السلام عليكم
انا اشتريت العام الماضي 31/04/2011 مكيف سبليت اسمه دولفين 18000 وحدة من العيسى طلع المكيف مايبرد اتصلت عليهم وبلغتهم طبعا احتجت اكثر من اسبوع عشان تجي فرقة الصيانة ، لا والمشكلة انه راكب في غرفة النوم ، جت فرقة الصيانة فحصوا المكيف قالوا الفريون ناقص هذا والمكيف جديد ماله الا اسابيع راكب عندي زودوا الفريون وراحو شغلته بالليل نفس الشي مابرد ، كلمتهم وبعد حوالي اسبوع ارسلوا فرقة ثانية ، فحصوا قالوا ناقص فريون ، زودوا الفريون ، ونفس المشكلة مابرد كلمتهم وارسلوا فرقة صيانة
فحصوا قالوا مافيه مشكلة المكيف مية بالمية علما اني انام بغرفة ثانية لانه صعب تنام بغرفة النوم كنك نايم بفرن ، كلمت مدير الصيانة واسمه عبد الله الغامدي وحاولت معه ياخذون مكيفهم ويرجعون لي فلوسي رفض ، طيب غير لي المكيف رفض وقال ما اقدر صعبة المكيف سليم حسب تقرير الصيانة عندنا ، اضطريت اشتري مكيف ثاني نظام شباك وركبته في غرفتي انا اشتريت المكيف بتاريخ 31/04/2010 والى الان والمكيف معلق بالجدار ، والله اني حتى حاولت ادور واسطة عشان يشيلون مكيفهم مسوي زحمة في الغرفة بلا فائدة .
نصيحة يا اخوان اياكم ثم اياكم تشترون اي منتج وكيله العيسى فهو من اسوأ الوكلاء في السعودية ، انا مااقول هالكلام عشان خبرتي السيئة معهم فقط لا والله اكثر من واحد من الموزعين قال هالكلام والمكيف الثاني اللي اشتريته عندما قلت للموزع القصة قال هذا اسوأ وكيل وهذي بضاعته عندي بس انصحك ماتشتري منها .

رويت القصة للعبرة وللتحذير ، صراحة شي مؤسف لو كنت في اوروبا او امريكا تتصل بالتلفون وتقول للوكيل ماابغى جهازكم ، فورا يرجعونه ويعطونك فلوسك بدون مشاكل وكذب وخداع ، لكن بالسعودية حقوقنا تؤخذ عينك عينك والواحد مايدري من ينصفه ويرجع له حقوقه .
حسبي الله ونعم الوكيل على العيسى وكل الوكلاء اللي ياخذون حقوقنا جهارا نهارا واضرب راسك باقرب جدار .

بصراحة انا اخذتها قاعده بعد كم قرصه اخذتها .. ما اشتري اي جهاز الا لما ابحث عن تعامل الوكيل مع العميل .. شف اركز على الوكيل اكثر ..
فاذا سمعت الوكيل عليه ملاحظات او عُرف بسوء الخدمات.. و بضاعته ترقل فبغنى عنه وعن بضاعته ولو هي ببلاش ما اخذ منه ..
لكن الوكيل الجيد اعرف بضاعته طيبه وانت كعميل راح ترتاح وحتى لو صادف و لقيت عيب بالسلعه وهذا وارد مع اي وكاله لكن الوكيل الجيد يحاول ان يرضي العميل ويحافظ عليه وعلى سمعته .. والردي من الوكلاء يتعب معه العميل وتسمع صياح العملاء بالجرائد والمواقع النت ..
وكلامي هذا بالعموم لا اعني به وكيل عن اخر وكنصيحه للعملاء استفسروا عن الوكيل وخدمات ما بعد البيع استفسروا عن الاجهزة استفيدوا من خبرات العملاء السابقين ...

انا اشتريت العام الماضي 31/04/2011 مكيف سبليت اسمه دولفين 18000 وحدة من العيسى

تقصد شريته عام 2010م
ما عطوك سبب لعدم تبريده ؟؟ وش صناعته سعودي ؟
طيب اخوي الغرفه كبيرة مساحتها ؟ ممكن انها كبيرة وحجم المكيف صغير عليها ..
جرب تقدم شكوى لوزارة التجارة الغش التجاري .. ان لك حق راح يردونه لك ..

