سوال / انت انت تقول انكم مطعم عندكم في كل فرع مائة عامل وهذا انه عندكم طلب والزبائن واجد اللهم لا حسد، طيب ليش ماتحترمون الزبائن وتحاولون التقليل من السعر بالطرق التي تستفيدون انتم وهم يستفيدون، وذلك عن طريق تربية مواشي تابعة لكم فمنها راح تتكاثر مواشيكم وتكون بدون سعر فائدة التاجر الذي كان يبيعها لكم، وبالاخير كانت فائدتكم اكثر وسعركم اقل.
ثانيا/ جودة اكلكم ليست دائما في نفس المستوى مرة فوق ومرة تحت ونفس الكلام على الفروع فيه فرع يفرق عن فرع في الطعم.
ثالثاً/ اتذكر مرة وصيت اخوي يشتري ذبيحتين ويوديها الى المطبخ ، ومن رداة الحظ انه وداه لكم ، واكتشفت اني صح في مقاطعتكم، لما جاء وقت تسليم العشا(فرع سلمان الفارسي) تخيل ماذا قال الفرع لايوجد لدينا سواقين ، واغلبهم عندهم ارتباط في توصيل الذبائح لمناسبات، وتعال انت استلمها، وانا مستأجر استراحة في المؤنسية والضيوف عندي وسوالف وضحك، وذهبت وتركت الضيوف عشان اجيب العشا المطبوخ في الرومانسية بمبلغ اغلى من السوق عشان الخدمة وللاسف مافيه خدمة، والناس تعشوا يمكن الساعة العاشرة من زحمة الرياض.