ممكن الخبر في الصحف المحلية يكون كالتالي :

تفاجأ أحد المواطنين عند شراؤه كرتون برتقال من أحد الأسواق المعروفة بمدينة الرياض بتعفن البرتقال وعندما أرجعه وتجادل مع مسؤولي المبيعات وهم من جنسية عربية ..... الخ

لكن هنا في منتدى مقاطعة نقول :

أنا اللي شريت صندوق البرتقال هذا امس من أسواق السدحان بالصحافة اللي على طريق الملك فهد مع أنس بن مالك. وقمت بارجاعه ومسئولي المبيعات واحد سعودي وواحد ما نطق بكلمة لكن شكله اجنبي ، وبّختهم وأمرتهم بإزالة جميع الصناديق . لأنها شكلها كان عليها تخفيض لكن بدون ما يحطون السعر ، طبعاً هذا بعد ما كلمت حماية المستهلك اللي حضروا خلال ساعة ونصف وعاينو الصناديق ولقوا المعفنات وأخذوا عينات وطلبوهم للاستدعاء .

طبعاً ما له داعي ذكر مبررات المدير السعودي اللي يقول لي شكلهم مطلعهم من وسط الصندوق لأنهم لو كانوا فوق كان ما سمحنا بوضعهم . قلت له جعلك للبخاز اللي يبخز عيونك ، وأنا لو شايفهم فوق ... كنت أباخذهم يعني ؟؟ مشكلتنا بالمستخبي . ولا البيعة تشمل السطر اللي فوق بس ! مهو الباقي مغطى بأوراق ، ولا ابقعد أحفر ارتوازات بصناديق البرتقال . وقال لي اننا أزلنا التالف . وبعدين أمر الموظف الاجنبي باحضار صندوق عينة لإثبات النقاوة ، قلت له يالأخو : أنت قلت أزلتوا التالف . وعينة التالف هذي اللي قدامك اللي جبتها لك . قال ايه صح ، لكن أبغى أثبت لك اننا مهتمين !!!!

المشكلة كنت دايم انحاش من البرتقال المصري لرداءة طعمه واتجة للبناني عشان العصير للأطفال وليس الأكل . وش وجيهنا قدام من كنا نتصدق عليهم من الفقراء ، يعني هم عارفين من وين جت الصناديق أصلاً ؟؟؟

طيب تخيل ان الخادمة رمتهم بدون ما تقول لي وخلت الباقي عصير للأطفال... برضه حيكون متسمم ، لأن العفن يبدأ بدري ... وينتهي بالظهور علنياً على السطح .











قد يكون الموضوع برمته ما يستاهل مقارنة بما يجري عندنا من غش . لكن قلنا للتنبيه ... والله يحفظ الجميع .

زين سويت

بس كان كلمت التجارة والبلدية

وأن ما ردوا اشتك عليهم بمكافحة الفساد

عجبني مقدمة موضوعك

فعلا الوضع مخزي مع صحافتنا

لك ودي

كثر الله من امثالك .والله انا دايما اشوف عفن بالفواكه والخضار وارجعها واخلي زوجي يستبدلها لاني لو خليتها برمي نصها ومايبقى لي شي
والله لو كل واحد سوى اللي سويته كان ما صار بالسوق شي خربان .
بارك فيك

احسنت بالتبليغ ... خل هالمحلات يحرصون ويفتشون ويفتحون عيونهم على المعروض ...

ولا ابقعد أحفر ارتوازات بصناديق البرتقال
هذا صلب الموضوع
اخوي برايم انت ميه ميه

تعرف مو موسم برتقال تلقاه مخزن من ست شهور ولضعف الرقابه ينزلوونه وناس تشتري بدون ماتشوف وتتكاسل ترده


صدقني انا ماصرت اسكت عم اي غش او ممارسه ماتعجبني اشتكي مباشره

كثر الله من امثالك لو كلنا سوينا كذا كان تأدب التجار

انا اشتريت مرة من اسواق الجزيرة ورميت 9 برتقالات

متعفنة ولبعد السوق عن بيتي اكتفيت بالاتصال .

ينبغي تفتيش الكرتون في المحل .

صحيح هذا مو موسم البرتقال

وحاول في الكراتين تفتش فيها قدر الامكان

والله حتى لوكان الشيء بموسمه ..
مثلا الكزر وبوقته الصيفي تلقى فيه حبات اصابها العفن ؟! ومثله بقية الفاكهة الصيفية؟!

والله انك بطل