العودة   منتدى مقاطعة > الإعلام > مقالات > مقالات ... زغرطووووا معايا

إضافة رد
 
أدوات الموضوع إبحث في الموضوع انواع عرض الموضوع
قديم 15-01-2011, 12:31 AM   #1
abuhisham
الإدارة

 
رقـم العضويــة: 94
تاريخ التسجيل: Aug 2007
مــكان الإقامـة: جده, السعودية
المشـــاركـات: 17,549
Twitter

افتراضي مقالات ... زغرطووووا معايا

زغرطووووا معايا

فتحي حلواني

لولولولولولولي.. لولولولولولولولي.. خير يا حرمه إيش في صوتك واصل لآخر الزقاق شكلو جاء عريس لفتو؟ ياريت يا حسره عليا من فين ح يجي العريس وشباب البلد مو ملاقيين وظايف وإذا لقيو وظايف الرواتب اللي بيستلموها ما تكفيهم يفتحوا بيت يللا تكفيهم لمصاريف جيبهم وزي منت عارف كيف الغلاء شادد حيلوا في الزمن ده شباب يا كترهم من غير وظايف وبنات يا كترهم من غير وظايف ولا عرسان هدا غير إنه (بعض) الشباب إذا اتزوجوا ما تمر سته شهور أو سنه إلا وهوه مطلق شباب الزمن ده ما يقدروا يتحملوا المسؤوليه على بالوو إنه الزواج لعبه وكمان (بعض) البنات إذا اتزوجت ما تحب تقر في بيتها تبغى تفلها زي ما كانت في بيت أبوها أسواق ومولات وكافيهات من يوم ما كترت هادي الكافيهات في البلد وبعض من بناتنا الله يهديهم ويصلحهم مافي إلا شفط ونفخ في المعسلات من غير لا حسيب ولا رقيب يللا الله يستر على عبيدو.. دحين أنا بسألك على الزغرووطه اللي واصله لآخر الشارع تقوليلي عرايس وعرسان انت ما قريت الخبر اللي كان مكتوب في الجريده؟ لا ما قريتوا ولا انتبهتلوا.. يا سيدي انت كبرت وما عاد صرت تشوف من جد عيون كبار للهواء والغبار طيب أنا اقولك ايش كان مكتوب في الخبر اللي كان مكتوب بالبنط العريض «التجارة» تتحرك لفرض سقف لأسعار السلع المتضخمة يعني بالبلدي كده وزارة التجاره حتشوف حل لارتفاع الاسعار..
ياستي علمييني كيف يزغرطووو؟
كده ياسيدي لولولولولولولي ..
بعد خراب مالطه جية وزارة التجارة تشوف حل والله ما ادري اسميها وزارة التجارة والا وزارة (الخسارة) دحين بعد ما التجار بهدلونا من كل شق وطرف دوبها عرفت وزارة التجاره انه في تلاعب في الاسواق وفي كل المواد الاستهلاكيه اللي يحتاجها المواطن الغلبان، فينها ما تحركت من زمان والا كان عاجبها الحال وساكته على اللي بيصير في الأسواق مافي سلعه يحتاجها المواطن الغلبان المغلوب على امره الا وارتفع سعره يعني دحين جيه تسوي ابو عرام على التجار وتشوف حل بالله ده كلام يا وزارة التجاره بعدين يفتح الله انه الاسعار ترجع زي ما كانت لانه اللي بيرتفع سعرو ما يرجع زي ماكان لانه المثل بيقول اللي اتكسر عمرو ما يتصلح، فينها ما تحركت من زمان تعبنا ونحنا نتكلم ونهرج وحلوقنا وحلوق المواطنين الغلبانين انشرقت وهيه بتهرج وتتكلم .. فينها ما حاربت ولا حاسبت ولا هادول التجار اللي جالسين يلعبوا في السوق على كيفهم فينها ما تحركت وشهرت بهادول التجار وغرمتهم على طمعهم وجشعهم.. دحين جيه تتحرك بعد ما طارت الطيور بأرزاقها.. دحين جيه تتحرك بعد ما عرفت انه في مصانع وشركات ومستوردين وتجار جملة وتجار تجزئة ونقاط بيع متورطين في رفع الأسعار وانها كانت بتتلاعب في السوق على كيفها.. التجار عندنا يا وزارة التجارة زي المناشير طالعين واكلين نازلين واكلين ونحن يا غافلين لكم الله شفطوا جيوبنا شفط، الله يكافيهم من عندو مستودعاتهم متروسه بالمواد الاستهلاكيه اللي بيستوردوها بتراب الفلوس هدا غير اللي بيصنعوها في مصانعهم.. ياريت الحكومه تستورد السلع الاساسيه وتبيعها علي المواطن بسعر التكلفه كان التجار عرفوا ان الله حق ويتأدبوا .. يا وزارة التجاره اضربي بيد من حديد على كل تاجر يتلاعب في السوق وارحمي المواطن الغلبان اللي حياته صارت هم في غم.. يلقاها من فين والا من فين من الاسعار اللي بهدلت حياته والا من الايجارات اللي قصمت ظهره وارحموا من في الارض يرحمكم من في السماء وعيشوا كتيييييير تشوفوا كتيييييير

مثل حجازي / الحيطة المايلة كل واحد يطلع عليها.

http://www.okaz.com.sa/new/Issues/20...0114394546.htm




الموضوع المقصود هنا:
https://www.mqataa.co/vb/showthread.php?t=30958

التعديل الأخير تم بواسطة abuhisham ; 15-01-2011 الساعة 12:36 AM
abuhisham غير متواجد حالياً  
رد مع اقتباس
قديم 24-01-2011, 05:35 PM   #2
جمرة غضا
التميمية
المراقب العام
 
الصورة الرمزية جمرة غضا
 
رقـم العضويــة: 715
تاريخ التسجيل: Aug 2007
مــكان الإقامـة: محفر تمر سكري
المشـــاركـات: 40,561
Twitter

افتراضي

سكتت الى ان وصلت الارباح الـ 100% فوق الحد المفروض ان تباع به ! اجل متى تتحرك بشكل فعلي ؟
اسهل لنا ان نقول

غطوها وصوتوا

___________________________

التميمية تويتر


للتواصل مع ادارة المقاطعة


جمرة غضا غير متواجد حالياً  
رد مع اقتباس
إضافة رد

مواقع النشر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:16 AM.