السلام عليكم ورحمة الله وبركاته

ياجماعة الخير انا محتار يمكن الموضوع فكاهي شوي لكن بجد انا محتار وعجزت القى حل لموضوعي واللي اعتبره لغز بصراحة ومطلوب منكم تحلونه بأسرع وقت عشان ماتروح علي الدعوة .

الموضوع يااعضاء المتدى أنني دعيت الى وليمة وبعد الانتهاء من تناول وليمة العشاء قام احدهم ليدعو الى وليمة اخرى وبصوت عالي قال ياجماعة الخير العشاء عندي القبلة القابلة .

ملاحظة : القبلة معروفة انها بكره لكن القبلة القابلة وش يقصد فيها

انا ودي احضر بس ماادري متى العزيمة بالضبط افيدونا قبل لاتروح علينا العزيمة .

والله مدري

بس هو اكيد

يا غداً

او بعد غد

وتأكد اول هههههههههههههه

القبلة القابلة

الله يهديك بسيطة , بس كان الأول سألته بالميلادي ولا بالهجري

المشاركة الأصلية كتبت بواسطة الرجل الذي يطير

ياجماعة الخير العشاء عندي القبلة القابلة .

ملاحظة : القبلة معروفة انها بكره لكن القبلة القابلة وش يقصد فيها

انا ودي احضر بس ماادري متى العزيمة بالضبط افيدونا قبل لاتروح علينا العزيمة .

المعروف ان القابلة هي بكره بالليل ، لكن شكل فيه واحد غيره عزم الحضور على القابلة ، فهو يبي يتميلح ويسوي نفسه فاهم وراعي عزايم ، وحاول يحجز لليلة اللي بعدها ، يعني عقب القابلة ، يعني بعد بكره بالليل . وجاب العيد .

نصيحتي لا تروح بس ، ما دام هذي علومه شكل عشاه أكيد ما فيه طماط .

بس تبي الصراحة اخوي (الرجل الذي يطير) انت لك من اسمك نصيب ، ولا وشو له تطير بالعجه وتروح لعشاء ما تعرف فيه احد . وكان انك تعرف احد اسأله .

ما دام هذي علومه شكل عشاه أكيد ما فيه طماط .

طيب يمكن هو قال : القابلة القابلة وانت سمعتها غير .. احتمال وارد

المشاركة الأصلية كتبت بواسطة prime

نصيحتي لا تروح بس ، ما دام هذي علومه شكل عشاه أكيد ما فيه طماط .
.

خطيييير أحلى شي قريته من اسبوع

تأكد يمكن قال مقبلة القابله

تدري وشلون انت روح وتكي عند بابهم كل ليله لين تشوف فيه حركه وناس داخله ادخل معهم وبكذا ماطوف عليك افهمها علي الطايررررررررررررر

المشاركة الأصلية كتبت بواسطة ملف علاقي

تدري وشلون انت روح وتكي عند بابهم كل ليله لين تشوف فيه حركه وناس داخله ادخل معهم وبكذا ماطوف عليك افهمها علي الطايررررررررررررر

ملف علاقي تبيه يصير حارس عند بابهم
لالا ياطائر اسمع مني انا بعد اطلاعي على القواميس العربيه واللهجات البدويه
اكتشفت اخيرا ان قصد الرجال بعد ليلتين للتوضيح اكثر(انت كنت معزوم ليلة الخميس مثلا ليلة الجمعه ماتروح وليلة السبت هي الليله الموعوده المنتظره)وبالهناء والعافيه
صفقوا لي جبتها اهم شيء اذا كان عشاهم فيه طماطم جبلنا لاتنسانا ياطائر