هذي وسائل الاتصال بمكافحه الغش جرب اسئلهم

المملكة العربية السعودية
مكافحة الغش التجاري
الإبلاغ عن مخالفة تجارية
هناك طريقتين

الأولى الاتصال على الرقم المجاني 8001241616

أو تعبئة نموذج على الرابط التالي
http://www.commerce.gov.sa/mok2/form.asp

---------------

رويت القصة للعبرة وللتحذير ، صراحة شي مؤسف لو كنت في اوروبا او امريكا تتصل بالتلفون وتقول للوكيل ماابغى جهازكم ، فورا يرجعونه ويعطونك فلوسك بدون مشاكل وكذب وخداع ، لكن بالسعودية حقوقنا تؤخذ عينك عينك والواحد مايدري من ينصفه ويرجع له حقوقه

هنا يجي دور جمعية حماية المستهلك ؟.. لو هي قوية لتحسن وضع المستهلك .. الجمعية
المفروض تطالب بتطيبق حقوق المستهلك الثمانيه ..

وانا اخوك وانت مصدق ان فيه ضمان عندنا
انا ودي انك رحت لورشة تبريد جنب بيتكم وشف وش يقول لك

المشاركة الأصلية كتبت بواسطة جمرة غضا التميمية

بصراحة انا اخذتها قاعده بعد كم قرصه اخذتها .. ما اشتري اي جهاز الا لما ابحث عن تعامل الوكيل مع العميل .. شف اركز على الوكيل اكثر ..
فاذا سمعت الوكيل عليه ملاحظات او عُرف بسوء الخدمات.. و بضاعته ترقل فبغنى عنه وعن بضاعته ولو هي ببلاش ما اخذ منه ..
لكن الوكيل الجيد اعرف بضاعته طيبه وانت كعميل راح ترتاح وحتى لو صادف و لقيت عيب بالسلعه وهذا وارد مع اي وكاله لكن الوكيل الجيد يحاول ان يرضي العميل ويحافظ عليه وعلى سمعته .. والردي من الوكلاء يتعب معه العميل وتسمع صياح العملاء بالجرائد والمواقع النت ..
وكلامي هذا بالعموم لا اعني به وكيل عن اخر وكنصيحه للعملاء استفسروا عن الوكيل وخدمات ما بعد البيع استفسروا عن الاجهزة استفيدوا من خبرات العملاء السابقين ...



تقصد شريته عام 2010م
نعم 2010 بس غلطة طباعة
ما عطوك سبب لعدم تبريده ؟؟ وش صناعته سعودي ؟
لا قالوا ان تبريده عادي وهذا كلام غير صحيح وصناعته ماادري ايش هي مكتوب عليه دولفين
طيب اخوي الغرفه كبيرة مساحتها ؟ ممكن انها كبيرة وحجم المكيف صغير عليها ..
لا مساحتها 4*5 وبعدين غرفتي وانا اعرفها لي اكثر من 25 سنة وانا استخدم 18000 وحدة شباك والمفروض ان السبلت يكون افضل ، انا عندي غيره ثالاثة LG شغالين ولا احلى
جرب تقدم شكوى لوزارة التجارة الغش التجاري .. ان لك حق راح يردونه لك ..
ابشرك قدمت وجاني الرد منهم ورقم الشكى على الجوال
هذي وسائل الاتصال بمكافحه الغش جرب اسئلهم
ماطلع معي شي لكن عموما انا اتصلت عليهم وقدمت الشكوى


---------------






هنا يجي دور جمعية حماية المستهلك ؟.. لو هي قوية لتحسن وضع المستهلك .. الجمعية
المفروض تطالب بتطيبق حقوق المستهلك الثمانيه ..

شكرا اختي العميدة على التفاعل مع الموضوع وهذا المامول منك دائما

المشاركة الأصلية كتبت بواسطة قاعدلهم

وانا اخوك وانت مصدق ان فيه ضمان عندنا
انا ودي انك رحت لورشة تبريد جنب بيتكم وشف وش يقول لك

شكرا لك اخوي قاعد لهم على التفاعل مع الموضوع
لا والله وان اخوك ماني مصدق ومقهور من اللي يحصل عندنا

الا سؤال
كم يستغرق الرد على الشكوى عند مكافحة الغش التجاري ؟