ياخوان عندنا غسالة فالبيت ام بطنين ماقصرت ونبي نحيلها للتقاعد ونجيب بنت جديده بس ببطن واحد غسالة تعبا من الامام الاوتماتيك غسالة ونشافه

وش افضل الانواع واللي ماتحتاج صيانة ولاتعقد الثياب .. نبي شي يعمر ويكون سعرها مناسب لايتعدى 1500 ريال لايهم مكان الصناعة ولا الماركة

احرص على الحجم الكبير مادامك ماراح تشتري الا بعد فترة طويلة ...

ماسبق لي تجربة هالنوع لكن جربت كلفينيتور ,, سامسونج اتوماتيك (غسالة + تنشيف 70او 80 % ) تعبا من فوق ممتازة ولا تصرف مويه كثير ..
وسعرها معقول ...

ونصيحة خذ لك بعد نشاف مستقل .. والشغاله لا تمد يدها لوحه التحكم مايعدم ويخرب الغسالات والاجهزة الا الشغالات حتى لو كانت تعرف لها ... حدها تفرز الثياب وتحط الصابون والكمفورت بعلبة الغسالة لكن ضبط المعايير والتشغيل تبعد عنه ..

الغسالات الأوتاماتيك اللي تعبأ من فوق أفضل

حسب علمي الأفضل توشيبا وسامسونج أما عن الأسعار فلا علم لدي

انا عندي وايرل بوول امريكيه من الاعلي

ممتازه لها سنتين

ولو تشتري نشافه مستقله ممتازه

أنا سئلت كثيراً وصديقي قال الأفضل إل جي تعبئة أمامية
لكن مشكلتها أسعارها نار

وش الفرق بين اللي تعبأ من فوق واللي تعبأ من الامام ؟ وهل فيه غسالة تغسل وتنشف بدون الحاجة الى نشاف مستقل ؟

يعطيكم العافية اكتشفت ان فيه غسالة بعمود وهي افضل الانواع من حيث التنظيف وهذي نصيحة صاحب مغسلة يقول كل المغاسل يستخدمون هالنوعية تعبئة من الاعلى بس بعمود

بخصوص ال جي لااحد يذكرها من اسوأ الصناعات هالشركة

اما سؤالك يابو نواف ايه فيه غسالة تغسل وتنشف وتكوي بعد كانك ماتدري وكل هذا بحوض واحد وبضغطة زر .. لكن اهم شي جيبك مليان .سعرها لايقل عن 3000 ريال

عندي ام عمود كلفنيتور امريكي 12 كج
تنظيف ممتاز
واقتصادية بالماء
وكد ومد

ونشاف كلفنيتور امريكي 12 كج

يقولون ان الغسالات الكوريات الاماميات اقل صرف بالماء وانا ماجربتها
بس حاول تاخذ اللي اقل تقنية يعني اللي مفاتيحها مهربائية مو الكترونية اقل مشاكل

غسالة لوحدها ونشاف لوحده افضل

احذر ان تشتري ويرلبول فاعطالها كثيرة وصيانتها وقطع غيار نار وفيها خلل مصنعي في مفتاح التشغيل

التي تعبا من الامام افضل في استهلاك الماء
والكهرباء
والصابون
ونتائج الغسيل افضل
ولا تحتاج توصيل ماء حار

لكنها تحتاج عناية نوعا ما في الاستخدام

وخاصة الحاجز المطاطي الواقي من تسرب الماء من فتحة الباب عند اغلاقه

واكثر نسائنا لا تحبها

لقلة انتشارها
والحاجة للانحناء عند ادخال واخراج الملابس واحتياجها للعناية كما ذكرت