أخواني في هذا المنتدى
ودي اشتري سيارة ويوم شفت حملتك ما ادري وش أسوي
ما اقدر اقاطع محتاج مرة
معي 25 - 30 ألف بس ودي سيارة حتى لو مو اتوماتيك مكيفها شغال و تشيل
سبعة أشخاص و نظيفة ومافيها خربات ما يهم عمرها
افيدوني

اخوي تراء المقاطعه للجديد مو للمستعمل يعني روح لمعارض السيارات واشتري سيارة
لك
طيب قاطعت انا سنه كاملة واحتجت سيارة ضروري رحت ابي اشتري من المعارض

حصلت اسعار السيارات المستعملة قريبه من اسعار السيارات الجديده اضطريت اني اشتري

سيارة جديده لاني محتاج سيارة امشي فيها مسافات طويله ولزم تكون جديده او اخت

الجديده اخوي انت محتاج سيارة ما احد يبي يجي لك يقول خذ موتري ولا تشتري

والله ما احد درى عنك روح بس اشتر السيارة الي تعجبك والله لا حياته لمن تنادي

لا لا لا لا لا تنساء انك هنا هنا افهمها عاد تقاطع وا لا ما تقاطع الاسعار ما راح تنزل

وكل سنه ترتفع عن السنه الي بعدها حسبي الله ونعم الوكيل

تبي نصيحتي امكن عمرك بس واشتري قبل ما ترتفع الاسعار

وعلى فكرة انا معك المقاطعة مطلوبه لكن وش الحل اذا الانسان محتاج سيارة له ولعياله

السلام عليكم ورحمة الله وبركاته..
أضحكت سني يا كن واعيا ً... هههههه .. يوم تقول ما اقدر اقاطع..محتاج مرة.. فديتك ودك تقاطع.. انا معك..
وانا وانت واخواني واخوانك.. يبي يجيبون العيد بهذولي الوكلاء ان ما اشترينا منهم.. يبوننا نشتري السيارة بقيمة سيارة ونص !!

اول شيء.. موضوعك مطلوب به شغلتين..
وش اخذ..؟
ومن وين..؟

وش اخذ.. هذي يبي لها مقارنة بالسيارات لمعرفة الانسب لوضعك.. سيارة حليوة متواضعة.. وتؤدي المهام وتشيل عائلتك الكريمة براحة .. ومتوفر كثير..
وفي حدود 25 الى 30..
هالميزانية تمكنك من مستعمل نظيف .. او جديد بتقسيط (لاحظ ما قلت تمليك بالتأجير.. نصيحة ابعد عنه متعب وفوائد ربا وربطة بالرقبة بالتسديد.) واللي يقولك الوعد بالتمليك هاته لي أويك فيه !! :$
او كذلك إذا بإمكانك اخذ تمويل بنكي.. يعني البنك يسلفك زيادة قد ما تبغى..ويشتري السيارة وتصير بإسمك.. نفس التأجير اللهم انك تقسط للبنك مو للوكالة... و عندك إمكانية ان تاخذ باي مبلغ.. مع العلم أن فائدة البنوك ما تزيد عن 3%.. عكس الوكالة بتأجير التمليك ..فائدته مركبة..وقصتها طويلة.. ان بغيتها بشرحها لك..

الاختيار..
عاد انت من وين.. ان كنت من الشرقية.. عطيني معلومات اتصالك وبأفيدك بما اعرف ..
ووين ما كنت..خذ نظرة على موقع حراج الالكتروني..على الاقل لمعرفة ما يمكن شراءه من اختيارات مختلفة وعلى قد جيبك..

وأخيرا.. اقولك.. ان حسمت امرك على شراء سيارة جديدة.. نصيحة.. لاتاخذ من الوكالة.. خذ من معرض ..ونفس السيارة بنفس المواصفات.. واصفط اللي يقولك ضمان الوكالة .. بالحالتين انت دافع قطع الغيار الاستهلاكية.. عدا العيوب المصنعية.. وهذي بإذن الله.. بالإمكان تفاديها بالبحث جيدا ً في السيارة اللي اتخذتها قرارك النهائي..وبالاستخارة.. وربي يوفقك.. واسف ع الاطالة.. وباي وقت بخاطرك شيء انا اخوك العامودي ومعك هنا..