لقيت كيك معفن من لوزين بتاريخ صلاحيه غير منتهيه وش اسوي - الصفحة 3

**التاسع** · 05-10-2011, 08:21 AM

والله ياجماعة الخير ماااصار شي الى الان

لا البلدية ولا جتني هدية الشركة

بس البلدية ماقصرت ارسلت لي رساله محتواهاااا التااالي ك

امانة منطقة الرياض تدعوكم لحضور الاحتفاء باليوم الوطني في استاد الامير فيصل بن فهد بالملز وتشمل الوان من الفنون والفلكلور الشعبي كالعرضة والعزاوي وعرضة الشمال والمزمار والخبيتي والخطوة وغيرها وكذلك اناشيد وطنية وقصائد وذلك من الساعة 8 مساء اليوم الجمعة الى منتصف الليل علما بان الموقع مخصص للرجال والشباب

بعد الرسالة بصراحه عذرتهم ليه ماتفاعلو معي اثرهم مشغولين كل موظفي الامانه في مناسبتهم

اكيد وش يسوون يالله يقدرون يقومون بالواجب
مراقب بيصب القهوه للضيوف وواحد معه المبخره والثاني يقلط

شكرا يالامانه بصرحه ظنيت فيكم ظن السوء

ان بعض الظن اثم

**قصه حب** · 09-10-2011, 09:13 PM

ههههههههه

**التاسع** · 10-10-2011, 08:33 AM

الى الان مااااجتني الهدية

متوقع بيعطوني دينا مليانه جبن او عصيرات

ودي ازهم عليهم بس والله مستحي منهم

**التاسع** · 11-10-2011, 07:12 PM

آآآآخر المستجدات

تم الاتصال من قبل شركة المراعي اليوم الموافق الساعه 6 مساءً

يااااااااااااارب دينّا مليانه كيك وخبز

وبقره لو مريضه مايخالف المهم ااي هديه لي سبع سنين ماجتني هديه واخر هديه جتني عباره عن شنطه بلاستك مااالها داعي من مطبعه

تكفون يامنسوبي المنتدى آزروني في ظل الظروف الراهنه

**التاسع** · 05-11-2011, 09:07 AM

اقفل المحضر في حينه ووساعته

تم منحي عدد من البساكيت

متنوعه الاصناف والاشكال

العوض ولا القطيعه

قال ايش قاااال اتصل على 940

لو اني متصل على بلدية دبي كان تفاعلت معي اكثر من ربعنا

**zoozoo** · 14-11-2011, 05:57 AM

لعلك تستفيد من بلاغك!

..قاطع تسلم

**التاسع** · 21-11-2011, 08:24 AM

يا اخت زوزو مدري الاخ زوزو

اذا قاطعتهم وش البديل اذا كانت شركة بحجم المراعي بيصير لها هذا الشي اجل وش بيصير الحال عند اقل مخابزنا امكانيه

انا يكفيني احترامهم لانسانيتي وهذا ابسط شي

المسئولين الي هم مسئولين مسئوليه كامله عن اي خطا ماتفاعلو معي

وهو صميم عملهم ويطلعون من الصبااااح لحد العصر على انهم يراااقبون اي قصور من اي جهه

وفي الاخير مااالقيت منهم ولااا تجاوب

وين البطحي وربعه الي مشخصين بالبالطوات البيض وخذ ياتصوير

والشركه الي قائمه على الربحيه فقط ولاهي مسئوله انها تكون مؤسسة اجتماعية او خيريه

تفاعلت معي واتصلو علي ووصلوني لحد مكاني وقدمو خطاب رسمي يوضحون فيه سبب فساد المنتج بعد فحصه وقدمو لي اعتذار وارسلو مندوب

انا مااابرر لهم هذا الخطأ لكن في ظل الفوضى من الجهات الرقابية

انااا اقول لهم كثر خيرهم

وتبغين الجد انا ماقاطعتهم

لاني اشوفها من انجح الشركات ونجاحهم ماجا من فراغ

استحوذو على كثير من الشراكات

وتنجح بسبب نجاح هالشركه

هذا رايي في هالشركه

وتقييمي للموقف الي صار لي

كان بنظام العوض ولا القطيعه

**التاسع** · 30-11-2011, 11:53 AM

اشوف محد رد علي لايكون قاطعتوني بعد انا

وين مبدأ الديمقراطية وين مبدأ ( كل واحد ابخص بنفسه) المنبثق من ميثاق جامعة الدول العربية

والذي ينص على أن لكل شخص حر في الخبز الي ياكله سواء بالجبن ولا بالبيض

ولا بتقولون بعد مندّس او عميل للشركه

واقبض نهاية كل شهر خيشة خبز يابس ابيعها لصالحي لاحد مربي الاغنام

بعد ارتفاع اسعار الشعير الى ارقام قياسية

اقووول ترااا ابزعل

والله المستعان

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي العرض المتطور الانتقال إلى العرض الشجري