعر المارس 3 ريالات وانا اخذت مارسين اي اخذو مني ريالين نصب واحتيال دون وجه حق بل دون مبرر كيف يكتبو ن على الرف السعر 2 ريال وعند المحاسبة يظهر 3 ريالات !!

شي يقهر



امر غريب وعجيب يالعثيم تخفض بعض المنتجات ومن ثم تذهب وترفع بعض المنتجات دون تغير سعره على الرفوف حتى تخدع بها المواطنين المساكين الذين وثقوا بك ايام حملة الدنمرك

جات حملة الرز وصراحة مستغرب كيف عنده اعتقاد انه لن يقلل كذبه من
اقبال الناس عليه والشراء من محلاته ربما معرفته المسبقة بطبيعة المجتمع
واختلافه عن المجتمعات الاخرى في التسوق وهو اختلاف لصالحهم وليس لصالحنا نحن الشعب السعودي فعندما ترتفع سعر بضاعة ما ولو شي بسيط
يجبر الشعب الشركة على ارجاع السعر كماكان عن طريق المقاطعة التامة ...

احسن السئيين